KAITOSYEK 32:3 - BUKUIT NE TILIL

³ Atarot, Dibon, Jaser, Nimra, Hesbon, Eleale, Sebam, Nebo, ak Beon,

Bukuit Ne Tilil

³ “Emotinwegap Ataroth, Dibon, Jaser, Nimra, Hesbon, Eleale, Sebam, Nebo, ak Beon,

BUKUIT NE TILIIL Sireet ne Dutero Kanon

³ “Emotinwegap Ataroth, Dibon, Jaser, Nimra, Hesbon, Eleale, Sebam, Nebo, ak Beon,

KAITOSYEK 32:3 ပူးပေါင်းရင်းမြစ်များ

NEEMIA 9:22

Kiigochi kogeny ichek bounatosiek ak bororiosiek che kiipchechi ichek kobee kebeberwekwak: kinam anyun emetab Sihon kobunji, ak emetab laitoriatab Hesbon, ak emetab Og laitoriatab Basan.

ISAIAH 15:6

Amu tendos beekab Nimrim: amu kagoresyo suswek, ma kobitos suswek che ng’orng’or, ma komi kiy age tugul ne tuon.

JEREMIA 48:1

Ng’alekab Moab: Mwaei Jehovah ne bo lugosiek, Kamuktaindetab Israel, ko u ni kole: Bwa eng’ Nebo! Amu kagoek karatia; kagitewer Kiriataim, kageluul: kagitewer Misgab, kagebut.

JEREMIA 48:2

Ma komi kalosunetab Moab; kigochob yaitiet eng’ Hesbon agobo emonoto, ne mwaei kolen, Nyo kigesu si ma koegu bororiet kogeny. Agot inye, ee Madmen, kigonin isis; onin rotwetab chok.

JEREMIA 48:32

Arirjinin eng’ rirek che siirei che bo Jaser, ee ketitab sabibuk ne bo Sibma: kagolandae nyanjet temeniguk, kiit nyanjetab Jaser: kagonam luuloindet logoeguk che bo kemei, ak ole kitue sabibuk.

JEREMIA 48:34

Kagotwek ichek koboch rirekab Hesbon agoi Eleale, kot koit Jahas, koboch Soar agoi Horonaim, agoi Eglat-Selesiya: amu tendos beekab Nimrim.

JEREMIA 48:45

Tonondos che mweei ama tinyei kimnatet eng’ uruetab Hesbon: amu kamong’une mat Hesbon, ak kamong’une liblibenetab mat, Sihon, ak kagobeel luitab Moab, ak metowekwak barak che bo ichek che boldos.

EZEKIEL 25:9

keer anyun-o, ayate kiwotetab Moab koboch nganasok, koboch nganasokyik che mi kiwotosiekyik, torornatetab emet, Bet-jesimot, Baal-meon ak Kiriataim,

KAITOSYEK 21:28

Amu kamandae mat Hesbon, Kamandae liblibenetab mat nganasetab Sihon: Kagobeel Ar ne bo Moab, Ak kiptainik che bo ole sutotin che bo Arnon.

KAITOSYEK 21:30

Kagemwok; kagolus Hesbon agoi Dibon, Ak kageng’em agoi Nopa, Ne itei Medeba.

KAITOSYEK 21:32

Ak kiiyokto Musa bik kosegei Jaser, ak kiluul nganasokyik, ak kion Amorik che kimi oloto.

KAITOSYEK 32:1

Kitinyei akwotisiek che chang’ mising’ lagokab Reuben ak lagokab Gad: ak ye kingogeer emetab Jaser, ak emetab Gilead, kole, ogeero, emet ne bo akwotisiek;

KAITOSYEK 32:2

kobwa lagokab Gad ak lagokab Reuben kong’alalji Musa ak Eleasar tisiindet ak bounikab tuiyet, kelenji,

JOSHUA 13:17

Hesbon, ak nganasokyik tugul che mi warenget; Dibon, ak Bamotbaal, ak Bet-baal-meon;

JOSHUA 13:19

ak Kiriataim, ak Sibma, ak Seret-sahar eng’ tulwetab atebwet;

JOSHUA 21:39

Hesbon koboto emotinwekyik che kiyagisie, Jaser koboto emotinwekyik che kiyagisie; nganasok ang’wan tugul.

KIRUOGIK 11:26

Ye kita komenyei Israel Hesbon ak nganasokyik, ak eng’ Aroer ak nganasokyik, ak eng’ nganasok tugul che mi tabandab Arnon eng’ kenyisiek bogol somok, kolya si moib eng’ betusiechoto?