KAITOSYEK 14:34 - BUKUIT NE TILIL

³⁴ Oiboti tengekwogikwok kenyisiek artam ko u koitetab betusiek che kiotar eng’ segeetab emet, eng’ betusiechoto artam, ko betut age tugul ko kenyit, si kobiit onai ye aistoenok kayomisutiennyu.

Bukuit Ne Tilil

³⁴ Ko uu koitetap peetuusyek che ki otar eng' segeetap emet, chooto peetuusyek artam, ko peetuut age tugul ko kenyiit, oiboti anyun tengekwogikwok kenyiisyek artam si kobiit onai ye aistoenok kayomisutyennyu.’

BUKUIT NE TILIIL Sireet ne Dutero Kanon

³⁴ Ko uu koitetap peetuusyek che ki otar eng' segeetap emet, chooto peetuusyek artam, ko peetuut age tugul ko kenyiit, oiboti anyun tengekwogikwok kenyiisyek artam si kobiit onai ye aistoenok kayomisutyennyu.’

KAITOSYEK 14:34 ပူးပေါင်းရင်းမြစ်များ

1 LAITORINIK 8:56

Iberurot Jehovah, ne kigogochi kamuung’et bikyik Israel, ko u tuguk tugul che kiga koaror: ma bet ng’olyot agot agenge eng’ arorutiennyi tugul ne mie, ne kiiaror eng’ otwogindennyi Musa.

2 ATEPTAP PEETUUSYEK 36:21

si kosulda ng’olyotab Jehovah ne kimwa eng’ kutitab Jeremia, agoi kogasegei emet sabatosiekyik: amu kirib sabatosiekyik eng’ betusiechoto kima komenyei chi, kot kosulda kenyisiek tamanwogik tisab.

TIENWOGIKAL 105:42

Amu kiibwat ng’olyondennyi ne tilil, Ak Abraham kiboitiondennyi.

TIENWOGIKAL 38:4

Amu kagomaluucha tengekwogikyuk: Kagotemena ko u milet ne nyigis.

TIENWOGIKAL 77:8

Tos kigogesgei rirenennyi koigeny? Tos ma kosuldoi arorutiennyi koigeny?

TIENWOGIKAL 95:10

Kiaarogen kenyisiek artam eng’ ibinato, Ak kiale, Icheget ko bik che mastoi eng’ mugulelwekwak, Ak tom konai ortinwekyuk:

EZEKIEL 14:10

Ak koib ichek tengektanywa: tengektab maotiot ko u tengektab chito ne cheng’ei inendet;

EZEKIEL 23:35

Mwaei anyun Kiptaiyat Jehovah ko u ni kole: Amu kiiutiena, ak ituktocha batai, kesen anyun yaitieng’ung’ agine ak kugoinatosieguk.

EZEKIEL 4:5

Amu kiang’at kenyisiekab tengektanywa koek eng’ inye koitetab betusiek, choto ko betusiek bogol somok ak tamanwogik sogol: iibe anyun ko u noto tengektab gotab Israel.

EZEKIEL 4:6

Ak kogeny, ye kaiyai chuto kosulda, iru isieb komostab tai, ak iibe tengektab gotab Juda: betusiek artam, betut agenge ko bo kenyit agenge, kang’atin anyun ko u noto.

DANIEL 9:24

Kaging’atyi biguk wigisiek tamanwogik tisab koboto nganaseng’ung’ ne tilil, si kiges bistoet, ak kiges tengekwogik, ak keyai katuiyet agobo tengekto, ak keib imanda ne bo koigeny, ak keng’och ng’ang’utiet ak maoinatet, ak kiil, kitaban ole tilil mising’.

HOSEA 9:12

Agot nganda igui lagokwak, agochini kobegune lagok, si mang’et chi: ee, bwa kogeny eng’ ichek ye amete!

ATEPTAP LAWIK 20:19

Amat ing’any bortab chepkametab komet, anan isengeng’ung’: amu kagong’any bortab tilionutik che negit: ibei ichek tengektanywa.

SEKARIA 11:10

Ak kianam kiroktanyu Mieindo, ak aeb apcheune aeng’, si kobiit abut kayomisennyu ne kigiyomisge koboto bororiosiek tugul.

KAITOSYEK 13:25

Ak kingogesgei betusiek artamu koweek eng’ segeetab emet.

KAITOSYEK 18:23

Ago yaei Lawik boisietab emait ne kituiyechin, ak koib tengektanywa: egu nito ng’atutiet ne bo koigeny eng’ ibinwekwok tugul, ak manyoru borotet ichek eng’ lagokab Israel.

KAITOSYEK 32:13

Ak kilalyo neregekab Jehovah agobo Israel, ak kiigochi koombeniot eng’ ong’atet eng’ kenyisiek artam, agoi kowong’gei ibinda tugul ne kiyai yaitiet eng’ taitab Jehovah.

POISYONIGAP CHE KIYOKTOI 13:18

Ak kimuitochi ichek eng’ atebosiekwak eng’ olo bo kenyisiek artam eng’ ong’atet.

NG'ATUTIK 2:7

Amu kigoberurin Jehovah Kamuktaindeng’ung’ eng’ boisiet tugul ne bo euneguk: kigonai bandang’ung’ eng’ ong’atani o: kimi koboten Jehovah Kamuktaindeng’ung’ eng’ kenyisiechu artam; ma rarun kiy.

HEBRANIK 4:1

Ongiywei anyun yo ta komi arorutiet ne keite kamuung’ennyi, si malen chi age tugul eng’ okwek, mata anyoru.

JOSHUA 14:10

Keer anyun-o, kigoriba Jehovah asob, ko u ye kimwa, kenyisiechu artam ak mut, koboch betut ne kimwachi Jehovah Musa ng’olyondoni, ye kingota kobendoti Israel eng’ ong’atet: ak nguno, keero, koboch ra, atinye kenyisiek tamanwogik sisiit ak mut.

NG'ANG'UTYET 11:3

Ak agochini baorinikyuk aeng’ komaoten betusiek elfut agenge bogol aeng’ ak tamanwogik lo, kolaachi kuniok.

1 SAMUEL 2:30

Noto anyun, mwaei Jehovah, Kamuktaindetab Israel, kole, Kiamwa iman ale, wendoti eng’ tainnyu gong’ung’, ak gotab kwandang’ung’, koigeny: ago kamwa Jehovah nguno kole, Ingolooit eng’ ane; amu ichek che konyita, agonyiti, ago icheget che maiita kole a kiy, kesasei.