KIRUOGIK 2:13 - BUKUIT NE TILIL

¹³ Ak kimeto Jehovah, ak koot Baal ak Astarot.

Bukuit Ne Tilil

¹³ Ki meto Kamuktaindet ne Toroor, ak koot Baal ak Astarot.

BUKUIT NE TILIIL Sireet ne Dutero Kanon

¹³ Ki meto Kamuktaindet ne Toroor, ak koot Baal ak Astarot.

KIRUOGIK 2:13 ပူးပေါင်းရင်းမြစ်များ

1 LAITORINIK 11:33

amu kigobagakta, ak kogutung’ji Astoret kanamwet ne kwondo ne bo Sidonik, ak Kemos kanamwetab Moab, ak Milkom kanamwetab lagokab Amon; ama bendote ortinwekyuk, koyai ne mie eng’ tainnyu, ak korib ng’atutikyuk ak kiruogutikyuk, ko u ye kiyai Daudi kwandanyi.

1 LAITORINIK 11:5

Amu kiisub Solomon Astoret, kanamwet ne kwondo ne bo Sidonik, koboto Milkom ne kiwechei ne bo Amonik.

2 LAITORINIK 23:13

Ak kiing’wanit laitoriat komoswek che tororen che kimi taitab Jerusalem, che kimi eutab tai ne bo tulwetab ng’emisiet, ne kiga teekyi Solomon laitoriatab Israel Astoret ne kiwechei ne bo Sidonik, koboto Kemos ne kiwechei ne bo Moab, ak Milkom ne kiwechei ne bo lagokab Amon.

2 ATEPTAP PEETUUSYEK 12:2

Ak eng’ kenyit ne bo mut ne bo laitoriat Reoboam, kotogos Sisak laitoriatab Misri, konyo kobar Jerusalem, amu kiga kongelelji Jehovah;

2 ATEPTAP PEETUUSYEK 28:3

Kibeel kogeny nyamdutik eng’ atebwetab weritab Hinom, ak kobeel lagokyik eng’ mat, ko u tuguk che kiwechei che bo bororiosiek, che kiga on Jehovah eng’ taitab lagokab Israel.

2 ATEPTAP PEETUUSYEK 33:3

Amu kiteech kogeny komoswek che tororen che kiga kobut kwandanyi Hesekia; kiteekyi Baalik kapkorosusiek, ak koyai Aserot, ak kigutung’ji tuguk tugul che bo kipsengwet ak koot.

2 ATEPTAP PEETUUSYEK 7:22

Ak kowol kole, Amu kimeto ichek Jehovah, Kamuktaindetab kwanisiekwak, ne kiimut ichek komong’ eng’ emetab Misri, ak konamgei ak kanamonik, ak kogutung’ji, ak koot: noto anyun kiipchi inendet ichek yaitioni tugul.

TIENWOGIKAL 106:36

Ak kiot kanamonikwak; Che kiek mestet eng’ ichek:

JEREMIA 16:11

Ilenji anyun ichek, Amu kigometa kwanisiekwok, mwaei Jehovah, ak kosubot kanamonik che ter, ak koot ak kolos, ak kometa, ama rib ng’atutikyuk;

JEREMIA 2:20

Amu kiairi choging’ung’ eng’ betusiek che bo keny, ak ang’eti anoguk, ak kiimwa ile, Maotisiei, amu kiing’uruge eng’ tulwet age tugul ne koi ak eng’ ketit age tugul ne tuon, iyae kugoinatet.

KAITOSYEK 25:3

Ak kinamgei Israel ak Baal-peor: ak kilalyo neregekab Jehovah agobo Israel.

1 KORINTOEK 8:5

Amu agot nganda mitei che keguure cheptalelisiek, ngo eng’ kipsengwet, anan eng’ ng’ony; ko u ye mitei cheptalelisiek che chang’, ak kiptainik che chang’;

KIRUOGIK 10:6

Ak kiyai lagokab Israel yaitiet kogeny eng’ taitab Jehovah, ak kiot Baalik, ak Astarot, ak kanamonikab Suria, ak kanamonikab Sidon, ak kanamonikab Moab, ak kanamonikab lagokab Amon, ak kanamonikab Pilistik; ak kimeto Jehovah, mata koot inendet.

KIRUOGIK 2:11

Ak kiyai lagokab Israel yaitiet eng’ taitab Jehovah, koot Baalik:

KIRUOGIK 3:7

Ak kiyai ne ya lagokab Israel eng’ taitab Jehovah, ak koutie Jehovah Kamuktaindenywa, ak koot Baalik ak Aserot.

1 SAMUEL 12:10

Ak kirirji Jehovah kolenji, Kigeyai tengekto, amu kigebagakte Jehovah, ak keot Baalik ak Astarot: ago soruech nguno eng’ eutab bunikyok, si keotin.

1 SAMUEL 31:10

Ak kiinde karikyik gotab Astarot: ak koratyi mustanyi inatutab Bet-san.

1 SAMUEL 7:3

Ak king’alalji Samuel got tugul ne bo Israel, kolenji, Ngot oweekyinige Jehovah eng’ mugulelwekwok tugul, oiste anyun kanamonik che too ak Astarot eng’ kwenung’wong’ ak otokyi mugulelwekwok Jehovah ak oot inendet inegei: si kosoruok eng’ eunekab Pilistik.