KAITOSYEK 25:13 - BUKUIT NE TILIL

¹³ egu kayomiset ne bo tiseinatet ne bo koigeny eng’ inendet ak eng’ iyotennyi ne biitu let; amu kitinyei ng’etkonda agobo Kamuktaindet, ak koyachi kagaigaet lagokab Israel.

Bukuit Ne Tilil

¹³ Kayai kayomiset ne po tiseinateet ne po koigeny eng' ineendet ak eng' iyotennyi ne piitu let. Amu ki tinyei pekyinet agobo Kamuktaindet ak kagoyachi kagaigaet piigap Israel.”

BUKUIT NE TILIIL Sireet ne Dutero Kanon

¹³ Kayai kayomiset ne po tiseinateet ne po koigeny eng' ineendet ak eng' iyotennyi ne piitu let. Amu ki tinyei pekyinet agobo Kamuktaindet ak kagoyachi kagaigaet piigap Israel.”

KAITOSYEK 25:13 ပူးပေါင်းရင်းမြစ်များ

2 SAMUEL 21:3

ak kilenji Daudi Gibeonik, Ayaiywok nee? Ak ayai kagaigao nee, si kobiit oberur borotetab Jehovah?

1 LAITORINIK 19:10

Ak kile, Kigoama ng’etkong’ mising’ agobo Jehovah, Kamuktaindetab lugosiek; amu kigobagakta lagokab Israel kayomiseng’ung’, kobut kaptisisiosieguk, ak kobar maotiguk eng’ rotwetab chok: ak kiang’etu, ane, anege; ak cheng’ei ichek sobondanyu kobar.

1 LAITORINIK 19:14

Ak kile, Kigoama ng’etkong’ mising’ agobo Jehovah, Kamuktaindet ne bo lugosiek; amu kigobagakta lagokab Israel kayomiseng’ung’, kobut kaptisisiosieguk, ak kobar maotiguk eng’ rotwetab chok; kiang’etu ane anege; ak cheng’ei ichek sobondanyu kobar.

1 LAITORINIK 2:27

Koon anyun Solomon Abiatar si mata koek tisiindetab Jehovah; si kobiit kosulda ng’olyotab Jehovah, ne kimwa agobo gotab Eli eng’ Silo.

NEEMIA 13:29

Ibwat ichek, ee Kamuktaindennyu, amu kigong’wanit tiseinatet, ak kayomisutietab tiseinatet, ak ne bo Lawik.

TIENWOGIKAL 106:31

Ak kigiit noto koek imanda eng’ inendet, Agoi ibinwek tugul koigeny.

TIENWOGIKAL 119:139

Kigowong’wa kagiilennyu bo ge, Amu kigoutie bunikyuk ng’aleguk.

TIENWOGIKAL 69:9

Amu kiama ng’etkondab gong’ung’; Ak kigobwanja rosyinetab icheget che rosyinin.

KOMONG'U 29:9

Ak igermen eng’ birenaik, Aron ak werikyik, ak igerji metowekwak eng’ chepkuloik che mengechen: ak konam boisionoto bo tiseinatet eng’ ng’atutiet ne bo agoi: ak itororji Aron ak werikyik boisionoto bo tililindo.

KOMONG'U 32:30

Ak eng’ betut ne kiisubi betunoto, kolenji Musa bik, Kioyai tengekto ne o: katogoste anyun nguno awe ole mi Jehovah: tamangab ayai kagaigaet agobo tengektang’wong’.

KOMONG'U 40:15

ak iil ichek, ko u ye kiil inye kwandanywa, si kobiit koboisiewa eng’ boisietab tiseinatet: ak koek kaiilsenywa ne kiili ichek tiseinatet ne bo agoi eng’ ibinwekwak tugul.

ISAIAH 61:6

Ago kiguurenok tisiikab Jehovah: kuurenok bik kiboitinikab Kamuktaindennyo: oame magornatosiekab bororiosiek, ak olosunege torornatenywa.

JEREMIA 33:18

ama betyin chi tisiik Lawik eng’ tainnyu ne igoitoi kagochinoik che kibeelei, ak kobeel kagochinoikab busiek, ak kogoito tiseiywek kotugul.

