KIRUOGIK 11:10 - BUKUIT NE TILIL

¹⁰ Ak kilenji boisiekab Gilead Jepta, Egu Jehovah baoriat eng’ kwenunnyo; kiyae iman ko u ng’olyondeng’ung’.

Bukuit Ne Tilil

¹⁰ Ak ki leenji poisyegap Gilead Jephta, “Egu Kamuktaindet ne Toroor paoryat eng' kwenunnyo, kiyae iman ko uu ng'olyoondeng'ung'.”

BUKUIT NE TILIIL Sireet ne Dutero Kanon

¹⁰ Ak ki leenji poisyegap Gilead Jephta, “Egu Kamuktaindet ne Toroor paoryat eng' kwenunnyo, kiyae iman ko uu ng'olyoondeng'ung'.”

KIRUOGIK 11:10 ပူးပေါင်းရင်းမြစ်များ

TAUNET 16:5

Kilenji anyun Sarai Abram, Ingobunjin nyalildanyu: kiagonin chepto otwogindennyu koek neng’ung’; ak ye kingogeer kole managat, korenya: ingobesiewech Jehovah.

TAUNET 21:23

iyosiewa anyun nguno eng’ Kamuktaindet si metila let, anan eng’ werinnyu, anan eng’ mochogoronikyuk; ago ko u rirenet ne kiayaun iyaiywa aginye ko u noto, agot eng’ emet ole kigeegune toondet.

TAUNET 31:50

Ngot ko tun ius tibikyuk, anan ngot ko tun itun osotik alak isione tibikyuk, ko mami chi kwenunnyo; keero, baoriat Kamuktaindet eng’ kwenunnyo, inye ak ane.

TAUNET 31:53

Ingoruokseiywech Kamuktaindet ne bo Abraham, ak Kamuktaindet ne bo Nahor, Kamuktaindet ne bo kwandanywa. Ak kiiyosio Jakobo agobo Inendet ne iywei Isak kwandanyi.

KOMONG'U 20:7

Amemwa kainetab Jehovah Kamuktaindeng’ung’ eng’ tangoi; amu iityin Jehovah ng’ogisto ne mwaei kainennyi eng’ tangoi.

JEREMIA 29:23

amu kigoyai berberindo eng’ Israel, ak koyai ibetab ge ak osotikab bikab kokwenywa, ak kigomwa ng’alek che bo lembech eng’ kainennyu, che kima ang’at ichek; ak ko anendet ne angen, ak ko a baoriat, mwaei Jehovah.

JEREMIA 42:5

Kimwachi anyun ichek Jeremia kolenji, Ingoek Jehovah baoriat ne bo iman ak ko ne kiyani eng’ kwenunnyo, ngot ko magiyai ko u ng’olyot age tugul ne kaiyogunenen Jehovah Kamuktaindeng’ung’ iibwech.

MIKAH 1:2

Ogas okwek bororiosiek, okwek tugul, oepchi it, ee ng’ony, ak tugul che mi oloto: ak ingoek Kiptaiyat Jehovah baoriat eng’ okwek, Kiptaiyat ne mi hekalunnyi ne tilil.

SEKARIA 5:4

Ayoktoi bukuinoto, mwaei Jehovah ne bo lugosiek, ak kochut gotab chorindet, ak kochut gotab chito ne iyostos lembechek eng’ kainennyu: ak kotebe kwenutab gonnyi, ak koges goyoto koboto ketikyik ak koikyik.

MALAKI 3:5

Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

ROMANIK 1:9

Amu Jehovah baoriandennyu, ne aote eng’ tamirmiriennyu eng’ logoiywek che miach che bo Werinnyi, ale masise amwa agobo okwek kotugul eng’ sautikyuk,

2 KORINTOEK 11:31

Ingen Jehovah Kwandab Kiptaiyat Jesu, ne iberurot koigeny, kole magenu.

NG'ATUTIK 1:16

Ak kiang’at kiruogikwok betunoto alenji, Ogasyi ng’alek tupchosiekwok, oruokyi eng’ imanda chi ak ne tupcho, ak toondet ne mi koboto inendet.

KIRUOGIK 11:9

Ak kilenji Jepta boisiekab Gilead, Ngot omuta ga kogeny kebarge ak lagokab Amon, ak kogoito Jehovah ichek eng’ tainnyu, aegu bounindeng’wong’?

1 SAMUEL 12:5

Ak kilenji ichek, Baoriat Jehovah agobo okwek, ak baoriat eng’ betuni nenyi ne kigiil, kole, ma onyoru kiy eng’ eunnyu. Ak kile, Baoriat inendet.

1 SAMUEL 24:12

Ingooiyech Jehovah, ak ingoyaaktawa Jehovah mugetut eng’ inye; ago mabarin eunnyu.