KIRUOGIK 12:5 - BUKUIT NE TILIL

⁵ Ak kinam Gileadik tabarwekab Jordan, korat Epraimik: ak ye mwa che kimweune Epraim, kole, Chamwa alanda, kolenji inendet bikab Gilead, I Epraimindet? Ye le, Achicha;

Bukuit Ne Tilil

⁵ Ki nam Gileadik tabarwegap Jordan, koger Ephraimik. Ak ye mwa che kimweune Ephraim, kole, “Chamwo alanda,” koleenji ineendet piigap Gilead, “Ii Ephraimindet?” Ye le, “Achicha,”

BUKUIT NE TILIIL Sireet ne Dutero Kanon

⁵ Ki nam Gileadik tabarwegap Jordan, koger Ephraimik. Ak ye mwa che kimweune Ephraim, kole, “Chamwo alanda,” koleenji ineendet piigap Gilead, “Ii Ephraimindet?” Ye le, “Achicha,”

KIRUOGIK 12:5 ပူးပေါင်းရင်းမြစ်များ

1 LAITORINIK 11:26

Ak kimach Jeroboam weritab Nebat, Epraimindet ne bo Sereda, otwogindetab Solomon, ne kainetab kamennyi ko ki Serua, kwondo ne ki mosok, kobar laitoriat.

JOSHUA 2:7

Koba anyun bichoto kole kosub eng’ oret ne wendi ainetab Jordan kot koit tabarwek ole landoe bik: ak ne matianit ko kata kobendi bichoto kiisubi ichek, keger ormarichet.

JOSHUA 22:11

Ak kigas lagokab Israel kemwaei kelen, Ogeero, kogoteech kaptisisiet lagokab Reuben ak lagokab Gad ak kebebertab bororietab Manase eng’ taitab emetab Kanan, eng’ koret ne negit Jordan, eng’ komosta ne bo lagokab Israel.

KIRUOGIK 12:4

Yeityo koyum Jepta bik tugul che bo Gilead, ak kobargei ak Epraim: ak kibar bikab Gilead Epraim, amu kile, Okwek Gileadik ko kiomweune Epraim, che omi kwenutab Epraim, ak kwenutab Manase.

KIRUOGIK 12:6

kolenji anyun ichek inendet, Mwa ile Shibolet; ak kile Sibolet; amu kima komuchi komwa komie; konam anyun inendet, ak kobar eng’ tabarwekab Jordan: ak kibek eng’ betunoto che bo Epraim elfusiek artamu ak aeng’.

KIRUOGIK 17:7

Ak kimi mureno age ne kibunu Bet-lehem-juda, ne bo oretab Juda, ne ki Lawindet, ak kimeny oloto koek toondet.

KIRUOGIK 3:28

Ak kilenji ichek, Osubwa: amu kagonde Jehovah eunekwok bunikwok Moabik. Ak kichortagei kosub inendet koba konam tabarwekab Jordan korebe Moabik, ama chamji chi kolanda.

KIRUOGIK 7:24

Ak kiiyokto Gideon bik koba emet komugul ne bo tulonokab Epraim, kolenji, Ochoruge, kebarge ak Midian, ak onam beek agoi Bet-bara, ak Jordan. Kiiyumgei anyun murenik tugul che bo Epraim, ak konam beek tugul kot koit Bet-bara, agot Jordan.

1 SAMUEL 1:1

Kimi chito age ne bo Ramataim-sopim, ne bo emetab tulonokab Epraim, ak kainennyi ko ki Elkana, weritab Jeroam, weritab Eliu, weritab Tohu, weritab Sup, Epraimindet: