KAITOSYEK 20:6 - BUKUIT NE TILIL

⁶ Ak kiba Musa ak Aron eng’ ole mi tuiyet, agoi kurgetab emait ne kituiyechin, ak kiing’urukso kot kotiiny togochikwak ng’ony: ak komong’ji lilindab Jehovah ichek.

Bukuit Ne Tilil

⁶ Ki pa Musa ak Aron eng' ole mi tuiyet agoi kurgeetap emait ne kituiyechin. Ki ing'uruukso kot kotiiny togoochikwak ng'wony ak komong'ji `liilindap Kamuktaindet ne Toroor icheek.

BUKUIT NE TILIIL Sireet ne Dutero Kanon

⁶ Ki pa Musa ak Aron eng' ole mi tuiyet agoi kurgeetap emait ne kituiyechin. Ki ing'uruukso kot kotiiny togoochikwak ng'wony ak komong'ji `liilindap Kamuktaindet ne Toroor icheek.

KAITOSYEK 20:6 ပူးပေါင်းရင်းမြစ်များ

1 ATEPTAP PEETUUSYEK 21:16

Ak kiyot met Daudi, ak kogeer malaikaiyatab Jehovah kotononi eng’ kwenutab ng’ony ak kipsengwet, kotinyei rotwetab chok ne kaging’us eng’ eunnyi, ak kong’werere Jerusalem. Kobutyi ng’ony anyun Daudi ak boisiek kotoore togochikwak ng’ony, kolaachi kuniok.

KOMONG'U 16:10

Ak ye kita kong’alaljin Aron tuiyet komugul ne bo lagokab Israel, kotobendo kotokyigei ong’atet, ogeero, kitook lilindab Jehovah eng’ boldet.

KOMONG'U 17:4

Ak kirirji Musa Jehovah kolenji, Aitoi nee bichu? Negit kolacha.

KAITOSYEK 12:5

Ak kichorgei Jehovah eng’ toloitab boldet, ak kitonone kurgetab Emait, ak kiguur Aron ak Miriam; ak kibwa ichek tuwai.

KAITOSYEK 14:10

Ago kimwa tuiyet komugul kole, kelach ichek eng’ koik. Ak kitook lilindab Jehovah eng’ emait ne kituiyechin, komong’ji lagokab Israel tugul.

KAITOSYEK 14:5

Kiing’urukso ng’ony anyun Musa ak Aron kot kotiiny togochikwak ng’ony, eng’ taitab bik tugul che bo tuiyet komugul ne bo lagokab Israel.

KAITOSYEK 16:19

Ak kiiyum Kora tuiyet komugul kotil let ichek eng’ kurgetab emait ne kituiyechin: ak kimong’ lilindab Jehovah eng’ taitab tuiyet tugul.

KAITOSYEK 16:22

Ak kiing’urukso kot kotiiny togochikwak ng’ony ak kole, Ee Kamuktaindet, Kamuktaindet ne bo tamirmirikab bik tugul, tos inerekyini tuiyet komugul ngo yai chito agenge tengekto?

KAITOSYEK 16:4

Ak ye kingogas Musa ng’olyondonoto, kong’uruk kot koit ng’ony togennyi:

KAITOSYEK 16:42

Ak ye kingo kagoyumgei tuiyet, si kotil let Musa ak Aron, kogeer ole mi emait ne ketuiyechin; ogeero, kituch boldet emainato, ak kitook lilindab Jehovah.

KAITOSYEK 16:45

Oistoegei tuiyoni, si kobiit awong’ ichek ngunoto. Ak kiing’uruk kot kotiiny togennyi ng’ony.

KAITOSYEK 20:7

Ak kimwachi Jehovah Musa kolenji,

MATAYO 26:39

Ak kiwa tai kitigin, ak kobutyi ng’ony, ak kosa, kole, Ee Baba, ngomugaksei, kosiirtoena kikombani: ago, ma ko u ye amache ane, ago ko u ye imache inye.

JOSHUA 7:6

Kigerer anyun Josua ngorikyik, ak kong’uruk kot koit ng’ony togennyi eng’ taitab moingetab Jehovah agoi koskoleny, inendet ak boisiekab Israel; ak kiinde metowekwak temburiek.