KAITOSYEK 14:2 - BUKUIT NE TILIL

² Ak kiing’unyng’ung’ji lagokab Israel tugul Musa ak Aron; ak kilenji tuiyet komugul ichek, Ki kaigai nda kiga kibekyi emetab Misri! Anan ko nda kiga kibekyi ong’atani!

Bukuit Ne Tilil

² Ki ing'unyng'ung'ji piigap Israel tugul Musa ak Aron ak koleenji, “Ki kaigai nda kiga kibekyi emetap Misiri! Anan nda kebekyi ong'atani!

BUKUIT NE TILIIL Sireet ne Dutero Kanon

² Ki ing'unyng'ung'ji piigap Israel tugul Musa ak Aron ak koleenji, “Ki kaigai nda kiga kibekyi emetap Misiri! Anan nda kebekyi ong'atani!

KAITOSYEK 14:2 ပူးပေါင်းရင်းမြစ်များ

1 LAITORINIK 19:4

Ago kiwa ong’atet inendet, bandab betut agenge, ak kiit ole mi ketikab junipa, ak kotebi ng’ony eng’ ketoto kel: ak kisom kole kome; ak kile, Kogoyam; ara anyun, ee Jehovah, ib sobondanyu nguno; ma a mie ane asiir kwanisiekyuk.

Kitabuutap JOB 3:11

Amu nee si ma amee ami mo? Amu nee si ma amee ko kagisicha?

TIENWOGIKAL 106:24

Ee, kisas ichek emet ne kararan, Ma iyan ng’olyondennyi;

TIENWOGIKAL 106:25

Ago kiing’unyng’ung’so eng’ emaisiekwak, Ama epchi it kutitab Jehovah.

TIENWOGIKAL 106:45

Ak kiibwat kayomisennyi ne kigayomisyi ichek, Ak kirire ichek ko u chang’indab rirenosiekyik.

KOMONG'U 14:11

Ak kilenji ichek Musa, Kemutwech kebekyi ong’atani, amu kima komi kererisiek Misri? Amu nee si iyaiywech ko u ni, imoong’wech eng’ Misri?

KOMONG'U 15:24

Ak kiing’unyng’ung’ji bik Musa, kolenji, Kiee nee?

KOMONG'U 17:3

Ak kiam bik melelda eng’ oloto; ak kiing’unyng’ung’ji bik Musa, ak kile, Kilya si imutwech kemong’une Misri, nyo ibarenech melelda achek ak lagokyok ak akwotisiekyok?

JONAH 4:3

Ara anyun, ee Jehovah, asomin mising’ ale, istoena sobondanyu; amu kaigai eng’ ane ame kosiir asob.

JONAH 4:8

Ak kingochor asista kochob Kamuktaindet usonet ne bunu kong’asis ne imelisiei; ak kibeel asista metitab Jona, kot kotanui, ak kisomjigei kole kome, ak kile, Kaigai eng’ ane ame kosiir asob.

KAITOSYEK 11:1

Ak ki u ichek bik che ing’unyng’ung’dos, komwaei che yaach eng’ itikab Jehovah; ak kingogas Jehovah, kolalyo neregekyik; ak kilal matab Jehovah eng’ kwenunywa, ak kibeel ole bo tabanwekab nganaset.

KAITOSYEK 11:15

Ak ngot iyaiywa ko u ni, asain ale, ibara, ngo kianyoru chamet eng’ taing’ung’; amat kota igona ageer nyalildanyu.

KAITOSYEK 11:5

Kiibwati njirenik che kigiame buch eng’ Misri; ak ngwek, ak logoek alak, ak kitunguuk che eechen ak che mengechen, ak kitunguuk che ng’wonen;

KAITOSYEK 14:1

Kiwaach anyun tuiyet komugul koririo, ak kiiteiyo bik kemounoto.

KAITOSYEK 14:22

amu bicho tugul che kigogeer tororindanyu ak kaborunoikyuk, che kiayai eng’ Misri ak eng’ ong’atet, ak kigotiema konyil chu taman, ama epchin it kutinnyu;

KAITOSYEK 16:13

Tos igeere ile kiy ne ming’in ye kiimutwech ketogosu eng’ emet ne ki nyiitat chego ak kumik, si ibarjech ong’atani, ak imache iegu bounindet iboiywech?

KAITOSYEK 16:41

Ago kiing’unyng’ung’ji Musa ak Aron tuiyet komugul ne bo lagokab Israel eng’ betut ne kiisubi betunoto kole, Koobar bikab Jehovah.

KAITOSYEK 17:6

Ak king’alalji Musa lagokab Israel, ak kiigochi bounikwak tugul siarisiek, siarit agenge eng’ bounindet age tugul, ko u gorikab kwanisiekwak, siarisiek taman ak aeng’: ak kimitei siaritab Aron koboto siarisiekwak.

KAITOSYEK 20:2

Ak kimanyor tuiyet beek: ak kiiyumgei bik kobolji Musa ak Aaron.

KAITOSYEK 20:3

Ak kibolyo bik ak Musa, komwaei kolen, Nda kiga kibegu ye kibegu tupchosiekyok eng’ taitab Jehovah!

KAITOSYEK 20:4

Amu nee si omutu tuiyetab Jehovah kobwa ong’atani, si kobiit kebegu eng’ oli, ak tukyok?

KAITOSYEK 21:5

Ak kiing’unyng’ung’ji bik Kamuktaindet koboto Musa, kole, Kilya si omutwech kemong’une Misri kebwa kebekyi ong’atet? Amu mami amitwogik, anan beek; ak wechei sobonwekyok amitwogichu terteren.

1 KORINTOEK 10:10

Amat ong’unyng’ung’se, ko u ye kiing’unyng’ung’so alak eng’ ichek, ak kibek eng’ ng’emindet.

NG'ATUTIK 1:27

ak kiong’unyng’ung’se eng’ emaisiekwok, ole, Kiimoong’wech Jehovah eng’ emetab Misri amu kiwechech, si kobiit kondeech eunekab Amorik kobarech.

NG'ATUTIK 9:23

Ak ye kiiyoktok Jehovah eng’ Kades-barnea kolenjok, Otogoste onam emet ne kiagonok; obistoe ng’atutietab Jehovah Kamuktaindeng’wong’, ama oyan inendet, anan ogas it kutinnyi.

HEBRANIK 3:16

Amu ng’o che kitagis ye kingogas? Tos ma ichek tugul che kimong’une Misri eng’ Musa?

JUDA 1:16

Chuto ko che ing’unyng’ung’dos, kiptiyotinik, che isubi magutikwak che yaachen (ak komwaei kutuswekwak ng’alek che koromen che bo menotet), che tiytii bik si konyor kelunet.