KAITOSYEK 28:14 - BUKUIT NE TILIL

¹⁴ Ak ingoek kagochinoikwak che keei kebebertab hin ne bo divaik eng’ kiruk, ak kebeberta agenge eng’ somok ne bo hin eng’ mengit, ak kebeberta agenge eng’ ang’wan ne bo hin eng’ aruet: nito kagochinet ne kebeelei ne bo arawetab age tugul ne bo kenyit.

Bukuit Ne Tilil

¹⁴ Ingoek kagoochinoikwak che keei litaisyek aeng' che po divaik eng' kiruk age tugul, litait agenge ak kebeberyat eng' mengit age tugul, ak litait agenge eng' aarwet ne mengit age tugul. Niito kagoochinet ne kebeelei ne po arawetap age tugul eng' kenyiit.

BUKUIT NE TILIIL Sireet ne Dutero Kanon

¹⁴ Ingoek kagoochinoikwak che keei litaisyek aeng' che po divaik eng' kiruk age tugul, litait agenge ak kebeberyat eng' mengit age tugul, ak litait agenge eng' aarwet ne mengit age tugul. Niito kagoochinet ne kebeelei ne po arawetap age tugul eng' kenyiit.

KAITOSYEK 28:14 ပူးပေါင်းရင်းမြစ်များ

EZRAH 3:5

ak kingobata kogoito kagochinet ne kibeelei ne bo kotugul, ak kagochinoik che bo ye kaleel arawet, ak che bo igorwek tugul che bo Jehovah che kiging’at che kigitaban, ak che bo chi tugul ne kiigochin Jehovah kagochinetab chamnyet.

ISAIAH 1:13

Amatata oibu kagochinoik che matilei kiy; aweche nyamdutik che kibeelei; ma amuchi amuita agobo igorwekab arawet ne kaleel, ak sabato, ak kuursetab tuiyosiek - yaitwogik choto, koboto tuiyetab kaming’inetab ge.

JEREMIA 48:35

Agesu kogeny eng’ Moab, mwaei Jehovah, inendet ne igoitoi korosek eng’ ole toror, ak inendet ne beeljin nyamdutik kanamonikyik.

EZEKIEL 46:4

Ak kagochinet ne kibeelei ne igoitoi bounindet kogochin Jehovah eng’ betutab sabato, ko arek lo che libwoben che bo kechir, koboto mengit ne libwob;

JOEL 1:13

Ogermenege kuniok, ak oteeiye, okwek tisiik; owaach, okwek kiboitinikab kaptisisiet; obwa, osieb kuniok kemout komugul, okwek kiboitinikab Kamuktaindennyu: amu kagiet kagochinetab busiek ak kagochinet ne kieei eng’ gotab Kamuktaindeng’wong’.

KAITOSYEK 15:5

ak kebeberta agenge eng’ ang’wan ne bo hin ne bo divaik kobunji kagochinet ne kieei; chob choto koboto kagochinet ne kibeelei, anan ko tiseiywot, si kigoito koboto aruet age tugul ne bo kechir.

KAITOSYEK 15:9

ingogoito anyun koboto kirgoto kagochinetab busiek ne yamei kebeberwek somok che bo taman che bo epah che bo busiek che ng’ootin che kigiburukto mwaita ne yamei kebebertab hin.

KAITOSYEK 28:13

ak kebebertab taman ne bo busiek che ng’ootin, che kiburuktoi mwaita koek kagochinetab busiek eng’ aruet age tugul; kobunji kagochinet ne kibeelei, ne bo nyamdutiet ne anyiny, kagochinet ne bunei mat kigochin Jehovah.

KAITOSYEK 28:15

Ak kobunji kwesta agenge kagochinetab tengekto eng’ Jehovah; kigoitoi noto ketesyin kagochinet ne kibeelei kotugul, ak kagochinet ne kieei.

KAITOSYEK 28:7

Ak ingoek kagochinennyi ne keei kebeberta agenge eng’ ang’wan ne bo hin eng’ aruet agenge: irong’jini ole tilil kagochinet ne kieei che ng’wonen eng’ taitab Jehovah.

KAITOSYEK 29:18

ak kagochinenywa ne bo busiek ak kagochinoikwak che kieei che bo kirugichoto, ak che bo mengichik, ak che bo arek, ko u koitenywa, ko u ng’atutiet: