KIRUOGIK 14:4 - BUKUIT NE TILIL

⁴ Ago kima nai kwandanyi ak kamennyi kole ki bo Jehovah ng’olyondonoto; amu kicheng’ei boroindo ne yachine luget Pilistik. Kibou Pilistik Israel eng’ betusiechoto.

Bukuit Ne Tilil

⁴ Ki ma nai kwandanyi ak kamennyi kole punu Kamuktaindet ne Toroor ng'olyoondonooto; amu ki cheeng'ei poroindo ne yachine lugeet Philistiik. Ki pou Philistiik Israel eng' peetuusyechooto.

BUKUIT NE TILIIL Sireet ne Dutero Kanon

⁴ Ki ma nai kwandanyi ak kamennyi kole punu Kamuktaindet ne Toroor ng'olyoondonooto; amu ki cheeng'ei poroindo ne yachine lugeet Philistiik. Ki pou Philistiik Israel eng' peetuusyechooto.

KIRUOGIK 14:4 ပူးပေါင်းရင်းမြစ်များ

1 LAITORINIK 12:15

Ma kasyi anyun laitoriat bichoto, amu ki kit ne kibunu Jehovah, si kobiit kogimit ng’olyondennyi, ne kimwa Jehovah eng’ Aija Silonindet, komwachi Jeroboam weritab Nebat.

1 LAITORINIK 12:24

Kamwa Jehovah ko u ni kole, Amobe otogoste, anan obargei ak tupchosiekwok lagokab Israel: ingoweek chi tugul kwo gonnyi; amu bunwa kii. Kogas it anyun ichek ng’olyotab Jehovah, ak koweek koba, ko u ng’olyotab Jehovah.

2 LAITORINIK 6:33

Ak ye kita kong’alali ak icheget, ogeero, koit ole mi inendet chito ne kagiyok: ak kimwa kole, Keero, bo yaitioni Jehovah; ko ta agen Jehovah kolya?

2 ATEPTAP PEETUUSYEK 10:15

Koma kasyi anyun laitoriat bichoto; amu ki kit ne kibunu Kamuktaindet, si kobiit kogimit Jehovah ng’olyondennyi, ne kimwa eng’ Aija Silonindet komwachi Jeroboam weritab Nebat.

2 ATEPTAP PEETUUSYEK 22:7

Kibunu Kamuktaindet ng’emisietab Aasia, amu kiwa ole mi Joram: amu kingoit, koba ak Jeoram kobargei ak Jeu weritab Nimsi, ne kiga koiil Jehovah si kobiit kobar gotab Ahab koges.

2 ATEPTAP PEETUUSYEK 25:20

Ago ma cham Amasia kogas; amu kibunu Kamuktaindet kioto, si kobiit konde ichek eunekab bunikwak, amu kicheng’ kanamonikab Edom.

TIENWOGIKAL 115:3

Ago mitei Kamuktaindennyo kipsengwetisiek: Kigoyai inendet kiy age tugul ne kimachei.

DANIEL 6:4

Kicheng’ anyun boisiechoto koboto bounik kochaam Daniel agobo bounatet; ago ma imuch konyorji inendet ng’olyo anan ko lelut; amu ki bo iman inendet, ama kinyorji kiy ne ma litit anan ko lelut.

NG'ATUTIK 28:48

iote anyun buniguk che imutun Jehovah kong’eetyin, eng’ rubet, ak eng’ melelda, ak eng’ ach ngorit, ak eng’ rarunetab tuguk tugul: ak konde chogitab karnet kaating’ung’, agoi kobarin.

JOSHUA 11:20

Amu ng’olyotab Jehovah ne kiiuuiit mugulelwekwak, si kobargei ak Israel eng’ luget, si kobiit kong’em ichek koges, si ma kirire ichek, ago si kobiit kobar, ko u ye kiga ng’at Jehovah Musa.

KIRUOGIK 13:1

Ak kiyai lagokab Israel yaitiet kogeny eng’ taitab Jehovah; ak kiinde Jehovah ichek eutab Pilistik kenyisiek artam.

KIRUOGIK 14:5

Kichortagei anyun Samson, koboto kwandanyi ak kamennyi, koba Timna, ak kiit mbarenikab sabibuk che bo Timna: ak ogeero, kiborisenjin inendet ng’etundo ne neran.

KIRUOGIK 15:11

Kichortagei anyun bik elfusiek somogu che bo Juda koba ole kibetak eng’ ruandetab Etam, ak kolenji Samson, Mengen ile boiywech Pilistik? Nee anyun kii koiyaiywech? Ak kilenji ichek, Ko u ye kiyaiywa ko kiayachi ichek ko u noto.

KIRUOGIK 15:3

Ak kilenji Samson ichek, Masiche lelut rani eng’ Pilistik ye ayachi yeitiet.