KAITOSYEK 23:19 - BUKUIT NE TILIL

¹⁹ Ma chito Kamuktaindet, kot komwa lembech; Anan weritab chi, kot kosik: Tos kagomwa, ak mayaei? Anan kagomwa, ama yaei kosulda?

Bukuit Ne Tilil

¹⁹ Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

BUKUIT NE TILIIL Sireet ne Dutero Kanon

¹⁹ Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

KAITOSYEK 23:19 ပူးပေါင်းရင်းမြစ်များ

TAUNET 26:3

egu toondet eng’ emoni, ami koboten, ak aberurin; amu agonin inye, koboto lagoguk, emotinwechuto tugul, ak agimit kayosiet, ne kiayosiechi kwandang’ung’ Abraham;

TAUNET 28:15

Ak keero, ami koboten, ak aribotin eng’ oldo tugul ole iwendi, ak tun amutun inyo emoni kogeny; amu mametoin agoi tun ayai tugul che kaamwaun.

1 LAITORINIK 14:11

Chita age tugul ne bo Jeroboam ne meei eng’ nganaset, koamei sesenik; ak ne meechin timin, koamei taritik che bo barak: amu kagomwa Jehovah.

2 LAITORINIK 15:12

Nito ko ng’olyot ne kimwachi Jehovah Jeu, kolenji, Tebe weriguk ng’echeretab laitornatet ne bo Israel agoi ibinda ne bo ang’wan. Ak kiyaak ko u noto.

2 LAITORINIK 7:2

Kowolji anyun kiptaiyat ne kitiiegei eunnyi laitoriat chitab Kamuktaindet, kolenji, Ogeero, ngot koyai Jehovah tirisiok eng’ kipsengwet, ko tos biit kioto? Ak kile Elisha, Keero, igeere eng’ konyeguk, ago meame tuguchoto.

1 ATEPTAP PEETUUSYEK 17:17

Ak kiek nito kit ne ming’in eng’ taing’ung’, ee Kamuktaindet, agoi kaing’alal agobo gotab otwogindeng’ung’ eng’ betusiek che chang’ che bwanei, ak kaiita eng’ koitetab chito ne bo torornatet, ee Jehovah Kamuktaindet.

TIENWOGIKAL 110:4

Kigoyosio Jehovah, ama walei, kole, I tisiindet koigeny Ko u kit ne ki u Melkisedek.

TIENWOGIKAL 132:11

Kiiyosiechi Jehovah Daudi eng’ iman; Maweechegei let: Andoi ng’echereng’ung’ ne bo bounateng’ung’ age ne bunu bortang’ung’.

TIENWOGIKAL 77:9

Tos kigoutie Kamuktaindet rirenennyi? Anan kigoger neregekyik rirenennyi ne tala?

TIENWOGIKAL 89:34

Mabute kayomisennyu, Amawale kit ne kimong’une kutinnyu.

TIENWOGIKAL 89:35

Kiayosie konyil agenge eng’ tililindanyu; Ale, Maberberi Daudi;

ISAIAH 21:17

ak ng’ering’itu che ng’etu eng’ mwogik, murenik che kimen che bo bikab Kedar: amu kagomwa nito Jehovah, Kamuktaindetab Israel.

ISAIAH 31:2

Ago ng’om inendet agine, ak ibu yaitiet, ama walei ng’alekyik: ago ng’eetei kogirindoi gotab yaikab yaitiet, ak toretetab icheget che yaei tengekto.

ISAIAH 40:8

Restos suswek, ak kobetos taptok: ago tononi koigeny ng’olyotab Kamuktaindennyo.

ISAIAH 46:11

aguure taritiet ne amei banyek eng’ kong’asis, aguure kiruogindennyu kobun emet ne loo; ee, kaamwa, ak ayae kosulda; kiachob, ak ayai.

ISAIAH 55:11

u noto ng’olyondennyu ne mong’une kutinnyu: maweekyinagei buch, ago yaei kosulda kit ne amache, ak koborei eng’ kit ne kiayoktochine.

JEREMIA 4:28

Rirei emet amu nito, ak kotuuegitu kipsengwetisiek: amu kaamwa, ak kaachob, ak tom awal kit ne abwati, amaweechigei let eng’ ng’olyondonito.

DANIEL 4:28

Kibwanji laitoriat Nebukadnesar tuguchuto tugul.

HOSEA 11:9

Mayae koromnatetab neregekyuk, maweeksei ang’eme Epraim: amu a Kamuktaindet, ma a chi; Inendet ne Tilil ne mi kwenung’ung’: machute nganaset.

MIKAH 7:20

Iyachini Jakobo imanit, ak iyachi Abraham rirenet, che kigeyosiechi kwanisiekyok eng’ betusiek che bo keny.

HABAKUK 2:3

Amu bo ng’ang’utiet betusiek che kiging’at, ak kochoktoi kotokyingei kagesunet, ama mwaei lembech: agot ngogagei, igen inye; amu nyonei iman, maigaegei.

MALAKI 3:6

Amu mawalaksei ane Jehovah, magigeswok anyun, ee okwek werikab Jakobo.

KAITOSYEK 14:35

Kaamwa ane Jehovah ale, ayachini chuto tugul tuiyoni ya, ne katila let; igesyingei ong’atani; bekyin oloto.

KAITOSYEK 23:18

Ak kimwa kalewenennyi kole, Ng’eet, Balak, ak igas; Epcha it, inye weritab Sipor:

LUKA 21:33

Siirtoi kipsengwet ak ng’ony: ago magoi siirto ng’alekyuk.

ROMANIK 11:29

Amu matinyei ndara konunoikab Jehovah ak kuursennyi.

ROMANIK 9:6

Ago ma kele kogoek buch ng’olyotab Jehovah. Amu ma Israelik ichek tugul, che bo Israel:

2 TIMOTEO 2:13

ngo ma ki bo iman, kotebyei inendet eng’ iman; amu maimuchi koesiogei.

TITO 1:2

eng’ kamang’unet ne bo sobondab koigeny, ne kiiyomis Jehovah, ne maimuchi kolembechan, koboch kenyisiek che bo koigeny;

HEBRANIK 6:18

si eng’ tuguk aeng’ che ma walaksei, che ma imugaksei eng’ Jehovah komwa lembech eng’ choto, kimuch anyun kenyoru kagaigaet ne kim, achek che kigemwechi toretet si kenam kamang’unet ne kiginde tainnyo;

HEBRANIK 7:21

(amu kigiyai ichek koek tisiik ama mi kayosiet eng’ inendet ne mwaei agobo inendet kole, Kiiyosio Kiptaiyat ama walei kole, I tisiindet koigeny).

JAKOBO 1:17

Kagoitoet age tugul ne mie ak konunotiot age tugul ne igesunotgei ko bo barak, chorugei eng’ Kwanda ne bo lapkeiyosiek, ne mami eng’ inendet kit ne walaksei, anan ko uruet ne bunu waletab ge.

JAKOBO 4:5

Anan obwati ole ng’alali buch sirutik, kole, Tamirmiriet ne menyei eng’ achek kotinyei ng’etkonda?

JOSHUA 21:45

Ma bet ng’olyo agot agenge ne mie ne kiga komwachi Jehovah gotab Israel; kiisulda tugul.

1 SAMUEL 15:29

Ak mamwaei lembech Kimnatetab Israel, ama sigu; amu inendet ko ma chito si kowalak.

1 SAMUEL 3:12

Ayachini Eli eng’ betunoto tuguk tugul che kiamwa agobo gonnyi, koboch taunet agoi let.