KAITOSYEK 18:5 - BUKUIT NE TILIL

⁵ Ak orib ng’atutietab ole tilil, ak ng’atutietab kapkorusut si mata kobiit neregek kogeny agobo lagokab Israel.

Bukuit Ne Tilil

⁵ Oriip oyai ng'atuutyetap ole-tiliil ak ng'atuutyetap kapkorosuut, si mata kobiit nereegek kogeny agobo piigap Israel.

BUKUIT NE TILIIL Sireet ne Dutero Kanon

⁵ Oriip oyai ng'atuutyetap ole-tiliil ak ng'atuutyetap kapkorosuut, si mata kobiit nereegek kogeny agobo piigap Israel.

KAITOSYEK 18:5 ပူးပေါင်းရင်းမြစ်များ

1 ATEPTAP PEETUUSYEK 23:24

Chuto ko ki werikab Lawi ko u gorikab kwanisiekwak, kandoikab gorikab kwanisiekab icheget che kigiit, kobee koitetab kainaik, ko kagiit chito agenge agenge, che kiyai boisietab otisietab gotab Jehovah, koboch che bo kenyisiek tiptem ak che siirei.

1 ATEPTAP PEETUUSYEK 23:32

si koripso eng’ ripsetab emait ne kituiyechin, ak ripsetab ole tilil, ak ripsetab werikab Aron tupchosiekwak, agobo otisietab gotab Jehovah.

1 ATEPTAP PEETUUSYEK 24:5

Kigipchei anyun ko u ni eng’ barbarek, chu ak chu; amu kimi bounik che bo ole tilil, ak bounik che bo Kamuktaindet, ki bo tuwai werikab Eleasar, ak werikab Itamar.

1 ATEPTAP PEETUUSYEK 9:19

Ak kibou Salum weritab Kore, weritab Ebiasap, weritab Kora, ak tupchosiekyik, che bo gotab kwandanyi, Koraik, boisietab oret, ribikab kurgotikab emait: ak kicham kobou kwanisiekwak nganasetab Jehovah, ribikab ole kimandoe;

1 ATEPTAP PEETUUSYEK 9:23

Korib anyun icheget ak lagokwak kurgotikab gotab Jehovah, gotab emait, kowaljingei.

1 ATEPTAP PEETUUSYEK 9:33

Ak chu ko tienik, kandoikab gorikab kwanisiek che bo Lawik, che kimenyei gorik, ak ki itiagotin eng’ boisionik alak: amu kimi boisienywa bet ak kemoi.

KOMONG'U 27:21

Ingochobei Aron ak werikyik lapkeiyonoto eng’ taitab Jehovah kong’eete lagat agoi karon, eng’ emait ne kituiyechin eng’ ole sib kemong’jin eng’ anget ne iyoitos got, ne mi tai eng’ baornatet: egu ng’atutiet ne bo koigeny eng’ ibinwekwak tugul agobo lagokab Israel.

JEREMIA 23:15

Mwaei anyun Jehovah ne bo lugosiek agobo maotik ko u ni kole: Ogeero, abae ichek ng’wonet, ak agochi beek koee: amu kigoyom emet tugul muruonindab maotikab Jerusalem.

EZEKIEL 44:15

Ago bwanei korikyina koboisiewa tisiik Lawik, werikab Sadok, che kiribei boisietab oldanyu ne tilil, ye kingoba lagokab Israel kometa; si kotononso eng’ tainnyu kogona mwanik ak korotik, mwaei Kiptaiyat Jehovah:

EZEKIEL 44:16

bendi oldanyu ne tilil, ak korikyi mesennyu, si koboisiewa, ak korib ng’atutiennyu.

ATEPTAP LAWIK 10:6

Ak kilenji Musa Aron, ak Eleasar ak Itamar, werikyik, Amat oyat metowekwok, amogerer ngoroikwok; si mobegu, si manerekyi inendet tuiyet komugul: ago ingoririo tupchosiekwok, got komugul ne bo Israel, amu mat ne kagonaam Jehovah.

ATEPTAP LAWIK 24:3

Chobei Aron tait eng’ sang’utab anget ne kigioiye got, ne bo baornatet, eng’ emait ne kituiyechin, kong’eete koskoleny agoi karon kotugul eng’ taitab Jehovah: egu ng’atutiet ne bo koigeny eng’ ibinwekwok tugul.

SEKARIA 10:3

Anerekyini mestowek, ak abire kwesik: amu karutochi Jehovah ne bo lugosiek akwennyi ne bo kechirek, gotab Juda, ak koyai ichek koigei mbartanyinnyi ne mie eng’ boriet.

KAITOSYEK 1:50

ago inde Lawik koboi gotab baornatet, ak tugukyik che mi orit, ak tugukyik tugul: ichek che ibei got, ak tugukyik che mi orit; ak koboisiechi goyoto, ak komeny koyiem got.

KAITOSYEK 1:53

Ago menyei Lawik koyiemei gotab baornatet, si manyonji nereknatetab tuiyetab lagokab Israel: ak korib Lawik gotab baornatet.

KAITOSYEK 16:46

Ak kilenji Musa Aron, Ib tereng’ung’ ak inde mat ne bunu kaptisisiet teret orit, ak inde nyamdutik baragunnyi, ak iib ichaktae kwo ole mitei tuiyet, si iyachi kagaigaet: amu kagobun neregek Jehovah; kagotoigei koroito.

KAITOSYEK 18:4

Ak kiyomenen bichoto, ak korib ng’atutietab emait ne kituiyechin, agobo boisiet tugul ne bo Emait: amat korikyok kipsagarindet.

KAITOSYEK 4:18

Mongobetyo oretab gorikab Kohatik eng’ Lawik;

KAITOSYEK 8:19

Ak kiagoite Lawik kobunji Aron ak werikyik eng’ lagokab Israel, si koyai boisiet ne bo lagokab israel eng’ emait ne kituiyechin, ak koyai kagaigaet agobo lagokab Israel; si mabiit koroito eng’ lagokab Israel, ye rikyin lagokab Israel ole tilil.

KAITOSYEK 8:2

Mwachi Aron, ilenji, Ye inam taisiek, kokweng’so anyun taisiechoto tisabu eng’ taitab keldab tait.

1 TIMOTEO 1:18

Kagonin kayomisoni inye lakwennyu Timoteo, ko u amdaosiek che kisib kemwa agobo inye si kobiit imuch iyai luget ne mie eng’ choto;

1 TIMOTEO 3:15

ago ngot agage, imuchi inai ole kanyol kotepto bik eng’ gotab Jehovah, noto kanisetab Jehovah ne sobei, toloita ak irimetab imanit.

1 TIMOTEO 5:21

Kang’atin anyun eng’ taitab Jehovah, ak Kristo Jesu, ak malaikaisiek che lewenotin, ale irib tuguchuto amesib itil kiruoget, ameyae kiy age tugul eng’ tiytiet.

1 TIMOTEO 6:20

Ee, Timoteo, rib anyun noto kigegonin, istoege ng’alek che manamegei ak oretab Jehovah, ak kabeletab ge ne bo naet, noto kiguure eng’ lembech naet;