KAITOSYEK 13:20 - BUKUIT NE TILIL

²⁰ ak kit ne u emet, ngo akwai anan ngo kemgem, ngo mi ketik anan ngo mami. Onyiganitu anyun, ak oibu logoekab emonoto. Kimachei korurio sabibuk che bo tai eng’ betusiechoto.

Bukuit Ne Tilil

²⁰ Ogeer kogeny kiit ne uu emet, ngo akwai anan ngo kemgem, ak ngo mi keetiik anan ngo ma mi. Onyiganitu anyun ak oibu logoegap emonooto.” Eng' peetuusyechooto, ko ki neegit koruryo sabibuk che po tai.

BUKUIT NE TILIIL Sireet ne Dutero Kanon

²⁰ Ogeer kogeny kiit ne uu emet, ngo akwai anan ngo kemgem, ak ngo mi keetiik anan ngo ma mi. Onyiganitu anyun ak oibu logoegap emonooto.” Eng' peetuusyechooto, ko ki neegit koruryo sabibuk che po tai.

KAITOSYEK 13:20 ပူးပေါင်းရင်းမြစ်များ

1 ATEPTAP PEETUUSYEK 22:11

Ara anyun, werinnyu, ingoteb Jehovah koboten; ak ibor, ak iteech gotab Jehovah Kamuktaindeng’ung’, ko u ye kigomwa agobo inye.

NEEMIA 9:25

Ak kinam nganasok che ng’ototin, ak emet ne akwai, ak konam gorik che nyiitotin tuguk tugul che miachen kobunji, ak keringonik che kigibal, mbarenikab sabibuk, ak mbarenikab emitik, ak ketik ng’isiat che bo logoek: kiam anyun ak kibiyong’so, ak kinerio, ak kiigasgei eng’ mieindang’ung’ ne o.

NEEMIA 9:35

Amu ma otin eng’ bounatenywa, ak eng’ mieindang’ung’ ne o ne kiigochi, ak eng’ emet ne baraa ak ko akwai ne kiigochi eng’ tainywa, ama meto boisionikwak che yaachen.

EZEKIEL 34:14

Ayage ichek ole mi suswek che miach, ak kotebe biunywa tulonokab komoswek che tororen che bo Israel: ruitos eng’ oloto eng’ biut ne mie, ak koagete ole bitat eng’ tulonokab Israel.

DANIEL 11:24

Ibokyin komoswek che akwaen che bo emet eng’ betusiekab kalyet; ak koyai kit ne kima yai kwanisiekyik, anan kwanisiekab kwanisiekyik; ak koseerji kwenunywa barunenik ak luulenik, ak tuguk: ee, chobei chobutikyik agobo irimoik, che bo betusiek che kiging’at.

MIKAH 7:1

Bwa ane! Amu a u yo kagiyum logoekab kemei, a u turonik che bo sabibuk: mami logoek che irurugotin che kimuchi keam; machei sobondanyu tongoaniatab mogoiywet.

KAITOSYEK 13:19

ak kit ne u emet ne menyei bichoto, ngo kararan anan ngo ya; ak kiye u nganasok che menyei, ngo ma ng’ototin anan ngo tinyei irimoik;

NG'ATUTIK 1:24

ak kiweek kotogosta tulwet, ak kiit atebwetab Eskol, ak kisegei oloto.

NG'ATUTIK 1:25

Ak kibut logoekab emonoto, ak koibwech, ak kiibwech ng’alek agichek, ak kole, Mie emonoto konech Jehovah Kamuktaindennyo.

NG'ATUTIK 31:23

Kiigochi anyun Josua weritab Nun ng’atutiet, kolenji, Kimitu, nyiganitu: amu imuti lagokab Israel koba emet ne kiayosiechi: ak ami koboten.

HEBRANIK 13:6

Noto anyun kimwae eng’ nyiganatet ne mie kele, Toretindennyu Kiptaiyat; maiyweisiei: Yaiywa nee chi?

JOSHUA 1:6

Kimitu ak inyiganitu: amu igochini bichu konam emet ne kiayosiechi kwanisiekwak ale agochini.

JOSHUA 1:9

Tos ma ane ne kiang’atin? Kimitu ak inyiganitu mising’; ameiywei, anan itoptoben: amu mi Jehovah Kamuktaindeng’ung’ koboten eng’ ui tugul ole iwendi.

JOSHUA 2:1

Kiiyokto Josua weritab Nun bik aeng’ eng’ Sitim koba eng’ ung’ot kosegei emet, kolenji, Oba ogeer emet, ak Jeriko. Kiba anyun ichek, ak kiit gotab chepkugoniot, ne ki kainennyi ko Rahab, ak kiruiyo yoto.

JOSHUA 2:3

Kiiyokto anyun laitoriatab Jeriko bik kobwa oldab Rahab, koba kolenji, Imutu bichu kobwanjin kobwa sang’, che kabwa gong’ung’: amu kabwa kosegei emet tugul.