KAITOSYEK 28:11 - BUKUIT NE TILIL

¹¹ Ak eng’ taunaikab arawekwok, ogochini kagochinet ne kibeelei, kirugik aeng’ che mengechen, ak mengit agenge, arek tisab che mengichik che libwoben, che masiirei kenyit agenge.

Bukuit Ne Tilil

¹¹ “Eng' taunetap arawet age tugul, ogoochi Kamuktaindet ne Toroor kagoochinet ne kibeelei: kiruugik aeng' che mengeechen, mengit agenge ak aarek tisap che mengichik che libwoben, che ma siirei kenyiit agenge.

BUKUIT NE TILIIL Sireet ne Dutero Kanon

¹¹ “Eng' taunetap arawet age tugul, ogoochi Kamuktaindet ne Toroor kagoochinet ne kibeelei: kiruugik aeng' che mengeechen, mengit agenge ak aarek tisap che mengichik che libwoben, che ma siirei kenyiit agenge.

KAITOSYEK 28:11 ပူးပေါင်းရင်းမြစ်များ

2 LAITORINIK 4:23

Ak kile manong’otiondennyi, Amu nee si iwe ole mi inendet ra? Ama betut ne kaleel arawet, anan ko sabato. Ak kile, Ma ya.

1 ATEPTAP PEETUUSYEK 23:31

ak kogochi Jehovah kagochinoik tugul che kibeelei eng’ sabatosiek, ak ye kaleel arawet, ak eng’ igorwek che kiging’at, eng’ koitenywa ko u ng’atutiet ne kiging’at agobo ichek, eng’ betusiek tugul eng’ taitab Jehovah:

2 ATEPTAP PEETUUSYEK 2:3

Ak kiiyokto Solomon kemwachi Huram laitoriatab Turo, kelenji, Ko u ye kiiyachi baba Daudi, ak iyokyi inendet taragonik koteege gonnyi ne menyei, ko u noto, yaiywa agane.

2 ATEPTAP PEETUUSYEK 2:4

Keero, ateekyini got kainetab Jehovah Kamuktaindennyu, si atabanji inendet, ak abeel eng’ tainnyi nyamdutikab tuguk che ng’uu ne anyiny, ak ko bo makatinikab kabartaet che bo kotugul, ak ko bo kagochinoik che kibeelei karon ak koskoleny, eng’ sabatosiek, ak eng’ ye kaleel arawet, ak eng’ igorwek che kiging’at che bo Jehovah Kamuktaindennyu. Bo koigeny nito eng’ Israel.

2 ATEPTAP PEETUUSYEK 8:13

ko u ye yamei boisietab betut age tugul, kogoitoi ko u ng’atutietab Musa, eng’ sabatosiek, ak eng’ ye kaleel arawet, ak eng’ igorwek che kiging’at, konyil somok eng’ kenyit, igorta ne bo makatinik che ma kinde mermerek, ak igortab wigisiek, ak igortab keriosiek.

EZRAH 3:5

ak kingobata kogoito kagochinet ne kibeelei ne bo kotugul, ak kagochinoik che bo ye kaleel arawet, ak che bo igorwek tugul che bo Jehovah che kiging’at che kigitaban, ak che bo chi tugul ne kiigochin Jehovah kagochinetab chamnyet.

NEEMIA 10:33

ak che bo makatinikab kabartaet, ak che bo kagochinet ne bo kotugul ne bo busiek, ak kagochinet ne bo kotugul ne kibeelei, ak che bo sabatosiek, ak che bo ye kaleel arawet, ak che bo igorwek che kiging’at, ak che bo tuguk che itabanotin, ak che bo kagochinoikab tengekto, si keyachine Israel kagaigaet, ak che bo boisiet tugul ne bo gotab Kamuktaindennyo.

TIENWOGIKAL 40:6

Kima ibaibaitune tiseiywot ak kagochinet; Kiiyat itikyuk: Kima imach kagochinet ne kibeelei ak kagochinet ne bo tengekto.

TIENWOGIKAL 40:8

Abaibai ayai mageng’ung’, ee Kamuktaindennyu; Ee, mitei ng’atutieng’ung’ muguleldanyu.

TIENWOGIKAL 81:3

Oguut iriaget ko kaleel arawet, Ye kagoeet arawet, eng’ betunnyo ne bo igorta ne o.

TIENWOGIKAL 81:4

Amu ng’atutiet nito eng’ Israel, Kiruogetab Kamuktaindet ne bo Jakobo.

ISAIAH 66:23

Ak tun bwanei bik tugul koloswa eng’ tainnyu koboch ye kaleel arawet agoi koleel age, ak koboch sabato age agoi sabato age, mwaei Jehovah.

EZEKIEL 46:1

Mwaei Kiptaiyat Jehovah ko u ni kole: Kigerei eng’ betusiek lo che bo boisiet ormarichet ne bo seremut ne bo orit, ne tokyingei kong’asis; ak kiyatei eng’ betutab sabato, ak kiyatei eng’ betut ne kaleel arawet.

EZEKIEL 46:6

Ak eng’ betut ne kaleel arawet kigoito kirgit ne libwob ne barnotiot; ak arek lo che bo kechir, ak mengit; libwoben tugul:

EZEKIEL 46:7

ak kochob inendet kagochinetab busiek, epah agenge kobunji mengit, ak che bo arek ko u ye imuchi, ak kobunjin hin agenge ne bo mwaita, epah agenge.

HOSEA 2:11

Ak agesu kogeny boiboiyennyi, igorwekyik, ak betut ne kaleel arawet, ak sabatosiekyik, ak tuiyosiekyik tugul che kiging’at.

ATEPTAP LAWIK 1:13

ago ingoun tugukab ke ak kelyek eng’ beek: ak ingogoito tisiindet banyek tugul, ak kobeel eng’ kaptisisiet: kagochinet nito ne kibeelei, kagochinet ne bunei mat, nyamdutiet ne anyiny eng’ Jehovah.

ATEPTAP LAWIK 1:3

Ngo kagochinennyi ko bo tiseiywot ne kibeelei ne bo tuga, kogoitoi kirgit ne libwob: ingokweri kwo emait ne kituiyechin, si kochamak eng’ taitab Jehovah.

ATEPTAP LAWIK 1:9

ago ingoun eng’ beek tugukab ke koboto kelyekyik: ak kobeel tisiindet kirgoto komugul eng’ kaptisisiet, koek tiseiywot ne kibeelei, kagochinet ne bunei mat, nyamdutiet ne anyiny eng’ Jehovah.

AMOS 3:5

Tos ibutyin taritiet mestet ne mi ng’ony eng’ ole mami mestet ne namei inendet? Tos iwir mestet ama twa kiy?

AMOS 8:5

olen, Meei au arawet ne kaleel, si kobiit kealde bek? Ak igesugei au sabato, si kobiit kimarte bek? Si keyai epah koming’init, ak keyai sekel koeet, si keyai kaberberisiet eng’ tuguk che kirogendoisie che bo ng’alset;

KAITOSYEK 10:10

Ak eng’ betut ne bo kagaseng’wong’ bo ge, ak eng’ igorwekwok che kiging’at, ak ye leeldos arawekwok, oguut anyun igondisiek eng’ baragutab kagochinoikwok che kibeelei, ak eng’ baragutab tiseiywek che bo kagochinoikwok che bo kalyet; ak egu kabwatet eng’ okwek eng’ taitab Kamuktaindeng’wong’: a Jehovah Kamuktaindeng’wong’.

KAITOSYEK 28:19

ago ogoite kagochinet ne bunei mat, kagochinet ne kibeelei, ne kigochin Jehovah; kirugik aeng’ che neran, ak mengit agenge, ak arek tisab che mengichik che masiirei kenyit agenge; egu che libwoben eng’ okwek:

GALATYEK 4:10

Oribe betusiek, ak arawek, ak ole teptoi betusiekab kenyit, ak kenyisiek.

KOLOSAIK 2:16

Noto anyun amat koruokwok chi age tugul agobo amitwogik, anan agobo che kieei, anan agobo betutab igorta anan agobo arawet ne kaleel anan betutab sabato:

KOLOSAIK 2:6

Ko u ye kiotaach anyun Kristo Jesu Kiptaiyat, obendate eng’ inendet,

1 SAMUEL 20:5

Ak kilenji Daudi Jonatan, Keero, leelei arawet mutai, ak kama kota nyoljina atebi, ama kitebi ak laitoriat mutai eng’ amisiet: ago chamwa awa, si awa aung’ge eng’ timin agoi betutab somok koskoleny.

1 SAMUEL 9:12

Ak kiwolji kolenji, Mi; ogeero, mi taing’ung’: chakte nguno, amu kait ra nganaset; amu tinyei bik ra tiseiywek eng’ ole toror: