KAITOSYEK 11:1 - BUKUIT NE TILIL

¹ Ak ki u ichek bik che ing’unyng’ung’dos, komwaei che yaach eng’ itikab Jehovah; ak kingogas Jehovah, kolalyo neregekyik; ak kilal matab Jehovah eng’ kwenunywa, ak kibeel ole bo tabanwekab nganaset.

Bukuit Ne Tilil

¹ Ki toi anyun piik kong'unyng'uny ak komwaei che yaach kogasei Kamuktaindet ne Toroor, ak ye kingo kas ineendet ko kotoigei nereegekyik. Ara ki lal maatap Kamuktaindet ne Toroor eng' kwenunnywa ak ki peel ole po tabanwegap nganaseet.

BUKUIT NE TILIIL Sireet ne Dutero Kanon

¹ Ki toi anyun piik kong'unyng'uny ak komwaei che yaach kogasei Kamuktaindet ne Toroor, ak ye kingo kas ineendet ko kotoigei nereegekyik. Ara ki lal maatap Kamuktaindet ne Toroor eng' kwenunnywa ak ki peel ole po tabanwegap nganaseet.

KAITOSYEK 11:1 ပူးပေါင်းရင်းမြစ်များ

TAUNET 38:10

Ak kiyait kioto kiyai eng’ taitab Jehovah: ak kibar inendet agine.

2 SAMUEL 11:27

Ak kingobata kateet, koyokto Daudi kimut konyo gonnyi, ak kiek osotiondennyi, ak kisikyi ng’etet. Ago ma cham Jehovah kioto kiyai Daudi.

2 LAITORINIK 1:12

Ak kiwolji Elija ichek kolenji, Ngot ko a chitab Kamuktaindet, kochorgei mat eng’ kipsengwet, ak kobeelin koboto biguk konom. Ak kichorgei matab Kamuktaindet eng’ kipsengwet, ak kobeel inendet ak bikyik konom.

Kitabuutap JOB 1:16

Ye kita kong’alali, koit agine age, ak kole, Kachorgei matab Kamuktaindet eng’ kipsengwet, ak kagobeel kechirek, ak otwogik, ak koges ichek; ak kaachilil anege, kanyo amwaun.

TIENWOGIKAL 106:18

Ak kilal mat eng’ kweanenywa; Ak kibeel mat bichoto yaachen.

TIENWOGIKAL 78:21

Kigas Jehovah anyun, ak kinerech: Ak kilal mat agobo Jakobo, Ak kitogosta neregek agobo Israel;

TIENWOGIKAL 78:63

Kibar mat werikwak; Ama kitienji tibikwak tiendab katunisiet.

KOMONG'U 16:7

ak ogeer karon telunatetab Jehovah; amu kasei inendet kang’unyng’unyeng’wong’ ne ong’unyng’ung’jini Jehovah: achek anyun ko ki ng’o si ong’unyng’ung’jech?

KOMONG'U 16:9

Ak kilenji Musa Aron, Ilenji tuiyet komugul ne bo lagokab Israel, Obwa orikyi Jehovah: amu kogogas kang’unyng’unyeng’wong’.

ISAIAH 10:17

Ak koek mat lapkeiyetab Israel, ak koek nenyi Ne Tilil liblibenetab mat, ak kobeel kwong’ katokyik ak katablelinikyik betunak.

ISAIAH 30:33

Amu kigechob Topet koboch keny; ee, kigechopchi laitoriat; kigoyai kolooit kwo ng’ony ak kotebeesit: karurugutiennyi ko mat ak kwenik che chang’; inaami kabusetab Jehovah, ne kergei ak koik che laldos, che isururu.

ISAIAH 33:14

Iyweisiei kiptengeginik che mi Sion; kigonam botanet che maiywei Kamuktaindet: Ng’o eng’ achek ne imuchi komeng’is ak mat ne igesu? Ng’o eng’ achek ne imuchi komeng’is ak mat ne lalei koigeny?

RIREKAB JEREMIA 3:39

Amu nee anyun si kong’unyng’uny chito, chito ne kagibir agobo tengekwogikyik?

EZEKIEL 20:36

Ko u ye kiagere kong’ kwanisiekwok eng’ ong’atetab emetab Misri, agerok kong’ anyun ko u noto, mwaei Kiptaiyat Jehovah.

ATEPTAP LAWIK 10:2

Ak kimong’ mat ne kibun taitab Jehovah, ak kobeel ichek, ak kibek eng’ taitab Jehovah.

NAHUM 1:5

Botandos tulonok eng’ tainnyi, ak kochootyo tulonok che mengechen; sutoksei ng’ony eng’ tainnyi, ee, ng’ony, ak tugul che menyei oloto.

HABAKUK 3:5

Kiindoe inendet koroito, Ak kimong’une kelyekyik kalyelet ne u mat.

KAITOSYEK 10:33

Kitoi banda ne bo betusiek somok anyun ko kong’etye tulwetab Jehovah; ak kiindoe ichek moingetab arorutietab Jehovah bandab betusiek somok, kocheng’jinoti ole imuung’e.

KAITOSYEK 11:18

Ak ilenji bik, Oanyinygei agobo mutai, ak oam banyek; amu kiorirji Jehovah, olen, Ng’o ne konech banyek keam? Amu kigigoigoi kemi Misri: konok anyun Jehovah banyek amu noto, si oam.

KAITOSYEK 12:2

Ak kile, Tos ng’alali Jehovah ak Musa inegei? Tos ma ng’alalwech agachek? Ak kigas Jehovah ng’alechato.

KAITOSYEK 14:2

Ak kiing’unyng’ung’ji lagokab Israel tugul Musa ak Aron; ak kilenji tuiyet komugul ichek, Ki kaigai nda kiga kibekyi emetab Misri! Anan ko nda kiga kibekyi ong’atani!

KAITOSYEK 14:22

amu bicho tugul che kigogeer tororindanyu ak kaborunoikyuk, che kiayai eng’ Misri ak eng’ ong’atet, ak kigotiema konyil chu taman, ama epchin it kutinnyu;

KAITOSYEK 14:27

Amuitoi eng’ tuiyoni ya ne ing’unyng’ung’jina kot kotianit? Koagas kang’unyng’ung’etab lagokab Israel, che ing’unyng’ung’jina.

KAITOSYEK 14:28

Ilenji ichek, Kale Jehovah, Ko u ye asobe, ko u ye kaomwawa agas eng’ itikyuk, ayaiywok agane ko u noto;

KAITOSYEK 16:11

Koyumgei anyun inye oegu agenge ak biguk otil let Jehovah: Aron ko ng’o kot ong’unyng’ung’ji?

KAITOSYEK 16:35

Ak kimong’une mat Jehovah, ak kibeel bichoto bogol aeng’ ak konom che kiigoitoi nyamdutik che kibeelei.

KAITOSYEK 17:5

Yeityo kong’at siaritab chito ne aleweni; ak awong’u eng’ tainnyu kang’unyng’ung’et ne ing’unyng’ung’jinok lagokab Israel.

KAITOSYEK 21:5

Ak kiing’unyng’ung’ji bik Kamuktaindet koboto Musa, kole, Kilya si omutwech kemong’une Misri kebwa kebekyi ong’atet? Amu mami amitwogik, anan beek; ak wechei sobonwekyok amitwogichu terteren.

1 KORINTOEK 10:10

Amat ong’unyng’ung’se, ko u ye kiing’unyng’ung’so alak eng’ ichek, ak kibek eng’ ng’emindet.

NG'ATUTIK 25:18

ko u ye kinyorjin oret, ak kobar biguk che kimi let, tugul che ki nyalulyotin che kiletu, ye kinegit itanui, ak ye kiga ing’et mising’; ama iywei Amalek Jehovah.

NG'ATUTIK 32:22

Amu kalal mat ne bo neregekyuk, Ak lalei agoi keringet ne loo mising’, Ak kobeel ng’ony koboto ruratennyi, Ak kobeel ole tonone tulonok.

NG'ATUTIK 9:22

Ak kiotach Jehovah kogeny eng’ Tabera, ak Masa, ak eng’ Kibrot-hataaba.

HEBRANIK 12:29

amu Jehovah nenyo ko mat ne igesu.

JAKOBO 5:4

Ogeero, boldos melekwekab kiboitinik che kigesei mbarenikwok, che kionamdege: ak kigochut itikab Kiptaiyatab Lugosiek rirekab ichek che kigesei.

JUDA 1:16

Chuto ko che ing’unyng’ung’dos, kiptiyotinik, che isubi magutikwak che yaachen (ak komwaei kutuswekwak ng’alek che koromen che bo menotet), che tiytii bik si konyor kelunet.