KAITOSYEK 4:15 - BUKUIT NE TILIL

¹⁵ Ak ye kagoges Aron ak werikyik boisiet ne bo tugetab ole tilil, ak tuguk tugul che bo ole tilil, ye machei nganaset kotoi banda; kobwa anyun werikab Kohat koib; ago amat kotwa ole tilil, si mabek. Tuguchuto che laei werikab Kohat eng’ emait ne kituiyechin.

Bukuit Ne Tilil

¹⁵ Ye kagogees Aron ak weeriikyik poisyet ne po tuugeetap ole-tiliil ak tuguuk tugul che po ole-tiliil, ak ye kotoi nganaseet panda, ko ingobwa anyun weeriigap Kohat koip; ago amat kotwa kiy eng' tuguuk che tiliileen si ma pek icheek. Tuguuchuuto che laei anyun weeriigap Kohat eng' emait ne kituiyechin.

BUKUIT NE TILIIL Sireet ne Dutero Kanon

¹⁵ Ye kagogees Aron ak weeriikyik poisyet ne po tuugeetap ole-tiliil ak tuguuk tugul che po ole-tiliil, ak ye kotoi nganaseet panda, ko ingobwa anyun weeriigap Kohat koip; ago amat kotwa kiy eng' tuguuk che tiliileen si ma pek icheek. Tuguuchuuto che laei anyun weeriigap Kohat eng' emait ne kituiyechin.

KAITOSYEK 4:15 ပူးပေါင်းရင်းမြစ်များ

2 SAMUEL 15:24

Ak ogeero, kinyo Sadok agine, ak Lawik tugul che kimi koboto inendet, koibei moingetab arorutietab Kamuktaindet; ak kiitu moingetab Kamuktaindet, ak kitogosta Abiatar, agoi komanda bik tugul eng’ nganaset.

2 SAMUEL 6:13

Ak kingo kagoba kakwautik lo icheget che kiibei moingetab Jehovah, koeny eito ne bungus ak age ne akwai.

1 LAITORINIK 8:3

Ak kibwa boisiek tugul che bo Israel, ak kiganob tisiik moinget.

1 ATEPTAP PEETUUSYEK 15:15

Ak kiib lagokab Lawik moingetab Kamuktaindet eng’ tigigoikwak eng’ ketik che kiibe, ko u ye kiga ng’at Musa ko u ng’olyotab Jehovah.

1 ATEPTAP PEETUUSYEK 15:2

Yeityo komwa Daudi kole, Manyol koib chi age tugul moingetab Kamuktaindet, kobate Lawik ichegei: amu kigolewen Jehovah ichek koib moingetab Kamuktaindet, ak koboisiechi inendet koigeny.

1 ATEPTAP PEETUUSYEK 23:26

ak kogeny, ma koiboti Lawik got ne kituiyechin koboto tugukyik tugul che bo boisiennyi.

KOMONG'U 19:12

Ak itilji bik ole iboch, ilenji, Oripge, si motogoste tulwet, anan otwa kiwotennyi: kibarei age tugul ne twaei tulwet:

KOMONG'U 19:21

Ak kilenji Jehovah Musa, Ui iteechi bik, si mabut bik kiwotet ak kogeer Jehovah, ak kobek che chang’.

KOMONG'U 27:7

Ak kirooktoi ketichato peteinik, tebe ketichato komoswek aeng’ che bo kaptisisiet, si kobiit keibe.

ATEPTAP LAWIK 16:13

Ak konde inendet nyamdutik ma, eng’ taitab Jehovah si kobiit kotuch iyeto ne bo nyamdutik keruetab rirenet ne mi baragutab baornatet, si mame.

KAITOSYEK 1:50

ago inde Lawik koboi gotab baornatet, ak tugukyik che mi orit, ak tugukyik tugul: ichek che ibei got, ak tugukyik che mi orit; ak koboisiechi goyoto, ak komeny koyiem got.

KAITOSYEK 1:51

Ak ye kimakyin got kwo tai, ko Lawik che butei: ak ye kimachei kitonon got, ko Lawik che lumei: ak kibarei kipsagarindet ne rikyin.

KAITOSYEK 10:21

Kitoi anyun koba Kohatik, kolaei got ne bo ole tilil: ak kolaei chun alage got kota kogeni koit chun alak.

KAITOSYEK 18:3

Ak korib ichek ng’atutieng’ung’, ak ng’atutiet ne bo Emait komugul: ago amat kerikyi tuguk che bo ole tilil anan kapkorusut, si mabek ichek, anan ko okwek.

KAITOSYEK 3:38

Musa ak Aron ak werikyik che teechei taitab got, komostab kong’asis, ole chorune asis, eng’ taitab emait ne kituiyechin, che ribei boisietab ole tilil agobo boisietab lagokab Israel; ak kibarei kipsagarindet ne rikyin.

KAITOSYEK 4:14

ak konde tugukyik tugul baragunnyi che kiboisie eng’ kaptisisionoto, terenik, ak karik che sogotin, ak kechigosiek che eechen, ak tabok che mengechen, tuguk tugul che bo kaptisisiet; ak kotuge tukchoto tugul magatokab mengichikab beek, ak korooch ketikyik che kiibe.

KAITOSYEK 4:19

ago oyachi ko u ni, si kosopcho, amabek, ye rikyin tuguk che tililen mising’ kosiir: bendi go Aron ak werikyik, ak koborji chi age tugul eng’ ichek boisiennyi ak tuguk che laei;

KAITOSYEK 4:20

ago amat koba go kogeer ole tilil, agot kitigin, si mabek.

KAITOSYEK 7:9

Ago ma igochi kiy werikab Kohat, amu ki nenywa boisietab ole tilil; kiibe tukchoto tigigoikwak.

NG'ATUTIK 31:9

Kisir anyun Musa ng’atutioni, ak kogochi tisiik werikab Lawik, che kiibei moinget ne bo arorutietab Jehovah, ak boisiek tugul che bo Israel.

JOSHUA 4:10

Amu kitonone kwenutab Jordan tisiik che kiibei moinget, agoi kobata tuguk tugul che king’at Jehovah Josua komwachi bik, ko u tugul che king’at Musa Josua: ak kiigirgir bik kolanda.

1 SAMUEL 6:19

Ak kibir Jehovah Bet-semes, amu kiit moingetab Jehovah kogeer orit, kibar inendet bik tamanwogik tisab eng’ bichoto, ak bik elfusiek konom: ak kiririo bik, amu kibar Jehovah bik eng’ baret ne o.