KAITOSYEK 6:20 - BUKUIT NE TILIL

²⁰ Ak koongoi tisiindet choto koek kagochinet ne kiongoi eng’ taitab Jehovah; tilil nito, bo tisiindet, koboto tagatet ne kiongoi ak chatit ne kinamjin barak; ak ye ibata noto anyun komuch Nasiritindet koee divaik.

Bukuit Ne Tilil

²⁰ Yeityo koongoi tisiindet chooto koek kagoochinoik che kiongoi eng' taitap Kamuktaindet ne Toroor; tiliileen chooto ak punjin tisiindet kobooto tagateet ne kiongoi ak chaatit ne kigoitoi. Ye ibata nooto anyun, komuuch Nasiritindet koe divaik.

BUKUIT NE TILIIL Sireet ne Dutero Kanon

²⁰ Yeityo koongoi tisiindet chooto koek kagoochinoik che kiongoi eng' taitap Kamuktaindet ne Toroor; tiliileen chooto ak punjin tisiindet kobooto tagateet ne kiongoi ak chaatit ne kigoitoi. Ye ibata nooto anyun, komuuch Nasiritindet koe divaik.

KAITOSYEK 6:20 ပူးပေါင်းရင်းမြစ်များ

AMDOINDET 9:7

Ui oldang’ung’, am amitwogiguk eng’ boiboiyet, ak iee divaiguk eng’ muguleldo ne baibai; amu kigocham Kamuktaindet boisioniguk.

ISAIAH 25:6

Ak tun yachin Jehovah ne bo lugosiek bororiosiek tugul, eng’ tulwoni igorta ne bo tuguk che akwaen, igortab divaik che kigotebi keny, ne bo tuguk che akwaen, che nyiitotin mwanik, ne bo divaik che kororon che kigotebi keny.

ISAIAH 35:10

ak koweek bikab Jehovah che kigitiach, ak kobwa Sion kotienonu; ak kotebe baragunywa boiboiyetab koigeny: nyoru kagasetab ge ak boiboiyet, ak komwei arogenet ak tigenoik.

ATEPTAP LAWIK 10:15

Ibu ichek chatit ne kinamjin barak ak tagatet ne kiongoi koboto kagochinoik che bunei mat che bo mwanik, si koongoi koek kagochinet ne kiongoi eng’ taitab Jehovah; yeityo kobunjin, ak weriguk, koek ng’atutiet ne wendi agoi koigeny; ko u ye king’at Jehovah.

ATEPTAP LAWIK 23:11

ak koongoi inendet bechato eng’ taitab Jehovah, si kobiit ketaach agobo okwek: ongoi tisiindet choto eng’ betut ne bo aeng’, ko kagobata sabato.

ATEPTAP LAWIK 7:30

ibu inendet eng’ eunekyik kagochinoikab Jehovah che bunei mat; ibu mwanik koboto tagatet, si keongoi tagatet koek kagochinet ne kiongoi eng’ taitab Jehovah.

ATEPTAP LAWIK 7:31

Yeityo kobeel tisiindet mwanik eng’ kaptisisiet: ago bunjin Aron ak werikyik tagatet.

ATEPTAP LAWIK 7:32

Ak ogochi tisiindet chatit ne bo komostab tai koek kagochinet ne kinamji barak, ne bunu tiseiywekab kagochinoikwok che bo kalyet.

ATEPTAP LAWIK 7:34

Amu kaataach eng’ lagokab Israel kagochinetab tagatet ne kiongoi, ak kagochinetab chatit ne kinamjin barak, kobunu tiseiywek che bo kagochinoikwak che bo kalyet; ak kaagochi Aron tisiindet ak werikyik tuguchoto, kobunu lagokab Israel, koek ng’atutiet ne wendi agoi koigeny.

ATEPTAP LAWIK 9:21

ak kiongoi Aron tagatok ak chatit ne bo komostab tai koek kagochinet ne kiongoi eng’ taitab Jehovah; ko u ye king’at Musa.

SEKARIA 10:7

Ak koigei ichek che bo Epraim chito ne nyigan, ak koboiboitu mugulelwekwak ko u che kaeei divaik: ee, keerei lagokwok noto, ak koboiboitu; igasegei mugulelwekwak eng’ Jehovah.

SEKARIA 9:15

Ak korib Jehovah ne bo lugosiek ichek; ak koges, ak kotiekyi ng’ony koik che kiwirtoe borowet; ak koeeiso, ak kowaakyo ko u che kaee divaik: ak kinyiit ko u tabok, ko u luukwekab kaptisisiet.

SEKARIA 9:17

Amu o ne tia mieindanyi, ak o ne tia kororonindanyi! Igochin bek murenik konerio, ak kogochin divaik che leelach tibik konerio.

KAITOSYEK 18:18

Ak kobunjin banyekwak, ko u ye neng’ung’ tagatet ne keongoi, ak chatit ne bo komostab tai.

KAITOSYEK 5:25

Yeityo konem tisiindet kagochinetab busiek che bo ng’etkonda, eng’ eutab kobogoriondonoto, ak koongoi kagochinonoto bo busiek eng’ taitab Jehovah, ak koib kobwa kaptisisiet;

KAITOSYEK 6:21

Ni ng’atutietab Nasiritindet ne ibortae kayosiennyi, ak ne bo kagochinennyi ne igochin Jehovah ne bo katabanennyi, koboto tuguk alak che imuchi konyor; ko u kayosiennyi, nyolu anyun koyai ko u ng’atutietab katabanennyi.

MATAYO 26:29

Ago amwawok ale, koboch nguno ko ma aee che bo logoechu bo sabibuk, agoi betunoto ne aee che leelach kobotok eng’ bounatetab Baba.

MARIKO 14:25

Amwawok iman ale, Ma aee kogeny che bo logoekab sabibuk, agoi betunoto ne aee che leelach eng’ bounatetab Jehovah.

JOHANA 19:30

Ye kingo kagotaach Jesu siki, komwa kole, Kagogesgei: ak koabuch metinnyi, ak kogoito tamirmiriennyi kwo.