KAITOSYEK 26:5 - BUKUIT NE TILIL

⁵ Reuben, werit ne bo tai ne bo Israel: werikab Reuben chu; Hanok, che gotab Hanogik: che bo Palu, che gotab Paluik:

Bukuit Ne Tilil

⁵ Reuben, weeriit ne po tai ne po Israel. Weeriikyik ko chu: Hanok, che ooreetap Hanogik, che po Palu, che ooreetap Paluik;

BUKUIT NE TILIIL Sireet ne Dutero Kanon

⁵ Reuben, weeriit ne po tai ne po Israel. Weeriikyik ko chu: Hanok, che ooreetap Hanogik, che po Palu, che ooreetap Paluik;

KAITOSYEK 26:5 ပူးပေါင်းရင်းမြစ်များ

TAUNET 29:32

Ak kimanach anyun Lea, kosich werit, ak kiguure kainennyi Reuben: amu kile, Kageer Jehovah nyalildanyu; noto anyun imuchi kochama manong’otiondennyu nguno.

TAUNET 35:22

Ak ye kita komenyei Israel emonoto, kwo Reuben koipgei ak Bila, chebaigeiyatab kwandanyi: ak kigas Israel ng’olyondonoto. Ki taman ak aeng’ werikab Jakobo:

TAUNET 35:23

Chu ko werikab Lea: ne bo tai ko Reuben, ne o ne bo Jakobo, ak Simeon, Lawi, Juda, Isakar, ak Sebulun.

1 ATEPTAP PEETUUSYEK 5:1

Ak werikab Reuben taitab Israel, (amu ki taita inendet; ago amu kiimuruon itogutab kwandanyi, kigigochi etunatennyi ne bo siget werikab Josep weritab Israel; ak ma kiit tetutikab ibinwek che kigosiirto kisube etunatetab siget.

1 ATEPTAP PEETUUSYEK 5:3

werikab Reuben taitab Israel ko ki: Hanok, Palu, Hesron, ak Karmi.

KOMONG'U 6:14

Chu ko bounikab gorikab kwanisiekwak: werikab Reuben taitab Israel; Hanok, Palu, Hesron, ak Karmi: chuto ko lagokab gab Reuben.

KAITOSYEK 1:20

Ak lagokab Reuben, werit ne bo tai ne bo Israel, ibinwekwak, ko u ortinwekwak, ko u gorikab kwanisiekwak, ko u koitetab kainaik ko u metowekwak, muren age tugul ne bo kenyisiek tiptem ak kwo tai, tugul che kiimuchi koba luget.

KAITOSYEK 26:4

Oiit bik koboch che bo kenyisiek tiptem ak kwo tai; ko u ye king’at Jehovah Musa ak lagokab Israel che kimong’une emetab Misri.

KAITOSYEK 26:6

Hesron, che gotab Hesronik: che bo Karmi, che gotab Karmik.