KAITOSYEK 15:15 - BUKUIT NE TILIL

¹⁵ Agenge ng’atutiet ne bo tuiyet eng’ okwek, ak eng’ kipsagarindet ne meng’isiei kobotok, ng’atutiet ne tebyei agoi eng’ ibinwekwok tugul: ko u ole oteptoi eng’ taitab Jehovah, kotebyei ko u noto agine kipsagarindet.

Bukuit Ne Tilil

¹⁵ Agenge ng'atuutyet ne po chii age tugul eng' okweek agot eng' kiprutoiyot ne meng'iisyei kobootok, ng'atuutyet ne tebyei agoi eng' ibinwekwok tugul. Ko uu ole oteptoi eng' taitap Kamuktaindet ne Toroor, kotebyei ko uu nooto agine kiprutoiyot.

BUKUIT NE TILIIL Sireet ne Dutero Kanon

¹⁵ Agenge ng'atuutyet ne po chii age tugul eng' okweek agot eng' kiprutoiyot ne meng'iisyei kobootok, ng'atuutyet ne tebyei agoi eng' ibinwekwok tugul. Ko uu ole oteptoi eng' taitap Kamuktaindet ne Toroor, kotebyei ko uu nooto agine kiprutoiyot.

KAITOSYEK 15:15 ပူးပေါင်းရင်းမြစ်များ

ESTA 9:27

kong’at Yahudik kole korib ichek koboto iyotenywa, ak tugul che kinamgei ak icheget, betusiechoto aeng’ ko u ng’olyondenywa, ne kigisir, ak ko u betusiek che kiging’at, eng’ kenyit age tugul, si ma kibagakta;

KOMONG'U 12:14

Ak egu betunito kabwatet eng’ okwek, ak orib kobunji igorta ne bo Jehovah; oyai igorito koek ng’atutiet eng’ ibinwekwok tugul agoi koigeny.

KOMONG'U 12:24

Oribe anyun ng’olyondoni koek ng’atutiet eng’ inye ak weriguk koigeny.

KOMONG'U 12:43

Ak kilenji Jehovah Musa ak Aron, Ni ko ng’atutiet ne bo paska; maamei kipsagarin:

KOMONG'U 12:49

Mi ng’atutiet agenge eng’ ne kigisikyin emeng’wong’, ak toondet ne rutochinok.

KOMONG'U 28:43

Ak kolaach ichek tuguchoto, Aron ak werikyik, si kobendi emaitab tuiyet, anan ye rikyin kapkorosut si kobiit kobois eng’ ole tilil si manam ichek tengekto, ak kobek: egu nito ng’atutiet eng’ inendet ak eng’ iyotennyi ne biitu let.

ATEPTAP LAWIK 24:22

Egu agenge ng’atutieng’wong’, kergeitu ne bunotyo ak ne salwok: amu a Jehovah Kamuktaindeng’wong’.

KAITOSYEK 10:8

Kuutei werikab Aron tisiik igondisiek; ak egu tukchoto ng’atutiet ne bo koigeny eng’ okwek eng’ ibinwekwok tugul.

KAITOSYEK 15:14

Ak ngo mi kipsagarin kobotok, anan chi age tugul ne mi kobotok eng’ ibinwekwok tugul, ak komach kogoito kagochinet ne bunei mat, kobunji nyamdutiet ne anyiny eng’ Jehovah; ko u ye oyae, koyaei agine ko u noto.

KAITOSYEK 15:29

Egu ng’atutiet agenge eng’ okwek ne bo chito ne kalel kiy age tugul amaingen, eng’ inendet ne bo lagokab Israel, ak ne bo kipsagarindet ne meng’isiei eng’ kwenunywa.

KAITOSYEK 18:8

Ak kilenji Jehovah Aron, Keero, kaagonin ripset ne bo konunoikyuk che kinamjin barak, tuguk tugul che itabanotin che bo lagokab Israel, kiagonin ak weriguk tuguchoto amu kaiilset, koek ng’atutiet ne bo agoi.

KAITOSYEK 9:14

Ak ngo mi kipsagarin ne meng’isiei eng’ kwenung’wong’, ak komachei korib paska ne bo Jehovah; yaei ko u ng’atutietab paska, ak ko u ye kigiaror; egu ng’atutiet agenge, eng’ kipsagarindet, ak eng’ inendet ne bo emonito.

GALATYEK 3:28

Ma imugaksei kele mi Yahudiot anan Yunanindet, ama mi otwogindet anan ne itiagat, ama mi ne muren anan ne tie: amu okwek tugul ko o agenge eng’ Kristo Jesu.

KOLOSAIK 3:11

ole mating’e boroindo Yunanindet ak Yahudiot, ne imuratanat ak ne ma imuratanat, bunotio, Sitiaindet, ne otwogin, ne itiagat: ago Kristo ko tugul ak eng’ tugul.

JOSHUA 8:33

Ak kitononso Israel tugul ak boisiekwak, ak kiptainikwak, ak kiruogikwak, eng’ moinget komosi ak komosi eng’ taitab tisiik Lawik, che ibei moingetab arorutietab Jehovah, koboto toondet ak ne kigisikyi ga; kimi kebeber taitab tulwetab Gerisim, komi kebeber taitab tulwetab Ebal; ko u ye kiga ng’at Musa otwogindetab Jehovah, kole kiberuri bikab Israel korok.

1 SAMUEL 30:25

Ak kiek ko u noto koboch betunoto agoi, kiyai koek ng’atutiet ak kayomiset agobo Israel, agoi rani.