KAITOSYEK 13:17 - BUKUIT NE TILIL

¹⁷ Kiiyokto anyun Musa koba kosegei emetab Kanan; kilenji anyun bichoto, Obun oret ne wendi Murot ne bo Tai, otogoste tulonok.

Bukuit Ne Tilil

¹⁷ Ki iyookto anyun Musa koba kosegei emetap Kanaan. Ki leenji anyun pichooto, “Obun ooreet ne wendi murot tai, otogoste tuloonook.

BUKUIT NE TILIIL Sireet ne Dutero Kanon

¹⁷ Ki iyookto anyun Musa koba kosegei emetap Kanaan. Ki leenji anyun pichooto, “Obun ooreet ne wendi murot tai, otogoste tuloonook.

KAITOSYEK 13:17 ပူးပေါင်းရင်းမြစ်များ

TAUNET 12:9

Ak kiu Abram kogeny, kotokyigei Murot ne bo Tai.

TAUNET 13:1

Ak kitogosta anyun Abram kong’eete Misri, inendet ak osotiondennyi, ak tugul che kitinyei, koboto Lot, koba Murot ne bo Tai.

TAUNET 13:17

Ng’eet, wendote koindab emoni, ak tebeesindanyi, amu agonin emoni kobunjin.

TAUNET 13:3

Ak kiwa eng’ bandanyi, kong’eete Murot ne bo Tai, agoi Betel, agoi koit ole kimi emainnyi eng’ tai, kwenutab Betel ak Ai;

TAUNET 14:10

Ki nyiitat atebwetab Sidim keringonik che bo lamit; ak kimwei laitorinik che bo Sodom ak che bo Gomora, ak kirorokyi oloto, ak kimwechi chun kang’et tulwet.

KAITOSYEK 13:18

Ak ogeer emet, kit ne u; ak bik che menyei oloto, ngo kimen anan ngo nyalulyotin, ngo ng’ering’ anan ngo chang’;

KAITOSYEK 13:29

Menyei Amalegik komostab Murot ne bo Tai; ak komenyei tulonok Hitik, ak Jebusik, ak Amorik; ak komenyei Kananik ngegutab araraita, ak ngegutab Jordan.

KAITOSYEK 14:40

King’eetyo anyun karon mising’, ak kotogosta agoi tulwet barak, kolen, Kimi yu, kagibe ketogoste ole kigomwa Jehovah: amu kogeyai tengekto.

NG'ATUTIK 1:44

Ak kimong’jok Amorik che kimenyei tulwonoto, nyo koonak, ko u ye onei bich segemik, ak kiiterteranwak ochorjinigei Seir, agoi Horma.

JOSHUA 10:40

Kibar anyun Josua emet tugul, emetab tulonok, ak komostab Murot ne bo Tai, ak warenget, ak chepkeigeusiek, koboto laitorinikwak tugul; ma bagakta kong’et agot agenge: kibar koges tugul che kitinyei kabuset, ko u ye king’at Jehovah Kamuktaindetab Israel.

JOSHUA 15:3

ak kibun murot ne bo tai ole kitogostoe kebendi Akrabik, kosiirto kot koit Sin, ak kotogosta kwo murot ne bo tai ne bo Kades-barnea, ak kosiirto kobun Hesron, ak kotogosta kwo Adar, ak koweek konyo Karka:

JOSHUA 2:1

Kiiyokto Josua weritab Nun bik aeng’ eng’ Sitim koba eng’ ung’ot kosegei emet, kolenji, Oba ogeer emet, ak Jeriko. Kiba anyun ichek, ak kiit gotab chepkugoniot, ne ki kainennyi ko Rahab, ak kiruiyo yoto.

KIRUOGIK 1:15

Ak kilenji inendet, Kona kaberuret; amu kiindea emet ne bo Murot ne bo Tai, igona kong’ikab beek agichek. Ak kiigochi Kaleb inendet kong’ikab beek che bo meto, ak kong’ikab beek che mi ole rektoot.

KIRUOGIK 1:19

Ak kimi Jehovah koboto Juda; ak kion che kimenyei emetab tulonok; kima imuch koon bik che kimenyei atebwet, amu kitinyei karisiekab karik.

KIRUOGIK 1:9

Ak kingobata, kochortagei lagokab Juda koba kobargei ak Kananik che kimenyei emetab tulonok, ak eng’ Murot ne bo Tai, ak eng’ warenget.