KAITOSYEK 4:5 - BUKUIT NE TILIL

⁵ Ye katoi bik banda, koba go Aron ak werikyik, kocher anyun anget ne kioiye got konyo ng’ony, ak kotuge anganato moingetab baornatet,

Bukuit Ne Tilil

⁵ “Ye katoi piik panda, koba ko Aron ak weeriikyik kocher anyun angeet ne kioiye koot konyo ng'wony ak kotuge anganooto moingetap paornateet,

BUKUIT NE TILIIL Sireet ne Dutero Kanon

⁵ “Ye katoi piik panda, koba ko Aron ak weeriikyik kocher anyun angeet ne kioiye koot konyo ng'wony ak kotuge anganooto moingetap paornateet,

KAITOSYEK 4:5 ပူးပေါင်းရင်းမြစ်များ

1 ATEPTAP PEETUUSYEK 15:15

Ak kiib lagokab Lawik moingetab Kamuktaindet eng’ tigigoikwak eng’ ketik che kiibe, ko u ye kiga ng’at Musa ko u ng’olyotab Jehovah.

1 ATEPTAP PEETUUSYEK 23:26

ak kogeny, ma koiboti Lawik got ne kituiyechin koboto tugukyik tugul che bo boisiennyi.

2 ATEPTAP PEETUUSYEK 3:14

Ak kinab anget ne kioiye got, che tuuen ne nyalil, ak che arusen ne birir, ak che biriren, ak katanit ne kararan, ak kinapchi choto kerubisiek.

KOMONG'U 36:35

Ak kiyai ngoriet ne kioiye got eng’ ne tuui ne nyalil, ak ne arus ne birir, ak ne birir, ak eng’ katanit ne kararan ne kigila: kiyai anganato koboto kerubisiek che boisietab laindet ne ng’om.

KOMONG'U 40:3

Ak inde moingetab baornatet got orit, ak ituch moinget eng’ ngorionoto kioiye got.

KOMONG'U 40:5

Ak inde kapkorosut ne bo tahabu ne kibeele nyamdutik eng’ taitab moingetab baornatet, ak isonginin ngoriet eng’ kurgetab got.

ISAIAH 25:7

Ak tun ng’emei eng’ tulwoni kit ne kituge bik tugul, ak anget ne kigituge bororiosiek tugul.

ATEPTAP LAWIK 16:2

ak kilenji Jehovah Musa, Mwachi Aron ng’etab komet, si manyonei atkai tugul ole tilil orit ne bo anget ne kigioiye got, eng’ taitab keruetab rirenet ne mi moinget barak; si mame: amu among’u eng’ boldet eng’ baragutab keruetab rirenet.

KAITOSYEK 10:14

Ak kiindo songolietab nganaset ne bo lagokab Juda ko u lugosiekwak: ak kibou lugennyi Nason weritab Aminadab.

KAITOSYEK 4:15

Ak ye kagoges Aron ak werikyik boisiet ne bo tugetab ole tilil, ak tuguk tugul che bo ole tilil, ye machei nganaset kotoi banda; kobwa anyun werikab Kohat koib; ago amat kotwa ole tilil, si mabek. Tuguchuto che laei werikab Kohat eng’ emait ne kituiyechin.

KAITOSYEK 4:4

Nito boisiet ne bo werikab Kohat eng’ emait ne kituiyechin, agobo tuguk che tililen kosiir.

KAITOSYEK 7:9

Ago ma igochi kiy werikab Kohat, amu ki nenywa boisietab ole tilil; kiibe tukchoto tigigoikwak.

MATAYO 27:51

Ak ogeero, kigerer anget ne kigioiye hekalut koek aeng’ koboch barak agoi ng’ony; ak kibetogis ruandosiek;

NG'ATUTIK 31:9

Kisir anyun Musa ng’atutioni, ak kogochi tisiik werikab Lawik, che kiibei moinget ne bo arorutietab Jehovah, ak boisiek tugul che bo Israel.

HEBRANIK 10:20

eng’ oret ne leel ak kosobei, ne kiyatwech, ne chutei anget ne kigioiye, ne noto ko bortanyi;

HEBRANIK 9:3

Ak kingesiir anget ne bo aeng’, ne kigioiye got, ko kimi emait ne kiguure Ole Tilil kosiir tugul;

1 SAMUEL 6:19

Ak kibir Jehovah Bet-semes, amu kiit moingetab Jehovah kogeer orit, kibar inendet bik tamanwogik tisab eng’ bichoto, ak bik elfusiek konom: ak kiririo bik, amu kibar Jehovah bik eng’ baret ne o.