KIRUOGIK 15:14 - BUKUIT NE TILIL

¹⁴ Kingoit Lei, kowaach Pilistik ko katuiyo ak inendet: ak kinyonji inendet Tamirmirietab Jehovah eng’ kimnatet, ak kiigei rogoosiek che kimi eunekyik katanit ne kabeel mat, ak kiibutyo eng’ eunekyik tuguk che kiga kirate.

Bukuit Ne Tilil

¹⁴ Kingo it Lei, kowaakyo Philistiik ko katuiyo ak ineendet. Ki nyoonji ineendet `Kabuusetap Kamuktaindet ne Toroor eng' kimnateet ak ki igei rogoosyek che ki mi eunekyik, katanit ne kabeel maat, ak ki ibutyo eng' eunekyik tuguuk che kiga kirate.

BUKUIT NE TILIIL Sireet ne Dutero Kanon

¹⁴ Kingo it Lei, kowaakyo Philistiik ko katuiyo ak ineendet. Ki nyoonji ineendet `Kabuusetap Kamuktaindet ne Toroor eng' kimnateet ak ki igei rogoosyek che ki mi eunekyik, katanit ne kabeel maat, ak ki ibutyo eng' eunekyik tuguuk che kiga kirate.

KIRUOGIK 15:14 ပူးပေါင်းရင်းမြစ်များ

Kitabuutap JOB 20:5

Ile, nwach boiboiyetab kiptengeginik, Ak bo sait ne ming’in kagasetab ge ne bo ne maiywei Kamuktaindet?

TIENWOGIKAL 118:11

Kiyiema; ee, kiyiema: Ang’eetoi ichek eng’ kainetab Jehovah.

TIENWOGIKAL 18:34

Ineti eunekyuk koyai luget; Si kong’i eunekyuk kwanget ne bo sugunwet.

KOMONG'U 14:3

Ak tun mwaei Parao agobo lagokab Israel, kole, Kigobetyo eng’ emet, kigoger ong’atet ichek.

KOMONG'U 14:5

Ak kigimwachi laitoriatab Misri, kelenji, Kogomwei bik: ak kiwalak muguleldab Parao koboto che bo otwogikyik, agobo bikab Israel, ak kile, Nee ni kogiyai, kot kechamji Israelik koba, kometo otwognatet ne kootech?

MIKAH 7:8

amebaibaitunena, ee bunyondennyu: ye kabut, ang’eete kogeny; ye atebe mesundeito, koegu Jehovah lapkeiyennyu.

SEKARIA 4:6

Yeityo kowol kolenja, Ni ko ng’olyotab Jehovah ne mwachin Serubabel, kolenjin, Ma eng’ kamuktaet, ama eng’ kimnatet, ago eng’ Tamirmiriennyu, mwaei Jehovah ne bo lugosiek.

PILIPIK 4:3

Ee, asomin aginye, kiboitiot ne bo iman kobota, ale toret kobogoriosiechu, amu kigiboisiei tugul eng’ logoiywek che miach, koboto Klement agine, ak chun alak che ki kiboitinik tugul, che mi kainaikwak bukuitab sobondo.

KIRUOGIK 14:19

Ak kinyonji inendet Tamirmirietab Jehovah eng’ kimnatet, ak kichortagei kwo Askelon, ak kibar bik sosom che bo bichoto, ak koib barunenikwak ak kiigochi ngoroik che kiwalawali, ichek che kiibor tangochonoto. Ak kilalyo neregekyik, ak kitogosta kwo gotab kwandanyi.

KIRUOGIK 14:6

Ak kinyonji inendet Tamirmirietab Jehovah eng’ kimnatet, ak kigerer ng’etunyoto, ko u ye imuchi kogerer aruetab ng’oror, ak kima kotinyei kiy eng’ eut; ago ma mwachi kwanda anan ko kamet kit ne kayai.

KIRUOGIK 15:13

Ak kimwachi inendet kolenji, Achicha, kibwane keratin mising’, ak kigoiten iwe eunekwak: ago magibarin, iman. Kirate anyun rogoosiek aeng’ che leelach, ak komut kotogos eng’ ruandet.

KIRUOGIK 15:9

Kitogosta anyun Pilistik ak koteech Juda, ak koyom komoswekab Lei.

KIRUOGIK 16:12

Konam anyun Delila rogoosiek che leelach, ak korate ak kolenji, Kabwanjin Pilistik, Samson. Ak kimi bik che kiribei eng’ got ne bo orit. Ak king’eti eng’ eunekyik ko u ye king’etiei inet.

KIRUOGIK 16:24

Ak kingogeer bik inendet, kolos kanamwenywa: amu kimwa kole, Kagonde kanamwennyo bunyondennyo eunekyok, ak ko ng’emindetab emennyo, ne kigobarenech bik che chang’.

KIRUOGIK 16:9

Ak kitinyei bik che kiribei che kimi got ne bo orit. Ak kilenji inendet, Kabwanjin Pilistik, Samson. Ak king’eti inendet inoichoto, ko u ye ng’etos katanisiek ye katiiny mat. Ko ma konaak anyun kimnatennyi.

KIRUOGIK 3:10

Ak kinyonji inendet Tamirmirietab Jehovah, ak kiiruokyi Israel; ak kiwa luget, ak kiinde Jehovah eunnyi Kusan-risataim laitoriatab Mesopotamia: ak kiiterter Otniel Kusan-risataim.

KIRUOGIK 5:30

Tomo konyo, tomo kopchei barunenik? Chepto, tibik aeng’ che bunjin chi age tugul; Che bunjin Sisera, barunenikab saleiywek che ter, Barunenikab saleiywek che ter che bo nabutikab lelesta, Che bo saleiywek che ter che bo nabutikab lelesta, eng’ komoswek tuwai, eng’ kaatwekab luulenik?

1 SAMUEL 10:10

Ak kingoit tulwet, ogeero, kotuiye inendet maotik che kigaiyumgei; ak kinyonji inendet Tamirmirietab Kamuktaindet eng’ kimnatet, ak kimaoten eng’ kwenunywa.

1 SAMUEL 10:6

ak konyonjin Tamirmirietab Jehovah eng’ kimnatet, ak imaoten koboto ichek, ak kewalin iegu chito age.

1 SAMUEL 11:6

Ak kinyonji Saul Tamirmirietab Kamuktaindet eng’ kimnatet, ye kingogas ng’alechato, ak kilalyo neregekyik kot.

1 SAMUEL 17:35

asub, awe abar, ak asoru eng’ kutinnyi: ak kingong’eet kole kobara, anam tamnet, akwer, ak abar.

1 SAMUEL 4:5

Ak kingoit moingetab arorutietab Jehovah nganaset, kowaach Israel tugul eng’ waagat ne o, kot kochei emet.