KAITOSYEK 10:9 - BUKUIT NE TILIL

⁹ Ak ye obendi luget eng’ emeng’wong’, obendi obaregei ak bunyot ne usok, oguut anyun igondisiechoto bo waagat; ak kibwatak eng’ taitab Jehovah Kamuktaindeng’wong’, ak kesoruok eng’ bunikwok.

Bukuit Ne Tilil

⁹ “Ye obe lugeet eng' emeng'wong' obaregei ak puunyoot ne usook, oguut anyun igondisyechooto po waagaat, si kibwaatak anyun eng' taitap Kamuktaindet ne Toroor Kamuktaindeng'wong' ak kesorwok eng' puunikwok.

BUKUIT NE TILIIL Sireet ne Dutero Kanon

⁹ “Ye obe lugeet eng' emeng'wong' obaregei ak puunyoot ne usook, oguut anyun igondisyechooto po waagaat, si kibwaatak anyun eng' taitap Kamuktaindet ne Toroor Kamuktaindeng'wong' ak kesorwok eng' puunikwok.

KAITOSYEK 10:9 ပူးပေါင်းရင်းမြစ်များ

TAUNET 8:1

Kiibwat anyun Kamuktaindet Noa, ak kiy age tugul ne sobei, ak tuga tugul che kimi koboto inendet eng’ melit: ak kiiyokyi Kamuktaindet usonet kousyi ng’ony, ak kiweeigei beek mutyo;

2 ATEPTAP PEETUUSYEK 13:12

Ogeero, mi Kamuktaindet kobotech, kondoiywech, ak tisiikyik che tinyei iriagok che bo waagat si koguutwak ne bo waagat. Ee lagokab Israel, amat obarge ak Jehovah Kamuktaindetab kwanisiekwok: amu mobore.

2 ATEPTAP PEETUUSYEK 13:14

Ak kingogeer bikab Juda let, ogeero, kimi luget tainywa ak let: ak kirirji Jehovah, ak kiguut tisiik iriagok.

TIENWOGIKAL 106:4

Ibwata, ee Jehovah, eng’ chamet ne ichame biguk; Ee, rutocha eng’ yetuneng’ung’:

TIENWOGIKAL 106:42

Kiinyalil ichek bunikwak, Ak kigimut ichek kogas it eng’ eunekab bichoto.

TIENWOGIKAL 136:23

Ne kiibwatech eng’ nyeratiennyo: Amu tebyei rirenennyi koigeny:

ISAIAH 18:3

Okwek tugul che omenye ng’ony, ak okwek che omenye emet, ogeer ye kinamjin barak songoliet eng’ tulonok; ak oeb it ye kiguutei iriaget.

ISAIAH 58:1

Waach mising’, amesis, waach ko u iriaget, ak imwachi bikyuk bistoenywa, ak imwachi gotab Jakobo tengekwogikwak.

JEREMIA 4:19

Moennyu, moennyu! Atinye ng’wanindo eng’ muguleldanyu orit: rukrugeni muguleldanyu; mamuchi asis; amu kaigas, ee sobondanyu, cheetab iriaget, waagatab luget.

JEREMIA 4:21

Ageere songoliet ak agase cheetab iriaget kot kotianit!

JEREMIA 4:5

Omwaite eng’ Juda, ak obarte eng’ Jerusalem: ak omwa ole, Oguut iriaget eng’ emet: owaach mising’ ak omwa ole, Oyumge, ak ongebe nganasok che ng’ototin.

JEREMIA 49:2

Ogeer anyun-o, bwanei betusiek, mwaei Jehovah, ne aibu waagatab luget kegas agobo Raba ne bo lagokab Amon; ak koek karatia ne irurugot, ak kebeel tibikyik: konam anyun Israel kobunji, ichek che kiga konam inendet, mwaei Jehovah.

JEREMIA 6:1

Omwei osoruge, okwek lagokab Benjamin, omong’u eng’ Jerusalem, ak oguut iriaget eng’ Tekoa, ak onamji barak kitab kaborunet eng’ Bet-hakerem: amu itu yaitiet eng’ murot ne bo katam, ak ng’emisiet ne o.

