KAITOSYEK 21:7 - BUKUIT NE TILIL

⁷ Ak kiba bik oldab Musa, kolenji, Kogeyai tengekto, amu koging’unyng’ung’ji Jehovah koboten; sa Jehovah, si koistoenech erenochu. Ak kisachi Musa bik.

Bukuit Ne Tilil

⁷ Ki pa `piik kap Musa koleenji, “Kogeyai tengekto amu ko king'unyng'ung'ji Kamuktaindet ne Toroor kobooten. Saa Kamuktaindet ne Toroor si koistoenech erenochu.” Ara kisaachi `Musa piik.

BUKUIT NE TILIIL Sireet ne Dutero Kanon

⁷ Ki pa `piik kap Musa koleenji, “Kogeyai tengekto amu ko king'unyng'ung'ji Kamuktaindet ne Toroor kobooten. Saa Kamuktaindet ne Toroor si koistoenech erenochu.” Ara kisaachi `Musa piik.

KAITOSYEK 21:7 ပူးပေါင်းရင်းမြစ်များ

TAUNET 20:17

Kisa anyun Abraham Kamuktaindet, ak kiisoob Kamuktaindet Abimelek, ak osotiondennyi, ak chebaigeinikyik; ak kisich lagok.

TAUNET 20:7

Ara anyun imutyi nguno kwonyi chitab kobo; amu maotio inendet si kosa agobo inye, si isob: ago ngo meweekyi, inai ile, imee iman, inye, ak tugul che itinye che mi koboten.

1 LAITORINIK 13:6

Ak kiwolji laitoriat chitab Kamuktaindet kolenji, Igaigai Jehovah Kamuktaindeng’ung’, ak isaiywa, si koweek eunnyu kogeny kosob. Ak kisa chitab Kamuktaindet Jehovah, ak kiweek eutab laitoriat kogeny kosob, ak koigei kit ne ka u eng’ tai.

2 LAITORINIK 13:4

Ak kirirji Jeoahas Jehovah, ak kigasyi Jehovah inendet: amu kigeer nyalildab Israel, ole kiinyalildoi laitoriatab Suria.

Kitabuutap JOB 42:10

Kowal anyun Jehovah ratetab Job, ye kingosa agobo choronokyik: ak kiigochi Jehovah Job konyil aeng’ kosiir che kitinyei eng’ tai.

Kitabuutap JOB 42:8

Onam anyun kirugik tisab, ak mengichik tisab, ak okweri koba oldab Job otwogindennyu, ak ogoitochige koek kagochinet ne kibeelei; si kosaiywok Job otwogindennyu; amu kachamji, si mayaiywok ko u abusnateng’wong’; amu tom omwa kit ne bo iman agobo ane, ko u ye komwa otwogindennyu Job.

TIENWOGIKAL 106:23

Kimwa anyun kole ng’emei inendet ichek amu noto, Nda kima tonon Musa nenyi ne kigilewen eng’ tainnyi kooiyo, Koweekta neregekyik, si mabar ichek.

TIENWOGIKAL 78:34

Ye kingobar ichek, kocheng’ anyun ichek inendet: Ak kiweek kocheng’ Kamuktaindet eng’ kagiiletab ge.

KOMONG'U 10:17

Noton anyun, asain ale nyoiywa kaat amu tengektanyu nito inegei, ak osa Jehovah Kamuktaindeng’wong’, koistoena meoni kityo.

KOMONG'U 32:11

Ak kiigaigai Musa Jehovah Kamuktaindennyi, kolenji, Bwa Jehovah, amu nee si kolalyo neregeguk agobo biguk, che kiimutu komong’une emetab Misri eng’ kimnatet ne o ak eng’ eut ne kim?

KOMONG'U 32:30

Ak eng’ betut ne kiisubi betunoto, kolenji Musa bik, Kioyai tengekto ne o: katogoste anyun nguno awe ole mi Jehovah: tamangab ayai kagaigaet agobo tengektang’wong’.

KOMONG'U 8:28

Ak kile Parao, Agonok obe si kobiit oeng’ji tiseiywot Jehovah Kamuktaindeng’wong’ eng’ ong’atet; ago mobendi ole loo mising’: osaiywa.

KOMONG'U 8:4

ak kotogostaenen, ak biguk, ak otwogiguk tugul.

KOMONG'U 8:8

Kiguur Parao anyun Musa ak Aron, kolenji, Orirji Jehovah, si koistaena mororochik, ak eng’ bikyuk; ak aunde bik koba, koba koeng’ji Jehovah tiseiywot.

ISAIAH 26:16

Ee Jehovah, kigobwanjin ichek eng’ nyalilda, kisain ye kiitigon ichek.

JEREMIA 15:1

Kolenja anyun Jehovah, Agot nda kiga tononso Musa ak Samuel eng’ tainnyu, ko matokyingei kabwatutikyuk bichu; timde eng’ tainnyu, koba.

JEREMIA 37:3

Ak kiiyokto Sedekia laitoriat Jeukal weritab Selemia, ak Sepania weritab Maaseia tisiindet, koba oldab maotiot Jeremia, kolenji, Saiywech anyun Jehovah Kamuktaindennyo.

HOSEA 5:15

Aweekyinige anyun oldanyu, agoi kong’any chalwoktanywa, ak kocheng’a: cheng’a eng’ kagiiletab ge eng’ nyalildanywa.

KAITOSYEK 11:2

Ak kirirji bik Musa; ak kisa Musa Jehovah, ak kogesunotgei mat.

MATAYO 27:4

kole, Kaayai tengekto amu kaang’wekte korotik che matinyei tengek. Ago kile ichek, Botech eng’ nee? Yaoti inyege.

POISYONIGAP CHE KIYOKTOI 8:24

Ak kiwol Simon kole, Osaiywa Kiptaiyat, si mabwanja agot agenge tuguk che kaomwawa.

ROMANIK 10:1

Che kitupche, magetab muguleldanyu ak somennyu eng’ Jehovah agobo ichek ko ale kesor ichek.

NG'ATUTIK 9:20

Ak kinerekyi Jehovah mising’ Aron komachei kobar: kiasa agobo Aron eng’ yoto agine.

JAKOBO 5:16

Ong’ang’jige anyun kachiliilutikwok okwege, ak osachinige okwege, si kobiit kisoobok. Toretisiei mising’ saetab chito ne bo imanda ngo sa eng’ kagiiletab ge.

1 SAMUEL 15:24

Ak kimwachi Saul Samuel kolenji, Koayai tengekto, amu koabistoe ng’atutietab Jehovah, ak ng’aleguk: amu koaiywei bik, ak agas it kutinywa.

1 SAMUEL 15:30

Yeityo komwa kole, Koayai tengekto: ago asain kora ale konyita nguno, eng’ taitab boisiekab bikyuk, ak eng’ Israel; ak ingeweeige tuwai, si agutung’ji Jehovah Kamuktaindeng’ung’.