JEREMIA 33:22

Ko u ye magimuchi kiit tuguk che bo kipsengwet, ama kimuchi keger ng’aniekab nyanjet; atese anyun iyotetab Daudi otwogindennyu, ak Lawik, che boisiewa.

ATEPTAP LAWIK 15:15

ak kogoito tisiindet choto kobunji age kagochinetab tengekto, ak kobunji age kagochinet ne kibeelei; ak koyai tisiindet kagaigaet eng’ taitab Jehovah agobo inendet amu kuserennyi.

MALAKI 2:8

Ago kiomaste eng’ oret; kionach che chang’ eng’ ng’atutiet; kiong’em kayomisetab Lawi, mwaei Jehovah ne bo lugosiek.

KAITOSYEK 16:46

Ak kilenji Musa Aron, Ib tereng’ung’ ak inde mat ne bunu kaptisisiet teret orit, ak inde nyamdutik baragunnyi, ak iib ichaktae kwo ole mitei tuiyet, si iyachi kagaigaet: amu kagobun neregek Jehovah; kagotoigei koroito.

KAITOSYEK 16:47

Ak kiib Aron terennyi ko u ye kaga mwa Musa; kilabat kwo kwenutab tuiyet; ogeero, kagotoigei koroito eng’ bik: ak kibeel nyamdutik, ak koyachi kagaigaet bik.

KAITOSYEK 17:12

Ak kimwachi lagokab Israel Musa kolenji, Keero, kagibegu, kagilusye, kagilusye tugul.

KAITOSYEK 25:14

Kigiguure chichoto bo Israel ne kigibar, noto kigibarei koboto kobogoriotab Midianik, Simri weritab Salu, bounindetab gotab kwanisiek eng’ oretab Simeon.

JOHANA 2:17

Kiibwat anyun alamalyennyi kole kigisir kele, Ama ng’etkonda agobo gong’ung’.

HEBRANIK 2:17

Eng’ noto anyun kinyolji keyai inendet eng’ tuguk tugul kogergeit ak tupchosiekyik, si kobiit koek tisiindet ne o ne bo rirenetab ge ak ko bo iman eng’ tuguk che tokyingei Jehovah, si kobiit koyai tisisiet agobo tengekwogikab bik.

HEBRANIK 7:11

Ak nda kimi kagesunatetab ge eng’ tiseinatetab Lawik (amu kinyorune yoto bik Ng’atutiet), ko kita kimage nee kobiit tisiindet age ne u kit ne ki u Melkisedek, ama kiititoi kit ne ki u Aron?

JOSHUA 7:12

Noto anyun, maimuchi lagokab Israel kotononso eng’ taitab bunikwak, komweune bunikwak, amu kagoek che chubotin: ma ami kobotok kogeny, ngot ko mong’em eng’ kwenung’wong’ kioto itabanat.

1 PETERO 2:5

ak okwek, che o koik che soptos, kiteechok oegu gotab tamirmiriet, oegu che boisiei eng’ tiseinatet ne tilil, si ogoite korosekab tamirmiriet, che taachaksei eng’ Jehovah eng’ Jesu Kristo.

1 PETERO 2:9

Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.

1 JOHANA 2:2

ak inendet tiseiywot ne bo tengekwogikyok; ago ma bo tengekwogikyok kityo, ago bo ng’ony komugul agine.

NG'ANG'UTYET 1:6

ak koyaech keegu bororiet, ak keegu tisiik eng’ Jehovah nenyi, ak ko Kwanda; nenyi torornatet ak kimnatet koigeny ak koigeny. Amen.

1 SAMUEL 2:30

Noto anyun, mwaei Jehovah, Kamuktaindetab Israel, kole, Kiamwa iman ale, wendoti eng’ tainnyu gong’ung’, ak gotab kwandang’ung’, koigeny: ago kamwa Jehovah nguno kole, Ingolooit eng’ ane; amu ichek che konyita, agonyiti, ago icheget che maiita kole a kiy, kesasei.