KAITOSYEK 6:2 - BUKUIT NE TILIL

² Mwachi lagokab Israel ilenji, Ye kayai chi ne muren anan ne kobogorio kayosiet ne itabanat, kayosiet ne bo Nasiritindet, kotabanjigei Jehovah,

Bukuit Ne Tilil

² “Mwachi piigap Israel leenjin, Ye kayai chii ne muren anan ko ne kwony kayasyoet, kayasyetap Nasiritindet, kotabaanjigei Kamuktaindet ne Toroor,

BUKUIT NE TILIIL Sireet ne Dutero Kanon

² “Mwachi piigap Israel leenjin, Ye kayai chii ne muren anan ko ne kwony kayasyoet, kayasyetap Nasiritindet, kotabaanjigei Kamuktaindet ne Toroor,

KAITOSYEK 6:2 ပူးပေါင်းရင်းမြစ်များ

KOMONG'U 33:16

Amu kinae nee nguno kele, kaanyoru chamet eng’ taing’ung’, ak biguk? Tos ma amu kibendi tugul ak inye, si kobiit kitabangei, ane ak biguk, eng’ bik tugul che mi ng’ony?

KALEWANAIK 18:1

Inendet ne itabanegei, kocheng’ei magennyi inegei, Ak konerekyin chichoto ng’omnatet ne igesunotgei.

JEREMIA 35:6

Ago kile, Magiee divaik: amu king’atech kwandanyo Jonadab weritab Rekab, kolenjech, Moee divaik, okwek, anan werikwok agoi:

ATEPTAP LAWIK 20:26

Ak oegu che tililen eng’ ane: amu a tilil ane Jehovah, ak kiatabanenak bororiosiek, si oegu chechuk.

ATEPTAP LAWIK 27:2

Mwachi lagokab Israel, ilenji ichek, Ye yaei chi kaarorunet, koek bik che bo Jehovah ko u koiteng’ung’.

KAITOSYEK 30:3

Ak kogeny, ye iarorji kobogoriondo Jehovah kiy, ak korategei ng’atutiet, ye ta komi gotab kwandanyi, kota ko neran;

KAITOSYEK 6:1

King’alalji anyun Jehovah Musa kolenji,

LUKA 1:15

Amu tun egu ne o eng’ taitab Kiptaiyat, ama eei divaik anan maiyek; ago kinyiiti Tamirmiriet ne Tilil, koboch komi moetab kamet.

POISYONIGAP CHE KIYOKTOI 18:18

Ak kingobata ni, ak ko kagotebi Paulo betusiek che chang’, kobagakta inendet tupchosiek kobun melit kwo Suria, koboto Prisila ak Akula; ye kiga kocher metit eng’ Kenkrea: amu kiga koarorta kiy eng’ kayosiet.

ROMANIK 1:1

Paulo, otwogindetab Jesu Kristo, ne kigiguur koek ne kiyoktoi, ne kigitabanji logoiywek che miach che bo Jehovah,

2 KORINTOEK 6:16

Ak ting’egei nee hekalut ne bo Jehovah ak kanamonik? Amu ki hekalut ne bo Jehovah ne sobei; ago ko u ye kimwa Jehovah kole, Amenye ichek, ak awendote ichek; Ak aegu Jehovah nenywa, Ak koek ichek bikyuk.

GALATYEK 1:15

Ago ye kingocham Jehovah, ne kiitabana, koboch moetab kamennyu, ak koguura eng’ mieindanyi,

HEBRANIK 7:27

ne ma nyoljin kogoito tiseiywek betut age tugul, ko u tisiichu ki eechen, che igoitoi korok agobo tengekwogikyik, ye ibata kogoito agobo bik: amu kiyai nito konyil agenge ak koyam, ye kiigoitogei.

KIRUOGIK 13:14

Mat koam kiy age tugul ne bunu ketitab sabibuk, amechamji koee divaik anan ko maiyek, amat koam kiy age tugul ne muruon; tugul che kiamwachi koribegei choto.

KIRUOGIK 13:4

Noto anyun, asomin ale iripge, amee divaik anan ko maiyek, ameam kiy age tugul ne muruon:

KIRUOGIK 13:5

amu, keero, imanachi, ak isich werit; ama kicheru sumeekyik; amu egu lakwanato Nasiritindet ne bo Kamuktaindet koboch komi mo: ak kotoi kosor Israel eng’ eunekab Pilistik.

KIRUOGIK 16:17

Ak kimwachi tugul che kimi muguleldanyi, kolenji, Tomo kicher metinnyu ole ki koi; amu kiaegu Nasiritindetab Kamuktaindet koboch ami moetab kamennyu: ngot kicher metinnyu, kowendi anyun kimnatennyu eng’ ane, anyaluli, ak aige chi tugul

1 SAMUEL 1:28

noto anyun, kaagochi inendet Jehovah; kote kosobei, ko kigigochi inendet Jehovah. Ak kigutung’ji Jehovah eng’ yoto.