JEREMIA 6:17

Ak kiande ribik koribok, che len, Oepchi it cheetab iriaget; ago kile, Magigase.

EZEKIEL 7:14

Kagoguut iriaget, ak kagochob tuguk tugul; ago mami ne wendi boriet: amu mi neregekyuk chang’indanywa tugul.

HOSEA 5:8

Oguut igondit eng’ Gibea, ak oguut iriaget eng’ Rama: owaach eng’ Bet-aben; eng’ ole bo let eng’ inye, ee Benjamin.

ATEPTAP LAWIK 23:24

Mwachi lagokab Israel, ilenji, Egu kamuung’et eng’ okwek, eng’ arawetab tisab, eng’ betut ne bo tai ne bo arawanato, kabwatet ne bo kuutetab iriagok, kayumetab ge ne itabanat.

AMOS 3:6

Tos kiguutei iriaget eng’ nganaset, ama iyweis bik? Tos nyonjin yaitiet nganaset, ama iyokyi Jehovah?

SEPANIA 1:16

Betutab iriaget ak waagat, agobo nganasok che ng’ototin, ak irimoik che tororen.

KAITOSYEK 31:6

Ak kiiyokto Musa ichek, elfut agenge eng’ oret age tugul, koba luget, icheget koboto Pineas agine weritab Eleasar tisiindet, ak tugukab ole tilil ak igondisiek che kiguutei eng’ waagat, eng’ eunnyi.

1 KORINTOEK 14:8

Amu ngo chei iriaget cheet ne magiguitos, ko ng’o ne chobegei agobo luget?

NG'ATUTIK 20:1

Ye iwe obarge ak buniguk, ak iro mbartanyisiek, ak karisiek, ak bik che chang’ kosiirok, ko mat iywei: amu mi Jehovah Kamuktaindeng’ung’ koboten, ne kiimutun imong’u eng’ emetab Misri.

JOSHUA 6:5

Ak ye kagoguut koek keny kuinoichoto, ak ye ogas cheetab igondit, kowaach bik tugul waagat ne o; ak kolul irimetab nganaset kwo ng’ony, ak kwo chi age tugul kotogosta kotoorjigei ye kageer.

KIRUOGIK 10:12

Kiinyalilak agichek Sidonik, ak Amalegik, ak Maonik; ak kiorirja, ak kasoruok eng’ eunekwak.

KIRUOGIK 10:8

Ak kiim ak konyalil lagokab Israel kenyinoto ak kiinyalil lagokab Israel tugul che kimi Jordan bitonin eng’ emetab Amorik, ne mi Gilead, eng’ kenyisiek taman ak sisiit.

KIRUOGIK 2:18

Ak kingong’eetyi Jehovah kiruogik, ko kimi Jehovah koboto kiruogindet, ak kosor ichek eng’ eunekab bunikwak eng’ betusiek tugul che bo kiruogindonoto: kirire Jehovah amu tigenenywa amu ichek che kiinyalili ichek ak koiimi.

KIRUOGIK 3:27

Ak kingoit, koguut igondit eng’ emetab tulonok ne bo Epraim, ak kichortagei lagokab Israel koboto inendet eng’ emetab tulonok, ak kiindoe ichek.

KIRUOGIK 6:34

Ago kinyonji Tamirmirietab Jehovah Gideon; ak kiguut igondit; ak kiiyumgei Abiesrik kosub inendet.

KIRUOGIK 6:9

ak kiatiachak eng’ eutab Misrik, ak eng’ eutab tugul che kiinyalilak, ak kiaon ichek koba eng’ taing’wong’, ak agonok emenywa;

1 SAMUEL 10:18

ak kilenji lagokab Israel, Kamwa ko u ni Jehovah Kamuktaindetab Israel, kole, Kiamutu Israel kotogos eng’ Misri, ak kiasoruok eng’ eunekab Misrik, ak eng’ eunekab bororiosiek tugul che kiusok: