KAITOSYEK 11:25 - BUKUIT NE TILIL

²⁵ Ak kichorgei Jehovah eng’ boldet, ak kong’alalji Musa, ak kinam kebebertab tamirmiriet ne kimi inendet, konde boisiechoto tamanwogik tisab; ak ye kingotebe ichek tamirmiriet, koamda anyun ng’alek che bwanei, ago mata tun koyai ko u noto kogeny.

Bukuit Ne Tilil

²⁵ Ki choorgei Kamuktaindet ne Toroor eng' pooldet ak kong'alaalji Musa, ak ki nam kebebertap kabuuset ne ki mi ineendet konde poisyechooto tamanwogik tisap. Ye kingo tebee icheek kabuuset komaotenso agobo ng'aleek che pwoonei. Ago mata tuun koyai ko uu nooto kogeny.

BUKUIT NE TILIIL Sireet ne Dutero Kanon

²⁵ Ki choorgei Kamuktaindet ne Toroor eng' pooldet ak kong'alaalji Musa, ak ki nam kebebertap kabuuset ne ki mi ineendet konde poisyechooto tamanwogik tisap. Ye kingo tebee icheek kabuuset komaotenso agobo ng'aleek che pwoonei. Ago mata tuun koyai ko uu nooto kogeny.

KAITOSYEK 11:25 ပူးပေါင်းရင်းမြစ်များ

2 LAITORINIK 2:15

Ak kingogeer werikab maotik che kimi Jeriko ko katokyigei inendet, kole, Tebe tamirmirietab Elija Elisha. Ak kiba kotorokta inendet, ak kong’uruk kot koit ng’ony eng’ tainnyi.

NEEMIA 9:20

Kiigochi kogeny ichek Tamirmirieng’ung’ ne mie konet, ama iete ichek koam mana chotoguget, ak inage beek amu meleldanywa.

TIENWOGIKAL 99:7

King’alalji ichek eng’ toloitab boldet: Kirib baornatosiekyik, ak konetisiet ne kiigochi.

KOMONG'U 32:32

Ago nguno, ngicham inyochi kaat tengektanywa; ak ngo ma u noto asomin ale, iistaa eng’ bukuing’ung’ ne kiisir.

KOMONG'U 34:5

Ak kichorgei Jehovah eng’ boldet, ak kitonon koboto inendet eng’ yoto, ak kimwaita kainetab Jehovah.

KOMONG'U 40:38

Amu kitebe boldetab Jehovah got barak bet, ak kimi mat boldonato kemoi kogeerei got komugul ne bo Israel, eng’ banwekwak tugul.

ISAIAH 63:11

Kiibwat anyun betusiek che bo keny, Musa, ak bikyik, kole, Mi ano inendet ne kiimut ichek kolong’une nyanjet koboto mestowek che bo akwennyi? Mi ano inendet ne kiinde Tamirmiriennyi ne tilil kwenunywa,

EZEKIEL 8:11

Ak kitononie taitab kanamonichoto bik tamanwogik tisab che bo boisiekab Israel, ak kitonone kwenunywa Jaasania weritab Sapan, kotinyei chi age tugul terennyi eng’ eunnyi, ne kibeelse; ak kitogosta iyeto ne bo ng’uunetab nyamdutik.

KAITOSYEK 11:17

Ak achoruge anyo keng’alal ak inye eng’ oloto: ak anemunenen kebebertab tamirmiriet ne miten, ak ande bichoto; ak kogesen ichek lautietab bik koboten, si maigeseni inyege.

KAITOSYEK 12:5

Ak kichorgei Jehovah eng’ toloitab boldet, ak kitonone kurgetab Emait, ak kiguur Aron ak Miriam; ak kibwa ichek tuwai.

KAITOSYEK 16:25

Ak king’eet Musa kwo oldab Datan ak Abiram: ak kiisub inendet boisiekab Israel.

KAITOSYEK 24:2

Ak kitobendo Balaam, ak kigeer Israelik komeng’isiei ko katetgei ko u ortinwekwak; ak kinyonji Tamirmirietab Kamuktaindet inendet.

KAITOSYEK 27:18

Ak kilenji Jehovah Musa, Imutu Josua, weritab Nun, chito ne tinyei tamirmiriet, ak igonoor eung’ung’ inendet;

POISYONIGAP CHE KIYOKTOI 11:28

Ak kitonon age eng’ ichek ne kigiguure Agabo, ak kobor eng’ Tamirmiriet kole tun biitu rubet ne o ng’ony komugul: ne kiisulda eng’ betusiekab Klaudio.

1 KORINTOEK 14:32

ak kase it tamirmirikab maotik maotik;

JAKOBO 1:17

Kagoitoet age tugul ne mie ak konunotiot age tugul ne igesunotgei ko bo barak, chorugei eng’ Kwanda ne bo lapkeiyosiek, ne mami eng’ inendet kit ne walaksei, anan ko uruet ne bunu waletab ge.

2 PETERO 1:21

Amu mami maoinatet ne kigobiit eng’ magetab chi: ago king’alali bik eng’ Jehovah, kondochin Tamirmiriet ne Tilil.

KIRUOGIK 3:10

Ak kinyonji inendet Tamirmirietab Jehovah, ak kiiruokyi Israel; ak kiwa luget, ak kiinde Jehovah eunnyi Kusan-risataim laitoriatab Mesopotamia: ak kiiterter Otniel Kusan-risataim.

1 SAMUEL 10:10

Ak kingoit tulwet, ogeero, kotuiye inendet maotik che kigaiyumgei; ak kinyonji inendet Tamirmirietab Kamuktaindet eng’ kimnatet, ak kimaoten eng’ kwenunywa.