KIRUOGIK 19:16 - BUKUIT NE TILIL

¹⁶ Ak ogeero, kinyo boiyot age ne kibunu boisiennyi eng’ mbar koskoleny: ki bo chichoto emetab tulonokab Epraim, ak kimeny Gibea koek toondet; ago ki Benjaminik bikab oloto.

Bukuit Ne Tilil

¹⁶ Ki nyo poiyot age ne ki punu poisyennyi eng' mbar koskoleny. Ki po chiichooto emetap tuloonoogap Ephraim, ak ki meny Gibea koek toondet. Ki piik che ki menyei Gibea ko Benjaminik.

BUKUIT NE TILIIL Sireet ne Dutero Kanon

¹⁶ Ki nyo poiyot age ne ki punu poisyennyi eng' mbar koskoleny. Ki po chiichooto emetap tuloonoogap Ephraim, ak ki meny Gibea koek toondet. Ki piik che ki menyei Gibea ko Benjaminik.

KIRUOGIK 19:16 ပူးပေါင်းရင်းမြစ်များ

TAUNET 3:19

ak iame amigwogik eng’ kaotik che bo togeng’ung’, kot iweekyige ng’ony; amu kiginemunenen yoto; amu i ng’ung’unyek, ak iweekyige ng’ung’unyek.

TIENWOGIKAL 104:23

Wendi chito boisiennyi Kwo kobois agoi koimen.

TIENWOGIKAL 128:2

Amu iame boisionikab euneguk: Ibaibaitu, ak italbisi.

KALEWANAIK 13:11

Ichuchugaksei magornatet ne kiginyoru eng’ menotet: Ago tesoksei che bo chito ne iyumi eng’ birtoetab ge.

KALEWANAIK 14:23

Tinyei kelunet boisiet age tugul: Ago ibu bananda ng’alek ichegei.

KALEWANAIK 24:27

Chob boisieng’ung’ eng’ ole bo sang’, Ak ichopchige eng’ mbar; Yeityo iteech gong’ung’.

AMDOINDET 1:13

Ak kiagiil muguleldanyu kocheng’ ak kosiach eng’ ng’omnatet agobo tuguk tugul che kiyaei eng’ kureretab kipsengwet: kiigochi Kamuktaindet werikab bik boisiet ne bo nyalilda kotigone.

AMDOINDET 5:12

Anyiny ruondab chito ne boisiei, ngo am che ng’ering’ anan che chang’: ago mainuuktos magorek amu biyendanywa.

HOSEA 9:9

Kigong’emgei mising’, ko u eng’ betusiekab Gibea: ibwati inendet tengektanywa, iityin biret amu tengekwogikwak.

EPESOEK 4:28

Inendet ne kigochorso ko matata kochorso: ago kaigai kobois, koyai eng’ eunekyik noto mie, si kobiit kosich kit ne igochin inendet ne banani.

2 THESSALONIKEK 3:10

Amu agot ye kigimi kobotok, ko kiging’atak ko u ni, kele ngo macham chi age tugul kobois, ko mat ongoamis.

KIRUOGIK 19:1

Ak eng’ betusiechoto, ye kima komi laitoriat Israel, kimi Lawindet age ne kiga meny komosin eng’ emetab tulonok ne bo Epraim, koek toondet, ne kiimutyigei chebaigeiyat eng’ Bet-lehem-juda.

KIRUOGIK 19:14

Kisiirto anyun koba bandanywa; kirorokta asista kota kobendi ko negit koit Gibea, ne bo Benjamin,

KIRUOGIK 19:15

ak kimasta koba oloto, koba koruiyo Gibea: ak kiwa orit, ak kotebi ng’ony eng’ oretab nganaset: amu ma biit chi ne kiimut ichek koba gonnyi koruiyo.

KIRUOGIK 19:17

Ak kitobendo kogeer kiprutoiyot eng’ oretab nganaset; ak kile boiyondonoto, Iwendi ano? Ak ibunu ano?