KAITOSYEK 20:1 - BUKUIT NE TILIL

¹ Ak kiit tuiyet komugul ne bo lagokab Israel ong’atet ne bo Sin, eng’ arawet ne bo tai: ak kitebe Kades; ak kimechi Miriam oloto, ak kigitub eng’ oloto.

Bukuit Ne Tilil

¹ Ki iit tuiyet komugul ne po piigap Israel surkwen ne po Sin eng' arawet ne po tai, ak kitebee icheek Kadesh. Ye kita komi olooto, kogime Miriam, ak ki kitup eng' olooto.

BUKUIT NE TILIIL Sireet ne Dutero Kanon

¹ Ki iit tuiyet komugul ne po piigap Israel surkwen ne po Sin eng' arawet ne po tai, ak kitebee icheek Kadesh. Ye kita komi olooto, kogime Miriam, ak ki kitup eng' olooto.

KAITOSYEK 20:1 ပူးပေါင်းရင်းမြစ်များ

TAUNET 14:7

Ak koweek kobwa En-mispet (noto ko Kades) ak kobar koret tugul ne bo Amalekik, ak Amorik agichek, che kimenyei Hasason-tamar.

TIENWOGIKAL 29:8

Itumdumi twegunetab Jehovah ong’atet: Itumdumi Jehovah ong’atetab Kades.

KOMONG'U 15:20

Ak kinam Miriam ne kwondo ne maotio, ne chepkametab Aron, sugutit ne ming’in eng’ eunnyi; ak kiisub inendet kobogorisiek tugul che kiibei sugutisiek che mengechen kotienoti.

KOMONG'U 2:4

Ak kitonone chepkamet ole loo, kole kogeer kit ne tos kiyachi.

KOMONG'U 2:7

Kimwaji anyun chepkametab lakwanato chebo Parao, kolenji, Tos mie awo aguurun cheblakwet eng’ osotikab Hebranik, si koribun lakwanito?

EZEKIEL 47:19

Egu kiwotetab komostab tai koboch Tamar agoi beekab Meribot-kades, agoi kererutab Misri, agoi nyanjet ne o. Nito ko komostab murot ne bo tai.

MIKAH 6:4

Amu kiamutun itogosu imong’u eng’ emetab Misri, ak kiatiachin imong’une gotab otwognatet; ak kiayokte Musa, Aron, ak Miriam kondoun.

KAITOSYEK 12:1

Kichaam anyun Miriam ak Aron Musa amu kobogoriotab Kus ne kiitun; amu kiitun Jepkusiot.

KAITOSYEK 12:10

Ak kiwa boldet eng’ Emait: ogeero, kiam mogondosik Miriam, kileelit bortanyi ko u teluchi; ak kigeer Aron Miriam, kotinyei mogondosik.

KAITOSYEK 12:15

Ak kigigerji anyun Miriam sang’utab nganaset betusiek tisab: ak kima ba bik agoi kimut Miriam kogeny konyo ga.

KAITOSYEK 13:21

Kitogosta anyun bichoto, koba kosegei emet, kong’eete ong’atetab Sin agoi Rehob, agoi koit ye kibunei kebendi Hamat.

KAITOSYEK 13:26

Kibwa anyun agoi ole mi Musa ak Aron, ak tuiyet komugul ne bo lagokab Israel, eng’ ong’atetab Paran, agoi Kades; ak kiipchi ichek ng’alek, ak tuiyet komugul, ak koborji logoekab emonoto.

KAITOSYEK 20:16

ak kingerirji Jehovah kogas rirekyok, ak kiiyok malaikaiyat, konyo komutwech kemong’une Misri: ak keero, kimi Kades, nganaset ne mi kiwoteng’ung’ taban.

KAITOSYEK 20:22

Ak kiba eng’ Kades: ak kiit tuiyet komugul ne bo lagokab Israel tulwetab Hor.

KAITOSYEK 20:28

Ak kiireegune Musa Aron ngoroikyik, ak kolaakyi werinnyi Eleasar; ak kimechji Aron oloto eng’ tulwet barak: ak kichorgei Musa ak Eleasar eng’ tulwet.

KAITOSYEK 26:59

Ak kainetab osotiotab Amram ko ki Jokebed, cheptab Lawi, ne kigisikyi Lawi eng’ Misri: ak kisikyi Jokebed Amram Aron ak Musa ak Miriam chepkamenywa.

KAITOSYEK 27:14

amu kiongelelji ng’olyondennyu eng’ ong’atetab Sin, eng’ boriet ne kibiit eng’ tuiyet, ama ogonyita eng’ ole bo beek kogeerei ichek. (Choto beekab Meriba che bo Kades eng’ ong’atetab Sin.)

KAITOSYEK 33:36

Ak kiba eng’ Esion-geber, ak kiimuung’e ong’atetab Sin (noto Kades).

NG'ATUTIK 1:46

Kiotebe anyun Kades betusiek che chang’, che te betusiek che kiotar eng’ yoto.

NG'ATUTIK 2:14

Ak koboch ngab keng’eetye eng’ Kades-barnea, agoi kelandae kererutab Sered, ko ki kenyisiek sosom ak sisiit; agoi kogesgei ibinda tugul ne bo murenikab luget, eng’ nganaset, ko u ye kiiyosichei Jehovah.

NG'ATUTIK 32:51

amu kiongelelja eng’ kwenutab lagokab Israel eng’ beekab Meriba ne bo Kades, eng’ ong’atetab Sin; amu kima ogonyita eng’ kwenutab lagokab Israel.

KIRUOGIK 11:16

ago ye kitogosu Israel eng’ Misri, ak kobwa kobun ong’atet agoi Nyanjet ne Birir, ak kibwa Kades;