KAITOSYEK 11:17 - BUKUIT NE TILIL

¹⁷ Ak achoruge anyo keng’alal ak inye eng’ oloto: ak anemunenen kebebertab tamirmiriet ne miten, ak ande bichoto; ak kogesen ichek lautietab bik koboten, si maigeseni inyege.

Bukuit Ne Tilil

¹⁷ Achoorugei anyoone keng'alaal ak inyee eng' olooto, ak anemunenen kebebertap kabuuset ne miten inyee ak ande pichooto. Yeityo kogesen icheek mileetap piik kobooten si ma igeseni inyegei.”

BUKUIT NE TILIIL Sireet ne Dutero Kanon

¹⁷ Achoorugei anyoone keng'alaal ak inyee eng' olooto, ak anemunenen kebebertap kabuuset ne miten inyee ak ande pichooto. Yeityo kogesen icheek mileetap piik kobooten si ma igeseni inyegei.”

KAITOSYEK 11:17 ပူးပေါင်းရင်းမြစ်များ

TAUNET 11:5

Ak kichorgei Jehovah konyo kogeer nganaset ak teekset ne koi ne kitogosta kwo barak, ne kiteech werikab bik.

TAUNET 17:22

Ak kiiges ng’alalet ne king’alali ak inendet, ak kitogosta Kamuktaindet kobagakta Abraham.

TAUNET 17:3

Ak kiibutyi ng’ony Abram: kong’alal Kamuktaindet ak inendet kolenji,

TAUNET 18:33

Kiwa Jehovah anyun bandanyi, ye kingogesgei ng’alalet ne king’alali ak Abraham: ak kiweeigei Abraham kwo oldanyi.

2 LAITORINIK 2:15

Ak kingogeer werikab maotik che kimi Jeriko ko katokyigei inendet, kole, Tebe tamirmirietab Elija Elisha. Ak kiba kotorokta inendet, ak kong’uruk kot koit ng’ony eng’ tainnyi.

2 LAITORINIK 2:9

Ak kingolanda, kolenji Elija Elisha, Som kit ne imache ayaun, kotomo kimuta eng’ ole imi. Ak kile Elisha, Asomin ale, ingotebena kebebertab tamirmirieng’ung’ konyil aeng’.

NEEMIA 9:20

Kiigochi kogeny ichek Tamirmirieng’ung’ ne mie konet, ama iete ichek koam mana chotoguget, ak inage beek amu meleldanywa.

KOMONG'U 18:18

Iwong’ugei kimnateng’ung’, inye, ak bichu omitei tugul: amu siirei kimnateng’ung’ nito; memuchi iyai inyege.

KOMONG'U 18:22

ak ingoruoksechi bik bichoto eng’ betusiek tugul: si koibun ng’olyot age tugul ne uui, ago ingobesiechigei ichegei ng’olyot age tugul ne ming’in: si kobiit konyamnyumun, ak ogesen tugul.

KOMONG'U 19:11

kochopgei agobo betut ne bo somok: amu chorjingei Jehovah tulwetab Sinai eng’ betutab somok eng’ taitab bik tugul.

KOMONG'U 19:20

Ak kichorjigei Jehovah tulwetab Sinai, konyo tulwet barak: ak kiguur Jehovah Musa kwo tulwet barak; ak kitogosta Musa.

KOMONG'U 34:5

Ak kichorgei Jehovah eng’ boldet, ak kitonon koboto inendet eng’ yoto, ak kimwaita kainetab Jehovah.

ISAIAH 44:3

Amu arong’jini beek ne amei melel, arong’jini ainosiek emet ne yaamat: arong’jini Tamirmiriennyu iyoteng’ung’, ak arong’jini berurtanyu lagoguk:

ISAIAH 63:11

Kiibwat anyun betusiek che bo keny, Musa, ak bikyik, kole, Mi ano inendet ne kiimut ichek kolong’une nyanjet koboto mestowek che bo akwennyi? Mi ano inendet ne kiinde Tamirmiriennyi ne tilil kwenunywa,

JOEL 2:28

Ak ye ibata choto, ko tun arong’jini Tamirmiriennyu bik tugul; ak komaoten werikwok ak tibikwok, iruotyin boisiekwok karuotitaosiek, keerei murenikwok ng’ang’utik:

KAITOSYEK 11:25

Ak kichorgei Jehovah eng’ boldet, ak kong’alalji Musa, ak kinam kebebertab tamirmiriet ne kimi inendet, konde boisiechoto tamanwogik tisab; ak ye kingotebe ichek tamirmiriet, koamda anyun ng’alek che bwanei, ago mata tun koyai ko u noto kogeny.

KAITOSYEK 12:5

Ak kichorgei Jehovah eng’ toloitab boldet, ak kitonone kurgetab Emait, ak kiguur Aron ak Miriam; ak kibwa ichek tuwai.

KAITOSYEK 12:8

King’alaljindosi kimni kotook, ma eng’ kalewenaik; ak kogeerei inendet itondab Jehovah. Kilya anyun si moiywei ochaam kiboitiondennyu Musa?

KAITOSYEK 27:18

Ak kilenji Jehovah Musa, Imutu Josua, weritab Nun, chito ne tinyei tamirmiriet, ak igonoor eung’ung’ inendet;

KAITOSYEK 7:89

Ak ye kingwo Musa emait ne kituiyechin kwo kong’alal ak inendet, kogas anyun Kutit kong’alalji ne kimong’une baragutab keruetab rirenet ne kimitei moingetab baornatet kimong’une kwenutab kerubisiechoto aeng’: ak king’alalji inendet.

JOHANA 3:13

Mami chi ne kitogosta kipsengwet, kobate inendet ne kichorgei eng’ kipsengwet, inendet ko Weritab chi ne mi kipsengwet.

JOHANA 7:39

Ago kimwaei nito agobo Tamirmiriet, ne tun taachei ichek che iyani inendet: amu kitom kegon Tamirmiriet; amu kitom kitoror Jesu.

ROMANIK 8:9

Ago ma omi eng’ borto ago eng’ Tamirmiriet, ngo menyok Tamirmirietab Jehovah. Ago ngo matinyei chi Tamirmirietab Kristo ko ma nenyi.

1 KORINTOEK 2:12

Ago kima kitaach tamirmiriet ne bo ng’ony, ago tamirmiriet ne bo Jehovah; si kenai tuguk che kigogonech Jehovah buch.

1 THESSALONIKEK 4:8

Inendet ne esioi, ko maesio chi, ago Jehovah, ne konok Tamirmiriennyi ne Tilil.

1 PETERO 1:22

Amu kiotilil sobonwekwok eng’ kasetab it ne ogase it imanit kot koit chamnyetab tupchosiek ne matinyei kenisiet, ochamnye, okwege eng’ mugulelwekwok eng’ kagiiletab ge:

JUDA 1:19

Chuto che ibu kabesiosiek, che isubi borwek, che matinyei Tamirmiriet.

1 SAMUEL 10:6

ak konyonjin Tamirmirietab Jehovah eng’ kimnatet, ak imaoten koboto ichek, ak kewalin iegu chito age.