KAITOSYEK 22:22 - BUKUIT NE TILIL

²² Ak kilalyo neregekab Jehovah amu kiwa: ak kitonon malaikaiyatab Jehovah eng’ oret koek ne kirindoi inendet. Ak kibunei sigiriennyi, ak kimi koboto inendet otwogikyik aeng’u.

Bukuit Ne Tilil

²² Ki nereech kot Kamuktaindet ne Toroor amu ki wo, ak ki tonon malaikaiyatap Kamuktaindet ne Toroor eng' ooreet koek ne kirindoi ineendet. Ak ye kibunei sigiryennyi kobooto otwogikyik aeng',

BUKUIT NE TILIIL Sireet ne Dutero Kanon

²² Ki nereech kot Kamuktaindet ne Toroor amu ki wo, ak ki tonon malaikaiyatap Kamuktaindet ne Toroor eng' ooreet koek ne kirindoi ineendet. Ak ye kibunei sigiryennyi kobooto otwogikyik aeng',

KAITOSYEK 22:22 ပူးပေါင်းရင်းမြစ်များ

2 LAITORINIK 10:20

Ak kile Jeu, Ong’at tuiyetab Baal ne bo kaming’inetab ge.

KOMONG'U 23:20

Keero, kayokte malaikaiyat kondoenen koribotin eng’ oret, ko mutin iwe ole kiachob.

KOMONG'U 4:24

Ak ye kimi gotab toek kowendi, kotuiyo ak Jehovah, ak kimachei kobar inendet.

RIREKAB JEREMIA 2:4

Kigoriich kwangennyi ko u bunyot, kitonon kochuul eunnyi ne bo tai ko u bunyot, Ak kigobar tugul che iboiboi konyek: Kigorong’ neregekyik che koromen ko u mat, korong’ji emaitab cheptab Sion.

HOSEA 1:4

Ak kilenji Jehovah inendet, Kuure kainennyi Jesreel; amu tomo ne matia, si kayaakta mugetut agobo gorotikab Jesreel, eng’ gotab Jeu, ak agesu bounatetab gotab Israel.

KAITOSYEK 22:23

Ak kigeer sigiriet malakaiyatab Jehovah kotononi eng’ oret, ak kiting’e eunnyi rotwetab chok ne kaging’us: ak kiwa taban sigiriet kometo oret, kwo timin: ak kibir Balaam sigiriet, kole koweekyi oret.

KAITOSYEK 22:32

Ak kilenji malaikaiyatab Jehovah, Amu nee si ibir sigirieng’ung’ konyil chu somok? Keero, kanyo aegu kirindoindeng’ung’, amu imaasat oreng’ung’ eng’ tainnyu:

KAITOSYEK 22:35

Ak kilenji malaikaiyatab Jehovah Balaam, Oba ak bichoto: ago imwae ng’olyot ne amwaun kityo. Kiba anyun Balaam koboto bounikab Balak.