KAITOSYEK 17:5 - BUKUIT NE TILIL

⁵ Yeityo kong’at siaritab chito ne aleweni; ak awong’u eng’ tainnyu kang’unyng’ung’et ne ing’unyng’ung’jinok lagokab Israel.

Bukuit Ne Tilil

⁵ Yeityo kong'at kirokto ne po chiito ne aleweni, ak awong'u eng' tainnyu kang'unyng'unyet ne ing'unyng'ung'jinok piigap Israel.”

BUKUIT NE TILIIL Sireet ne Dutero Kanon

⁵ Yeityo kong'at kirokto ne po chiito ne aleweni, ak awong'u eng' tainnyu kang'unyng'unyet ne ing'unyng'ung'jinok piigap Israel.”

KAITOSYEK 17:5 ပူးပေါင်းရင်းမြစ်များ

2 ATEPTAP PEETUUSYEK 26:16

Ago ye kingo kagogimit, kolosgei eng’ muguleldanyi kot koyai ne ya, ak kiingelelji Jehovah Kamuktaindennyi; amu kiwa hekalutab Jehovah kobeel nyamdutik eng’ kapkorosutab nyamdutik.

EZRAH 2:62

Kicheng’ chuto kit ne kigisirji kainaikwak, kobee tetutikab ibinwek che kigosiirto, ago ma kinyor: amu noto kigiit koek che ng’wonen ak kigiistoe tiseinatet.

TIENWOGIKAL 105:26

Kiiyokto Musa kiboitiondennyi, Ak Aron ne kiga kolewen.

KOMONG'U 16:7

ak ogeer karon telunatetab Jehovah; amu kasei inendet kang’unyng’unyeng’wong’ ne ong’unyng’ung’jini Jehovah: achek anyun ko ki ng’o si ong’unyng’ung’jech?

ISAIAH 11:1

Ak komong’une temet oretab Jesii, ak koi logoek temet ne biitune tigitikyik:

ISAIAH 13:11

Ak abir ng’ony amu yaitiennyi, ak abir kiptengeginik amu tengektanywa; ak awong’u menotetab che mendos, ak anyeroti menotetab che imuisei.

ISAIAH 27:6

Kimitu Jakobo eng’ betusiek che bwanei; bitei Israel ak kong’at: ak konyiit ng’ony logoek.

ISAIAH 5:24

Noto anyun, ko u ye beelei liblibenetab mat mobek, ak ko u ye igesu liblibenetab mat suswek che yaamnyotin, ko u noto kergeitu tigitikwak ak nunatet, ak kotogosta taptokwak ko u temburiek: amu kigoesio ng’atutikab Jehovah ne bo lugosiek, ak kosas ng’olyotab Inendet ne Tilil ne bo Israel.

EZEKIEL 16:41

Ak kobeel goriguk, ak koyaun kiruogutik eng’ taitab kwonyik che chang’; ak aetenen kugoinatet, ama ialisiei kogeny.

EZEKIEL 23:27

Agesu yaitieng’ung’ eng’ inye, ak kugoinateng’ung’ ne kiibu eng’ emetab Misri si mata inyalil ichek, anan kota ibwat Misri kogeny.

HOSEA 14:5

Aigeitu rewot eng’ Israel: yiei inendet ko u taptet ne kararan, ak kowakta tigitikyik ko u Lebanon.

KAITOSYEK 1:51

Ak ye kimakyin got kwo tai, ko Lawik che butei: ak ye kimachei kitonon got, ko Lawik che lumei: ak kibarei kipsagarindet ne rikyin.

KAITOSYEK 11:1

Ak ki u ichek bik che ing’unyng’ung’dos, komwaei che yaach eng’ itikab Jehovah; ak kingogas Jehovah, kolalyo neregekyik; ak kilal matab Jehovah eng’ kwenunywa, ak kibeel ole bo tabanwekab nganaset.

KAITOSYEK 16:11

Koyumgei anyun inye oegu agenge ak biguk otil let Jehovah: Aron ko ng’o kot ong’unyng’ung’ji?

KAITOSYEK 16:5

ak kimwachi Kora ak bikyik kolenji, Iboru Jehovah mutai karon che chechik, ak ne tilil, ak koguur kwo ole mi inendet: chichoto leweni, koguurei korikyi inendet.

KAITOSYEK 17:10

Ak kilenji Jehovah Musa, Ketite siaritab Aron kwo taitab baornatet, si kegonor koek kaborunet amu lagokab ngelelik; si kobiit iwong’u kang’unyng’ung’enywa ne ing’unyng’ung’jina, si mabek.

KAITOSYEK 17:6

Ak king’alalji Musa lagokab Israel, ak kiigochi bounikwak tugul siarisiek, siarit agenge eng’ bounindet age tugul, ko u gorikab kwanisiekwak, siarisiek taman ak aeng’: ak kimitei siaritab Aron koboto siarisiekwak.

KAITOSYEK 17:8

Ak eng’ betut ne kiisubi betunoto, kwo Musa emaitab baornatet orit; ak ogeero, kogong’at siaritab Aron ne bo oretab Lawi, ak koyesio taptok, ak kogoi lagoek che ruriotin che kiguure almond.

1 KORINTOEK 10:10

Amat ong’unyng’ung’se, ko u ye kiing’unyng’ung’so alak eng’ ichek, ak kibek eng’ ng’emindet.

JOSHUA 4:7

Olenji anyun, Amu kipcheigei beekab Jordan eng’ taitab moingetab arorutiet ne bo Jehovah: ye kilong’une moingonoto Jordan, kotononso beekab Jordan kototen: koek koichu anyun kabwatet eng’ lagokab Israel koigeny.