KAITOSYEK 25:1 - BUKUIT NE TILIL

¹ Ak kimeny Israel Sitim, ak kitoi koipgei ak tibikab Moabik;

Bukuit Ne Tilil

¹ Ye kita komenyei `Israel Shitim, ko ki toi murenik koipkei ak tiibiigap Moabik,

BUKUIT NE TILIIL Sireet ne Dutero Kanon

¹ Ye kita komenyei `Israel Shitim, ko ki toi murenik koipkei ak tiibiigap Moabik,

KAITOSYEK 25:1 ပူးပေါင်းရင်းမြစ်များ

2 LAITORINIK 23:7

Ak kibut gorikab sodomik, che kimi gotab Jehovah, ole kiyae kwonyik ngoroik che songinindos che bo Asera.

TIENWOGIKAL 106:28

Kinamgei ichek ak Baal-peor, Ak kiam korosek che kigieng’jin che kigobek.

KOMONG'U 22:19

Kibarei age tugul ne ruitos ak che kiyagi.

KOMONG'U 34:15

si moyachigei arorutiet koboto bik che menyei emonoto, si maipgei ichek ak kanamonikwak, ak koeng’ji tiseiywek cheptalelisiekwak, ak koguurin age iam che bo tiseiywondennyi:

AMDOINDET 7:26

Ak anyoru kit ne ng’wan kosiir meet, korget ne tinyei muguleldanyi mestonok, ak mestonok che u regereiywek, ak u eunekyik ratutik: age tugul ne boiboi Kamuktaindet kochilile inendet; ago namei korgonoto kiptengekyot.

JEREMIA 40:11

Ko u noto, kingogas Yahudik tugul che kimi Moab, ak che kimi ak lagokab Amon, ak che kimi Edom, koboto che kimi emotinwek tugul, kole, Kigobagach laitoriatab Babulon bik che king’et eng’ Juda, ak kole, kigonde Gedalia weritab Aikam weritab Sapan koboi ichek;

EZEKIEL 20:21

Ago kiingelelja agichek lagok; ma bendate ng’atutikyuk anan korib kiruogutikyuk, koyai, che ngo yai chi kosobei eng’ choto; kiimuruon ichek sabatosiekyuk: amwa anyun ale arong’jini ichek neregekyuk che ng’wonen si kobiit ayai neregekyuk kosulda eng’ ichek eng’ ong’atet.

HOSEA 9:10

Kiageer ale u Israel sabibuk eng’ ong’atet; kiageer kwanisiekwok ale u tongoaniatab mogoiywet eng’ kenyinnyi ne bo tai: ago kibwanji Baal-Peor, kotabanjigei kioto samis, ak koek ichek kit ne kiwechei ko u kioto kichamei ichek.

MIKAH 6:5

Ee bikyuk, obwat ne kisom Balak laitoriatab Moab, ak kit ne kiwolji Balaam weritab Beor inendet; obwat koboch Sitim agoi Gilgal, si kobiit onai boisionikab iman che bo Jehovah.

KAITOSYEK 25:17

Iim Midianik, ak ibar:

KAITOSYEK 31:2

Yaakyi mugetut Midianik amu lagokab Israel: yeityo kiyumin iwe ole mi biguk.

KAITOSYEK 33:49

Ak kiimuung’e ole negite Jordan, koboch Bet-jesimot agoi Abel-sitim eng’ warengetab Moab.

KAITOSYEK 7:15

ak kirgit agenge ne neran, ak mengit agenge, ak mengit age ne masiirei kenyit agenge, kobunji kagochinet ne kibeelei;

1 KORINTOEK 10:8

Amongesokse, ko u ye kiyai alak eng’ ichek, ak kiibutyo eng’ betut agenge elfusiek tiptemu ak somok.

NG'ATUTIK 3:29

Kigitebe anyun atebwet ne tokyingei Bet-peor.

NG'ATUTIK 32:38

Che kiamei mwanikab tiseiywekwak, Che kieei divaik che bo kagochinenywa ne kieei? Ingong’eetyo choto kotoretok, Ingoek ichek che omwechini.

NG'ATUTIK 4:3

Kigogeer konyekwok tuguk che kiyai Jehovah agobo Baal-peor: amu kigobar Jehovah Kamuktaindeng’ung’ eng’ kwenung’ung’ bik tugul che kiisub Baal-peor.

JOSHUA 2:1

Kiiyokto Josua weritab Nun bik aeng’ eng’ Sitim koba eng’ ung’ot kosegei emet, kolenji, Oba ogeer emet, ak Jeriko. Kiba anyun ichek, ak kiit gotab chepkugoniot, ne ki kainennyi ko Rahab, ak kiruiyo yoto.

JOSHUA 22:17

Tos mayamech tengektab Peor, ne tomo kitililge eng’ tengegoto agoi ra, nganda kinyonji koroito tuiyetab Jehovah,

JOSHUA 3:1

Kong’eet anyun Josua karon mising’, ak kiba eng’ Sitim, agoi koit Jordan, inendet ak lagokab Israel tugul; ak kiruiyo yoto kotom kolanda.

NG'ANG'UTYET 2:14

Ago ating’enen ng’alek tutigin, amu itinye alak eng’ oloto che isubi konetisietab Balaam, ne kiinet Balak konde kanagutiet taitab lagokab Israel, si koam tuguk che kigochin kanamonik, ak kosokso.