KAITOSYEK 7:62 - BUKUIT NE TILIL

⁶² ak kibramut agenge ne bo tahabu ne yamei sekelisiek taman, ne nyiitat nyamdutik;

Bukuit Ne Tilil

⁶² nyigiisindap gramit agenge ne po thahabu ne yamei shekelisyek taman, ne nyiitaat nyamdutik;

BUKUIT NE TILIIL Sireet ne Dutero Kanon

⁶² nyigiisindap gramit agenge ne po thahabu ne yamei shekelisyek taman, ne nyiitaat nyamdutik;

KAITOSYEK 7:62 ပူးပေါင်းရင်းမြစ်များ

TIENWOGIKAL 112:2

Tun kimitu iyotennyi eng’ ng’ony: Kiberuri oretab che bo iman.

ISAIAH 66:20

Ak komut tupchosiekwok tugul komong’une bororiosiek tugul koek kagochinet eng’ Jehovah, kobunu mbartanyisiek, ak karisiek, ak tirbonok, ak eng’ nyumbusiek, ak eng’ moek che chepcheben che bo tambesik, kobwa tulwennyu ne tilil Jerusalem, mwaei Jehovah, ko u ye ibu lagokab Israel kagochinenywa eng’ teret ne tilil konyo gotab Jehovah.

DANIEL 9:27

Ak koyomisgei koboto bik che chang’ eng’ kayomiset ne kim ne bo wigit agenge: ak koges tiseiywot ak kagochinetab busiek eng’ kwenutab wigit; ak konyo age ne ibu ng’emisiet eng’ kebepchetab tuguk che kiwechei; ak kerong’ji ng’emindet neregek che kigeng’at, agoi kagesunet.

KAITOSYEK 7:61

kagochinennyi ko ki sanit agenge ne bo feda ne yamei nyigisindanyi sekelisiek bogol ak sosom, ak tabet agenge ne bo feda ne yamei sekelisiek tamanwogik tisab, ko u sekel ne bo ole tilil; ki nyiitotin tukchoto tuwai busiek che ng’ootin che kigiburukto mwaita koek kagochinetab busiek;

KAITOSYEK 7:63

ak kirgit agenge ne neran, ak mengit agenge, ak mengit agenge ne masiirei kenyit agenge, kobunji kagochinet ne kibeelei;

ROMANIK 15:16

ale aek kiboitiotab Kristo Jesu eng’ Bororiosiek, aboisiei eng’ logoiywek che miach che bo Jehovah, si kobiit koek kagoitoetab Bororiosiek ne taagaksei, ko kagitaban eng’ Tamirmiriet ne Tilil.

PILIPIK 4:18

Ago atinye tuguk tugul, ak che siirtoot: a biyong’ot, amu kiataach eng’ Epaprodito tuguk che kibunwok, che bo ng’uunet ne nyamdut, korosiot ne taagaksei, ne iboiboi Jehovah.

HEBRANIK 13:15

Noto anyun ongigochi Jehovah eng’ inendet korosiotab kalosunet kotugul, noto ko logoiyatab kutuswek che ng’anyei kainennyi.

NG'ANG'UTYET 5:8

Ak ye kingo kagoib bukuinoto, kobutyi taitab Aruet tiong’ichoto ang’wanu soptos ak boisiechoto tiptem ak ang’wan, kotinyei age tugul ketubet, ak tabok che bo tahabu che nyiitotin nyamdutik che kebeelei, che choto ko sautikab bik che tililen.

NG'ANG'UTYET 8:3

Ak kinyo malaikaiyat age konyo kotonone ole bo kapkorosut, kotinyei teret ne bo tahabu; ne kibeele nyamdutik; ak kigigochi nyamdutik che chang’ che kibeelei, si kotese sautikab che tililen tugul eng’ kapkorosutab tahabu, ne kimi taitab ng’echeretab laitornatet.

NG'ANG'UTYET 8:4

Ak kitogosta iyetab nyamdutik che kibeelei, koboto sautikab bik che tililen, eng’ taitab Jehovah eng’ eutab malaikaiyat.