KIRUOGIK 19:6 - BUKUIT NE TILIL

⁶ Kitebi ng’ony ak kiamis ak koeeiso ichek tuwai: ak kilenji kwandab kwonyoto chichoto, Asomin ale, cham itebi kemout komugul, ak ingobaibait muguleldang’ung’.

Bukuit Ne Tilil

⁶ Ki tebi ng'wony ak ki amis ak koeeiso icheek tuwai. Ak ki leenji kwandap kwonyooto chiichooto, “Asoomin ale, cham itebi kemout komugul, ak ingobaibait muguleldang'ung'.”

BUKUIT NE TILIIL Sireet ne Dutero Kanon

⁶ Ki tebi ng'wony ak ki amis ak koeeiso icheek tuwai. Ak ki leenji kwandap kwonyooto chiichooto, “Asoomin ale, cham itebi kemout komugul, ak ingobaibait muguleldang'ung'.”

KIRUOGIK 19:6 ပူးပေါင်းရင်းမြစ်များ

2 SAMUEL 13:28

Ak king’at Absalom otwogik kolenji, Ogeero, ye kagobaibait muguleldab Amnon eng’ maiyek; ko, ye alenjok, Okwer Amnon, obar anyun inendet, mat oiywei. Ma ane ne kang’atak? Ogimegitu ak onyiganitu.

1 LAITORINIK 21:7

Ak kilenji Jesebel osotiondennyi inendet, Tos ibou nguno bororietab Israel? Ng’eet ak iamisie, ak ingobaibait muguleldang’ung’: agonin mbaretab sabibuk ne bo Nabot Jesreelindet.

ESTA 1:10

Eng’ betut ne bo tisab, ye kibaibai muguleldab laitoriat amu divaik, kong’at inendet Meuman, Bista, Harbona, Bigta, Abagta, Setar, ak Karkas, ribik tisab che kiboisiei eng’ taitab laitoriat Aasuerus,

TIENWOGIKAL 104:15

Ak divaik che iboiboi muguleldab chito, Ak mwaita ne itiliali togennyi, Ak amitwogik che igimiti muguleldab chi.

LUKA 12:19

Si alenji sobondanyu, Sobondanyu, itinye tuguk che chang’ che miachen che konorotin che yamei kenyisiek che chang’; imuuny, amisie, eeise, ak ibaibaitu.

1 THESSALONIKEK 5:3

Ye mwaei ichek kolen, Kalyet ak chametab ge, koche anyun ichek ng’emisiet, ko u ye ityin ng’wanindo kobogoriot ne machei kosigis; ago magoi chililso.

NG'ANG'UTYET 11:10

Ak boiboitu ichek che menyei ng’ony agobo icheget, ak kogasegei; ak koyokyingei konunoik, amu kiinyalili maotichuto aeng’ ichek che menyei ng’ony.

NG'ANG'UTYET 11:13

Ak kibiit eng’ sainato botanet ne o ne bo emet, ak kilul kebeberta agenge eng’ taman ne bo nganaset; ak kigibar eng’ botanonato bik elfusiek tisab; ak kiarogenso che kiga ng’et, ak kiigochi torornatet Jehovah ne bo kipsengwet.

KIRUOGIK 16:25

Ak kingogasgei mugulelwekwak, kole, Oguur Samson konyo kourerenwech. Ak kiguur Samson komong’ eng’ korgoret; ak kiureren eng’ tainywa: ak kiinde inendet kwenutab tolochik.

KIRUOGIK 19:7

Ak king’eet chichoto kole kwo; ago kiigaigai kapyugoinnyi, ak kiru yoto kogeny.

KIRUOGIK 19:9

Ak kingong’eet chichoto kole kwo, inendet ak chebaigeiyandennyi, ak otwogindennyi, kolenji inendet kapyugoinnyi kwandab kwonyoto, Keero, amu machei koimen, asomin ale tebi kemout komugul: keero, machei kogesgei betut, ru yuto, si kobaibait muguleldang’ung’; si imuste karon mising’, iwe ga.

KIRUOGIK 9:27

Ak kiba mbarenywa, koba kobut sabibuk, ak kotui, ak koyai igorta, yeityo koba gotab cheptalelinywa, koamis ak koeeisei, ak kochub Abimelek.

RUTH 3:7

Ak ye kingo kagoamis Boas ak koee, ak kobaibait muguleldanyi, kwo koru ye boch karurugutietab bek: ak kinyo Ruth mutyo, ak kong’any kelyekyik, ak koru yoto.

1 SAMUEL 25:36

Ak kiwa Abigail ole mi Nabal; ak keero, kitinyei igorta eng’ gonnyi, ne u igortab laitoriat; ak kibaibai muguleldab Nabal eng’ orinnyi, amu kiga bogit kot: ma mwachi kiy amun inendet, ne ming’in anan ne o, agoi koeech.