KAITOSYEK 12:11 - BUKUIT NE TILIL

¹¹ Ak kilenji Aron Musa, Ee, kiptaiyandennyu, asain ale, amat indeech tengekto, amu kageyai eng’ abusnatet, amu kageyai tengekto.

Bukuit Ne Tilil

¹¹ Ki leenji anyun `Aron Musa, “Ee, kiptaiyandennyu, asaain ale amat iityech yaityet agobo tengekto ne kageyai acheek eng' abusnateet.

BUKUIT NE TILIIL Sireet ne Dutero Kanon

¹¹ Ki leenji anyun `Aron Musa, “Ee, kiptaiyandennyu, asaain ale amat iityech yaityet agobo tengekto ne kageyai acheek eng' abusnateet.

KAITOSYEK 12:11 ပူးပေါင်းရင်းမြစ်များ

2 SAMUEL 19:19

Ak kilenji laitoriat, Amat koiitya tengekto kiptaiyandennyu, anan ibwat kii kiga yai otwogindeng’ung’ komaasak, eng’ betuni kimandoi kiptaiyandennyu laitoriat eng’ Jerusalem, ale amanam laitoriat kioto eng’ muguleldanyi.

2 SAMUEL 24:10

Ak kitoor Daudi muguleldanyi ye kingo kagoiit bik. Ak kilenji Daudi Jehovah, Kiayai tengekto ne o eng’ kioto koayai: ago asomin ale, iste anyun, ee Jehovah, tengektab otwogindeng’ung’; amu kiayai eng’ berberindo ne o.

1 LAITORINIK 13:6

Ak kiwolji laitoriat chitab Kamuktaindet kolenji, Igaigai Jehovah Kamuktaindeng’ung’, ak isaiywa, si koweek eunnyu kogeny kosob. Ak kisa chitab Kamuktaindet Jehovah, ak kiweek eutab laitoriat kogeny kosob, ak koigei kit ne ka u eng’ tai.

2 ATEPTAP PEETUUSYEK 16:9

Amu bendoti konyekab Jehovah eng’ ng’ony komugul, kobortogei kole kim agobo icheget che igesunotgei mugulelwekwak eng’ tainnyi. Koiyai koito eng’ berberindo; amu koboch nguno ko kenyoru lugosiek agoi.

KOMONG'U 12:32

Okweri kechirekwok ak tukwok, ko u ye kiomwa, oba; ak oberura agane.

KALEWANAIK 30:32

Ngot ko kaitororge eng’ berberindo, Anan ngot ko kaibwat yaitio, Iger kuting’ung’.

JEREMIA 42:2

ak kolenji maotiot Jeremia, Kisomin kele, kaswech somennyo, ak saiywech Jehovah Kamuktaindeng’ung’, achek tugul che kiging’etu; amu kiging’etu bik che ng’ering’ eng’ bik che chang’, ko u ye igeerech:

KAITOSYEK 11:2

Ak kirirji bik Musa; ak kisa Musa Jehovah, ak kogesunotgei mat.

KAITOSYEK 12:12

Asain ale, amat koigei inendet ne kagome, ne negit konun bortanyi kotom kesich komong’ eng’ moetab kamet.

POISYONIGAP CHE KIYOKTOI 8:24

Ak kiwol Simon kole, Osaiywa Kiptaiyat, si mabwanja agot agenge tuguk che kaomwawa.

NG'ANG'UTYET 3:9

Keero, agochini che bo sunagogitab Setani, icheget che mwaei kole ki Yahudik, ago ma ichek, kenu, keero, agochini ichek kobwa kogutuny eng’ kelyeguk, ak konai kole kiachamin.

1 SAMUEL 12:19

Ak kilenji bik tugul Samuel, Saiywech achek otwogiguk Jehovah Kamuktaindeng’ung’, si ma kibegu: amu kogetesyi tengekwogikyok tugul yaitioni, kesomjige laitoriat.

1 SAMUEL 2:30

Noto anyun, mwaei Jehovah, Kamuktaindetab Israel, kole, Kiamwa iman ale, wendoti eng’ tainnyu gong’ung’, ak gotab kwandang’ung’, koigeny: ago kamwa Jehovah nguno kole, Ingolooit eng’ ane; amu ichek che konyita, agonyiti, ago icheget che maiita kole a kiy, kesasei.