KIRUOGIK 11:26 - BUKUIT NE TILIL

²⁶ Ye kita komenyei Israel Hesbon ak nganasokyik, ak eng’ Aroer ak nganasokyik, ak eng’ nganasok tugul che mi tabandab Arnon eng’ kenyisiek bogol somok, kolya si moib eng’ betusiechoto?

Bukuit Ne Tilil

²⁶ Ye kita komenyei Israel Hesbon ak nganasookyik, Aroer ak nganasookyik ak eng' nganasook tugul che mi tabandap Aineetap Arnon eng' kenyiisyek pogol somok, kolya si moip eng' peetuusyechooto?

BUKUIT NE TILIIL Sireet ne Dutero Kanon

²⁶ Ye kita komenyei Israel Hesbon ak nganasookyik, Aroer ak nganasookyik ak eng' nganasook tugul che mi tabandap Aineetap Arnon eng' kenyiisyek pogol somok, kolya si moip eng' peetuusyechooto?

KIRUOGIK 11:26 ပူးပေါင်းရင်းမြစ်များ

JEREMIA 48:19

Ee inye ne imenye Aroer, tonon eng’ oret taban, ak itoben: tebe ne mweei, ak chepto ne chilili; ilenji, Kageyai nee?

POISYONIGAP CHE KIYOKTOI 13:19

Ak kingo kagong’em bororiosiek tisab eng’ emetab Kanan, kogochi ichek emenywa koek borotet, eng’ olo bo kenyisiek bogol ang’wan ak konom:

NG'ATUTIK 2:24

Ong’eetye anyun, onam bandang’wong’, olandae atebwetab Arnon: ogeero, kande eung’ung’ Sihon Amorindet laitoriatab Hesbon, koboto emennyi: itau anyun inam kobunjin, ak iyai luget ak inendet.

NG'ATUTIK 2:36

Koboch Aroer, ne mi tabandab atebwetab Arnon, ak nganaset ne mi atebwet, agoi Gilead, ma biit nganaset ne kigimit kosiirech: kigon Jehovah Kamuktaindennyo tugul eng’ tainnyo:

NG'ATUTIK 3:2

Ak kilenja Jehovah, Ameiywei inendet: amu kaande inendet eung’ung’, ak bikyik tugul, ak emennyi; ak iyachi inendet ko u ye kiiyachi Sihon laitoriatab Amorik, ne kimenyei Hesbon.

NG'ATUTIK 3:6

Kiging’em anyun kiwong’u, ko u ye kiging’em Sihon laitoriatab Hesbon, kiging’em anyun ko u noto nganaset age tugul ne kimenyei bik, koboto gotab kor ak lagok.

JOSHUA 11:18

Kiyai Josua luget eng’ betusiek che chang’ koboto laitorinichato.

JOSHUA 12:2

Sihon laitoriatab Amorik, ne kimenyei Hesbon, ne kibou koboch Aroer, ne mi tabandab atebwetab Arnon, ak koboch kwenutab atebwet, ak kebebertab Gilead, kot koit ainetab Jabok, kiwotetab lagokab Amon;

JOSHUA 12:5

ak kibounisiei eng’ tulwetab Hermon, ak Saleka, ak Basan komugul, kot koit kiwotetab Gesurik, ak Maakatik, ak kebeberta ne bo Gilead, kiwotetab Sihon laitoriatab Hesbon.

JOSHUA 13:10

ak nganasok tugul che bo Sihon laitoriatab Amorik, ne kilaitorani eng’ Hesbon, agoi kiwotetab lagokab Amon;

JOSHUA 13:16

Kiboch kiwotenywa Aroer, ne mi tabandab atebwetab Arnon, ak nganaset ne mi kwenutab atebwet, ak warenget tugul ne negite Medeba;

JOSHUA 13:17

Hesbon, ak nganasokyik tugul che mi warenget; Dibon, ak Bamotbaal, ak Bet-baal-meon;

JOSHUA 23:1

Ak kingobata betusiek che chang’, kingo kagogochi Jehovah Israel kamuung’et eng’ bunikwak tugul eng’ komoswek tugul, ak kiga koosit Josua, kiga kotar kenyisiek che chang’;

KIRUOGIK 10:8

Ak kiim ak konyalil lagokab Israel kenyinoto ak kiinyalil lagokab Israel tugul che kimi Jordan bitonin eng’ emetab Amorik, ne mi Gilead, eng’ kenyisiek taman ak sisiit.

KIRUOGIK 3:11

Ak kiimuuny emet kenyisiek artam. Ak kime Otniel weritab Kenas.

KIRUOGIK 3:30

Kigiterter anyun eng’ betunoto Moab eng’ eutab Israel. Ak kiimuuny emet eng’ kenyisiek tamanwogik sisiit.

KIRUOGIK 5:31

Ingobetyo anyun buniguk tugul, ee Jehovah: Ago ingoigei che chamei inendet asista, ye choru eng’ kimnatennyi. Ak kiimuuny emet eng’ kenyisiek artam.

KIRUOGIK 8:28

Kigiterter anyun Midian eng’ taitab lagokab Israel, mata koyotgei met agoi. Ak kiimuuny emet kenyisiek artam eng’ betusiekab Gideon.

KIRUOGIK 9:22

Ak kiek bounindet Abimelek eng’ Israel kenyisiek somok.