KAITOSYEK 11:2 - BUKUIT NE TILIL

² Ak kirirji bik Musa; ak kisa Musa Jehovah, ak kogesunotgei mat.

Bukuit Ne Tilil

² Ki riirchi anyun `piik Musa ak ki sa `ineendet Kamuktaindet ne Toroor ak kogesunotkei maat.

BUKUIT NE TILIIL Sireet ne Dutero Kanon

² Ki riirchi anyun `piik Musa ak ki sa `ineendet Kamuktaindet ne Toroor ak kogesunotkei maat.

KAITOSYEK 11:2 ပူးပေါင်းရင်းမြစ်များ

TIENWOGIKAL 106:23

Kimwa anyun kole ng’emei inendet ichek amu noto, Nda kima tonon Musa nenyi ne kigilewen eng’ tainnyi kooiyo, Koweekta neregekyik, si mabar ichek.

KOMONG'U 10:18

Ak kiwa eng’ ole mi Parao, kwo kosa Jehovah.

KOMONG'U 34:9

Ak kile, Ngo kaanyoru nguno chamet eng’ taing’ung’, Ee Kiptaiyat, asain ale, ingocham Kiptaiyat kebe tugul; amu uui kaat bichu; ak inyoiywech kaat tengekwogikyok ak chalwogikyok, ak inamech keegu boroteng’ung’.

ISAIAH 37:4

Abere imuchi kogas Jehovah Kamuktaindeng’ung’ ng’alekab Rabsake, ne kagoyok laitoriatab Asuria kiptaiyandennyi, konyo kochot kamuktaindet ne sobei, ak koger kong’ ng’alek che kagas Jehovah Kamuktaindeng’ung’: ara anyun sa agobo bik che ng’etunotin.

JEREMIA 15:1

Kolenja anyun Jehovah, Agot nda kiga tononso Musa ak Samuel eng’ tainnyu, ko matokyingei kabwatutikyuk bichu; timde eng’ tainnyu, koba.

JEREMIA 37:3

Ak kiiyokto Sedekia laitoriat Jeukal weritab Selemia, ak Sepania weritab Maaseia tisiindet, koba oldab maotiot Jeremia, kolenji, Saiywech anyun Jehovah Kamuktaindennyo.

JEREMIA 42:2

ak kolenji maotiot Jeremia, Kisomin kele, kaswech somennyo, ak saiywech Jehovah Kamuktaindeng’ung’, achek tugul che kiging’etu; amu kiging’etu bik che ng’ering’ eng’ bik che chang’, ko u ye igeerech:

KAITOSYEK 12:11

Ak kilenji Aron Musa, Ee, kiptaiyandennyu, asain ale, amat indeech tengekto, amu kageyai eng’ abusnatet, amu kageyai tengekto.

KAITOSYEK 12:13

Kirirji anyun Musa Jehovah, kolenji, Ee, Kamuktaindet, asain ale isoob inendet.

KAITOSYEK 21:7

Ak kiba bik oldab Musa, kolenji, Kogeyai tengekto, amu koging’unyng’ung’ji Jehovah koboten; sa Jehovah, si koistoenech erenochu. Ak kisachi Musa bik.

POISYONIGAP CHE KIYOKTOI 8:24

Ak kiwol Simon kole, Osaiywa Kiptaiyat, si mabwanja agot agenge tuguk che kaomwawa.

HEBRANIK 7:26

Amu nyoljinech tisiindet ne o ne u ni, ne tilil, ne matinyei kenisiet, ama tinyei muruonindo, ne itabanat eng’ kiptengeginik, ak kigitoror kosiir kipsengwetisiek;

JAKOBO 5:16

Ong’ang’jige anyun kachiliilutikwok okwege, ak osachinige okwege, si kobiit kisoobok. Toretisiei mising’ saetab chito ne bo imanda ngo sa eng’ kagiiletab ge.

1 JOHANA 5:16

Ngot kogeer chi tupchennyi koyaei tengekto ne ma bo meet, kosom, si kogochi Jehovah sobondo agobo icheget che kayai tengekto ne ma bo meet. Mi tengekto ne bo meet: mamwae ale kosom agobo noto.