KIRUOGIK 2:12 - BUKUIT NE TILIL

¹² ak kimeto Jehovah, Kamuktaindetab kwanisiekwak, ne kiimut ichek komong’ eng’ emetab Misri, ak kosub kanamonik, che bo kanamonikab bik che kimenyei komoswekwak tugul, ak kong’urukyi kanamonichoto: ak kitach Jehovah si konerech.

Bukuit Ne Tilil

¹² Ki meto Kamuktaindet ne Toroor, Kamuktaindetap kwanisyekwak, ne ki imut icheek komong' eng' emetap Misiri, ak koosup kamuktaik alak, che po piik che ki menyei komoswekwak tugul, ak kong'uruukyi kanamonichooto. Kitach Kamuktaindet ne Toroor kot konereech.

BUKUIT NE TILIIL Sireet ne Dutero Kanon

¹² Ki meto Kamuktaindet ne Toroor, Kamuktaindetap kwanisyekwak, ne ki imut icheek komong' eng' emetap Misiri, ak koosup kamuktaik alak, che po piik che ki menyei komoswekwak tugul, ak kong'uruukyi kanamonichooto. Kitach Kamuktaindet ne Toroor kot konereech.

KIRUOGIK 2:12 ပူးပေါင်းရင်းမြစ်များ

TIENWOGIKAL 106:36

Ak kiot kanamonikwak; Che kiek mestet eng’ ichek:

TIENWOGIKAL 78:58

Kitach inendet kot konerech eng’ oldinwekwak che sutotin, Ak kiigochi inendet ng’etkonda eng’ kanamonikwak che kigiwai.

KOMONG'U 13:14

Ak ye tun teebenen wering’ung’ eng’ betusiek che bwanei, kole, Nee ni? Ilenji anyun, Kiimoong’wech Jehovah eng’ Misri, eng’ gotab otwognatet, eng’ eut ne kim:

KOMONG'U 13:16

Ak egu noto kaborunet eng’ eung’ung’, ak koek ratutik che kirate anok eng’ turietab togeng’ung’: amu kiimutwech Jehovah eng’ eut ne kim kemong’une Misri.

KOMONG'U 13:3

Ak kilenji Musa bik, Obwat betuni, ne kiomong’une Misri, eng’ gotab otwoknatet; amu kiimoong’wok Jehovah eng’ kimnatetab eunnyi, omong’une olito; magiamei makatinik che kaginde mermerek.

KOMONG'U 13:9

Ak tun egu noto kaborunet eng’ eung’ung’, ak koek kabwatet ne mi kwenutab konyeguk, si kobiit kotebe ng’atutikab Jehovah kuting’ung’; amu kiimoong’wok Jehovah omong’une Misri eng’ eut ne kim.

KOMONG'U 20:5

ameng’urukyi anan iot ichek: amu ane Jehovah Kamuktaindeng’ung’, ko a Kamuktaindet ne ama ng’etkong’, ageerjini lagok tengektab kwanisiekwak, agoi ibindab somok ak ne bo ang’wan eng’ ichek che wecha,

JEREMIA 16:11

Ilenji anyun ichek, Amu kigometa kwanisiekwok, mwaei Jehovah, ak kosubot kanamonik che ter, ak koot ak kolos, ak kometa, ama rib ng’atutikyuk;

NG'ATUTIK 13:5

Ak kibarei maotiondonoto anan karuotitoindonoto; amu kimwa kit ne ibeeti bik kobagakta Jehovah Kamuktaindeng’wong’, ne kiimutwok omong’une emetab Misri, ne kiitiachin eng’ gotab otwognatet, kole komaasin eng’ oret ne king’atin Jehovah Kamuktaindeng’wong’ iwendote. Iste anyun ko u noto yaitiet eng’ kwenung’ung’.

NG'ATUTIK 29:18

si mabiit chi eng’ okwek mureno anan kwondo, anan gab chi, anan oret, ne mastoi muguleldanyi rani kobagakta Jehovah Kamuktaindennyo, kwo koot kanamonikab bororiosiechoto; si mabiit eng’ okwek tigitiotab ng’wanindo ak ng’wonet;

NG'ATUTIK 29:25

Kole anyun bik, Amu kibagakta kayomisetab Jehovah, Kamuktaindetab kwanisiekwak, ne kiyai koboto ichek ye kiimutu komong’ eng’ emetab Misri;

NG'ATUTIK 32:15

Ago kiner Jesurun, ak kotiaris: Kainer, kainyigisitu, kaiakwaitu: Kibagakta anyun Kamuktaindet ne kiyai inendet, Ak kosas Ruandetab yetunennyi.

NG'ATUTIK 33:17

Twateiyot ne bunu kirginnyi kotinyei torornatet; Ak kuinoikyik ko kuinoikab soet: Toortoe choto bororiosiek tugul agoi tabanwekab ng’ony: Ak choto tamanusiekab elfusiekab Epraim, Ak choto elfusiek che bo Manase.

NG'ATUTIK 4:25

Ye isich lagok, ak mochogoronik, ak koga omeny emet keny, ak ong’emgei, ak oyai kanamwet eng’ kergeindab kiy age tugul, ak oyai ne ya eng’ taitab Jehovah Kamuktaindeng’ung’, otach inendet;

NG'ATUTIK 5:9

ameng’urukyi, anan iot: amu ane Jehovah Kamuktaindeng’ung’ ko a Kamuktaindet ne amei ng’etkong’, ageerjini lagok tengektab kwanisiekwak, agoi ibinda ne bo somok ak ne bo ang’wan eng’ ichek che wecha;

NG'ATUTIK 6:12

ripge anyun si meutie Jehovah, ne kiimutun imong’une emetab Misri, eng’ gotab otwoknatet.

KIRUOGIK 10:11

Ak kimwachi Jehovah lagokab Israel, kolenji, Tos kima asoruok eng’ Misrik, ak eng’ Amorik, ak eng’ lagokab Amon, ak eng’ Pilistik?

KIRUOGIK 5:8

Kilewen cheptalelisiek che taunen; Kibiit luget eng’ kurgotik: Tos kibiit long’et anan ko ng’otit ne kigigeerei Eng’ elfusiek artam eng’ Israel?

KIRUOGIK 8:33

Ak kingobata meetab Gideon, koweek kogeny lagokab Israel, koibotgei ak Baalik, ak koyai Baal-berit koek cheptalelinywa.