KAITOSYEK 28:15 - BUKUIT NE TILIL

¹⁵ Ak kobunji kwesta agenge kagochinetab tengekto eng’ Jehovah; kigoitoi noto ketesyin kagochinet ne kibeelei kotugul, ak kagochinet ne kieei.

Bukuit Ne Tilil

¹⁵ Kigoitoi nooto ketesyin kagoochinet ne kibeelei kotugul kobooto kagoochinet ne kieei, kwesta agenge kobunji kagoochinetap tengekto eng' Kamuktaindet ne Toroor.

BUKUIT NE TILIIL Sireet ne Dutero Kanon

¹⁵ Kigoitoi nooto ketesyin kagoochinet ne kibeelei kotugul kobooto kagoochinet ne kieei, kwesta agenge kobunji kagoochinetap tengekto eng' Kamuktaindet ne Toroor.

KAITOSYEK 28:15 ပူးပေါင်းရင်းမြစ်များ

TAUNET 37:31

Ak kinam ngorietab Josep ak koeny kwesta, ak koiile ngoriet korotik;

ATEPTAP LAWIK 16:15

Yeityo koeny kwesta ne bo kagochinetab tengekto, ne bo bik, ak koib korotikab kweata koba got ne bo orit ne kigioiye anget; ak koyachi korotichoto kit ne koyachi korotik che bo kirgit, ak koise keruetab rirenet, ak taitab keruetab rirenet:

ATEPTAP LAWIK 16:16

ak koyai kagaigaet agobo ole tilil, amu muruonindab lagokab Israel, ak bistoenywa, agot tengekwogikwak tugul: ak koyachi ko u noto emait ne kituiyechin, ne meng’isiei koboto ichek eng’ kwenutab muruonindanywa.

ATEPTAP LAWIK 4:23

ak ngiborji inendet tengektanyi ne kiyai, koget ng’ororiet kobunji kagochinennyi, kwesta ne libwob;

KAITOSYEK 15:24

koek anyun, ngo lel chi, ama konai tuiyet, kogoito anyun tuiyet komugul kirgit ne neran, kobunji kagochinet ne kibeelei, koek nyamdutiet ne anyiny eng’ Jehovah, koboto kagochinennyi ne bo busiek, ak kagochinennyi ne kieei, ko u ng’atutiet, ak kwesta agenge ne bo kagochinet agobo tengekto.

KAITOSYEK 28:14

Ak ingoek kagochinoikwak che keei kebebertab hin ne bo divaik eng’ kiruk, ak kebeberta agenge eng’ somok ne bo hin eng’ mengit, ak kebeberta agenge eng’ ang’wan ne bo hin eng’ aruet: nito kagochinet ne kebeelei ne bo arawetab age tugul ne bo kenyit.

KAITOSYEK 28:22

kwesta agenge ne bo kagochinetab tengekto, si keyaunenok kagaigaet.

KAITOSYEK 28:3

Ak ilenji, Ni kagochinet ne bunei mat ne ogochini Jehovah; arek che libwoben che mengichik, che masiirei kenyit agenge, aeng’ eng’ betut age tugul, kobunji kagochinet ne kibeelei kotugul.

KAITOSYEK 28:30

kwesta agenge, ne kiyaunenok kaigaigaet.

KAITOSYEK 29:16

ak kwesta agenge koek kagochinetab tengekto; ne kitesyin kagochinet ne kibeelei ne bo kotugul, ak kagochinennyi ne bo busiek, ak kagochinennyi ne kieei.

KAITOSYEK 29:5

ak kwesta agenge kobunji kagochinetab tengekto, si keyaunenok kagaigaet:

ROMANIK 8:3

Amu kit ne kima imuch Ng’atutiet koyai, amu nyaluletab borto, koyok Jehovah Werinnyi eng’ kergeindab bortab tengek si koek kagochinet ne bo tengekto, kogikyi tengekto eng’ borto:

2 KORINTOEK 5:21

Inendet ne kima kongen tengek, ko kiyai inendet koek tengek amu achek; si kobiit keegu imanda ne bo Jehovah eng’ inendet.