KAITOSYEK 23:24 - BUKUIT NE TILIL

²⁴ Ogeero, kang’eetyo bik ko u ng’etundo ne kotoy, Ak tononi inendet ko u ng’etundo: Maruei agoi koam che bo logennyi, Ak koee korotikab ne kabar.

Bukuit Ne Tilil

²⁴ Keero, kang'eetyo piik ko uu ng'etundo ne subeendo, ak tononi ineendet ko uu ng'etundo. Maruei agoi koam che po logennyi, ak koe korotiigap ne kabar.”

BUKUIT NE TILIIL Sireet ne Dutero Kanon

²⁴ Keero, kang'eetyo piik ko uu ng'etundo ne subeendo, ak tononi ineendet ko uu ng'etundo. Maruei agoi koam che po logennyi, ak koe korotiigap ne kabar.”

KAITOSYEK 23:24 ပူးပေါင်းရင်းမြစ်များ

TAUNET 49:27

Benjamin ko suiyot ne tonisiei: Amei karon che bo loget, Ak kopchei koskoleny che kaluul.

TAUNET 49:9

Juda ko neranetab ng’etundo; Kaiwe werinnyu eng’ ole kaibarji tiondo: Kiing’uruk, koribis ko u ng’etundo, Ak ko u ng’etundo ne nyebuito; ng’o ne ing’eeti?

1 LAITORINIK 10:20

Ak kitonondos itonwek tamanu ak aeng’ che bo ng’etunyik eng’ komoswek tuwai eng’ long’eiywondonoto kitinyei tuguk lo che kitiegoti ketogostoi: kima komi age ne kergei ak noto ne kigiyai eng’ bororiet age tugul.

2 ATEPTAP PEETUUSYEK 9:18

Ak kimi long’eiywot ne tinyei tuguk lo che kitiegoti ketogosyin ng’echeretab laitornatet, koboto ng’echeret ne tebe kelyek ne ki bo tahabu, ne kiga kiratyi ng’echeretab laitornatet, ak kimi ketik komosi ak komosi che tiiegei eunek, ak itonwek aeng’ che bo ng’etunyik eng’ komosi ak komosi eng’ ye negite ketichato kitiie eunek.

TIENWOGIKAL 17:12

Kergei inendet ak ng’etundo ne machei kochumji kit ne amei, Ak u neranetab ng’etundo ne ribisi eng’ komoswek che ung’otin.

KALEWANAIK 30:30

Choto ko chu: ng’etundo, ne kim kosiir tiong’ik tugul; Ama mwee tiony age tugul;

ISAIAH 31:4

Amu mwaei Jehovah ko u ni kole, Ko u ye boriseni ng’etundo ak ng’etundo ne barnotiot, agobo tiondo ne kagobar, agot ngeguur mestowek che chang’ koawenji inendet, ko maarogeni eng’ waaganywa, anan koming’injigei bolatenywa: chorugei ko u noto Jehovah ne bo lugosiek koyai boriet eng’ tulwetab Sion ak eng’ tulwennyi ne ming’in.

DANIEL 2:44

Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

AMOS 3:8

Kagoborisen ng’etundo, ng’o ne maiyweisiei? Kagong’alal Kiptaiyat Jehovah, ko ng’o anyun ne mamaoteni?

NAHUM 2:11

Mi ano kebenetab ng’etunyik che neranik, ole wendote kirgitab ng’etuny ak ne kotoy, koboto aruetab ng’etundo, ama mi chi ne imui?

NAHUM 2:12

Kitonaton ng’etundo che yamei arekyik, ak kibarji ng’etunyikyik che kotoen, ak konyiit kebenonikyik tiong’ik che kagobar, ak konyiit kebenonikyik banyek che kagotonaton.

SEKARIA 12:6

Ayae eng’ betunoto bounikab Juda koigei rokyietab mat ne mi kwenik, ak koigei kegenget ne mi kwenutab ratutikab bek; ak koges bik tugul che mi komoswek tugul che mi eutab tai ak che mi eutab katam: ak komeny Jerusalem kogeny komostanyi, noto ko Jerusalem.

KAITOSYEK 23:25

Ak kilenji Balak Balam, Amat ichub, anan iberur agot kitigin.

KAITOSYEK 24:17

Ageere, ago ma nguno: Ageere, ago ma negit: Tun mong’une taboiyat Jakobo, Ak ng’eetei siaritab bounatet eng’ Israel, Ak kokwer luukwekab Moab koges, Ak kotui werik tugul che bo icheget che wasegei.

NG'ATUTIK 33:20

Ak kile agobo Gad, Iberurot inendet ne ibaroi Gad, Meng’isiei inendet ko u ng’etundo ne kotoy, Bachei eut, ee, ak metit barak.

NG'ANG'UTYET 5:5

ak kilenja age eng’ boisiechugai, Merire: keero, kigoterter Ng’etundo ne bo oretab Juda, Tigitiot ne bo Daudi, si kobiit koyat bukuinoto ak ng’oksosiechoto tisab.