KIRUOGIK 19:1 - BUKUIT NE TILIL

¹ Ak eng’ betusiechoto, ye kima komi laitoriat Israel, kimi Lawindet age ne kiga meny komosin eng’ emetab tulonok ne bo Epraim, koek toondet, ne kiimutyigei chebaigeiyat eng’ Bet-lehem-juda.

Bukuit Ne Tilil

¹ Ak eng' peetuusyechooto, ye ki ma komi laitoryat Israel, ki mi Lawindet age ne ki menyei komosin eng' emetap tuloonook ne po Ephraim, ne ki imutyigei chebaigeiyat eng' Beth-lehem-juda.

BUKUIT NE TILIIL Sireet ne Dutero Kanon

¹ Ak eng' peetuusyechooto, ye ki ma komi laitoryat Israel, ki mi Lawindet age ne ki menyei komosin eng' emetap tuloonook ne po Ephraim, ne ki imutyigei chebaigeiyat eng' Beth-lehem-juda.

KIRUOGIK 19:1 ပူးပေါင်းရင်းမြစ်များ

TAUNET 22:24

Ak kisikyi Reuma chebaigeiyandennyi Teba, Gaham, Tahas, ak Maaka.

TAUNET 25:6

Ago kiigochi Abraham werikab chebaigeinikyik, che kitinyei, kagochinoik; ak kilenji koba eng’ ole mi werinnyi Isak, koba emetab kong’asis, ye kita kosobei inendet.

TAUNET 35:19

Ak kime Rael, ak kigitupchi oret ne wendi Eprat (yoto ko Bet-lehem).

2 SAMUEL 16:22

Koiitochi anyun ichek Absalom emait eng’ baragutab got; ak kiipgei Absalom ak chebaigeinikab kwandanyi kogeerei Israel tugul.

2 SAMUEL 19:5

Ak kinyo Joab go, ole mi laitoriat ak kolenji, Kegochi togochikab otwogiguk tugul eng’ betuni kolilanso, che kasor sobondang’ung’ rani, ak sobonwekab weriguk ak tibiguk, ak sobonwekab osotiguk, ak sobonwekab chebaigeiniguk;

2 SAMUEL 20:3

Ak kinyo Daudi gonnyi eng’ Jerusalem; ak kinam laitoriat kwonyichugiche taman, chebaigeinikyik, chu kiga bagakta korib got, ak konde got orit, korat, ak kobai, ago mata kwo ole mi ichek. Kigirat anyun agoi betutab meenywa, koteb koek mosogik.

2 SAMUEL 3:7

Kitinyei Saul chebaigeiyat, ne kigiguure kainennyi Rispa, cheptab Aia: ak kilenji Is-boset Abner, Amu nee si obaige ak chebaigeiyatab baba?

2 SAMUEL 5:13

Ak kiimutyigei Daudi chebaigeinik alak ak osotik alak eng’ Jerusalem, ko kagonyo eng’ Hebron: ak kita kesikyi Daudi werik ak tibik.

1 LAITORINIK 11:3

Ak kitinyei osotik bogol tisab, che ki tibikab bounik, ak chebaigeinik bogol somok: ak kiimaas osotikyik muguleldanyi.

1 LAITORINIK 4:8

Ak chu kainaikwak: Ben-hur, eng’ emetab tulonokab Epraim:

2 ATEPTAP PEETUUSYEK 11:21

Ak kicham Reoboam Maaka cheptab Absalom kosiir osotikyik tugul, ak chebaigainiyik: (amu kiitun osotik taman ak sisiit, ak chebaigeinik tamanwogik lo, ak kisich werik tiptem ak sisiit ak tibik tamanwogik lo.)

ESTA 2:14

Kiwendi koskoleny, ak koweek mutai kwo got ne bo aeng’ ne bo kwonyik korib Saasgas, ribindetab laitoriat, ne kiribei chebaigeinik: kima kota kowendi kogeny cheboto ole mi laitoriat, kobate ngo cham laitoriat cheboto, ak keguur kainennyi.

DANIEL 5:3

Kigiib anyun terenik che bo tahabu che kigibune hekalut, gotab Kamuktaindet, ne kimi Jerusalem; ak kieeise laitoriat ak kiptainikyik, osotikyik, ak chebaigeinikyik.

MALAKI 2:15

Ak tos kima yai inendet koek agenge, nganda kitinyei tamirmiriet ne king’et? Amu nee si koek agenge? Kicheng’ iyotet ne iywei Kamuktaindet. Orib anyun tamirmirikwok, amat koberber chi osotiotab ming’inatennyi.

MATAYO 2:6

Ak inye, Betlehem, emetab Juda: Ma i ming’in mising’ eng’ kandoikab Juda, Amu mong’unenen bounindet, Ne tun egu mestowotab bikyuk Israel.

JOSHUA 24:30

Ak kitub ichek inendet eng’ kiwotetab borotennyi eng’ Timnat-sera, ne mi emetab tulonok ne bo Epraim, eng’ murot ne bo katam ne bo tulwetab Gaas.

JOSHUA 24:33

Ak kime agine Eleasar weritab Aron; ak kitub ichek inendet eng’ tulwetab Pineas werinnyi, ne kiga kigochi inendet eng’ emetab tulonok ne bo Epraim.

KIRUOGIK 12:8

Ak kingobata, koruokyi Ibsan ne bo Bet-lehem Israel.

KIRUOGIK 17:1

Ak kimi chito age ne bo emetab tulonokab Epraim, ne kigiguure kainennyi Mika.

KIRUOGIK 17:6

Ak kima komi betusiechoto laitoriat eng’ Israel: kiyaei chi tugul ko u ye keerei eng’ konyekyik kole mie.

KIRUOGIK 17:7

Ak kimi mureno age ne kibunu Bet-lehem-juda, ne bo oretab Juda, ne ki Lawindet, ak kimeny oloto koek toondet.

KIRUOGIK 17:8

Ak kiwa chichoto eng’ nganasanato, eng’ Bet-lehem-juda, kwo kotebe ole kanyorji oldo koek toondet; ak kiit emetab tulonokab Epraim agoi gotab Mika, eng’ bandanyi.

KIRUOGIK 18:1

Kima komi laitoriat Israel betusiechoto: ak kicheng’jigei bororietab Danik ole menyei eng’ betusiechoto; amu kitom konyor borotenywa eng’ ortinwekab Israel, eng’ betusiechoto.

KIRUOGIK 18:13

Ak kibun yoto kot koit emetab tulonok ne bo Epraim, kot koit gotab Mika.

KIRUOGIK 19:16

Ak ogeero, kinyo boiyot age ne kibunu boisiennyi eng’ mbar koskoleny: ki bo chichoto emetab tulonokab Epraim, ak kimeny Gibea koek toondet; ago ki Benjaminik bikab oloto.

KIRUOGIK 19:2

Ak kiyai kugoinatet chebaigeiyandennyi kosas inendet, ak kibagakta inendet kwo gotab kwandanyi eng’ Bet-lehem-juda, ak kitebe oloto arawek ang’wan.

KIRUOGIK 21:25

Kima komi laitoriat Israel eng’ betusiechoto: kiyaei chi tugul ko u ye kigeerei kole mie.

KIRUOGIK 3:27

Ak kingoit, koguut igondit eng’ emetab tulonok ne bo Epraim, ak kichortagei lagokab Israel koboto inendet eng’ emetab tulonok, ak kiindoe ichek.