KAITOSYEK 10:29 - BUKUIT NE TILIL

²⁹ Ak kilenji Musa Hobab, weritab Reuel Midianindet, kabyugoitab Musa, Kibendi ole kiarorwech Jehovah, kole, Agonok. Ongebe tugul, ak kiyaun ne mie; amu kigomwa ne mie Jehovah agobo Israel.

Bukuit Ne Tilil

²⁹ Ki leenji `Musa Hobap weeriitap Reuel Midianindet, kapyugoinnyi, “Kibendi ole ki iarorwech Kamuktaindet ne Toroor kole, ‘Agoonok.’ Ongebe tugul ak kiyaun ne myee, amu ki komwa ne myee Kamuktaindet ne Toroor agobo Israel.”

BUKUIT NE TILIIL Sireet ne Dutero Kanon

²⁹ Ki leenji `Musa Hobap weeriitap Reuel Midianindet, kapyugoinnyi, “Kibendi ole ki iarorwech Kamuktaindet ne Toroor kole, ‘Agoonok.’ Ongebe tugul ak kiyaun ne myee, amu ki komwa ne myee Kamuktaindet ne Toroor agobo Israel.”

KAITOSYEK 10:29 ပူးပေါင်းရင်းမြစ်များ

TAUNET 12:7

Ak kimong’ji Jehovah Abram, ak kolenji, Agochini iyoteng’ung’ emoni: ak kiteekyi kaptisisiet Jehovah, ne kimong’ji inendet.

TAUNET 13:15

amu agonin emet tugul ne igeere koboto iyoteng’ung’ koigeny.

TAUNET 15:18

Ak kiiyomisgei Jehovah betunoto ak Abram, kole, Kiagochi iyoteng’ung’ emoni, koboch ainetab Misri agoi ainet ne o, ne kiguure Euprate:

TAUNET 17:8

Ak agonin emoni iwendote, inye koboto lagoguk che biitu let eng’ inye, agot emet komugul ne bo Kanan, kobunjok koigeny; ak aegu Kamuktaindenywa.

TAUNET 32:12

Ak kiimwa ile, Ayaun ne mie iman, ak ayae iyoteng’ung’ kochang’ait ko u ng’aniekab nyanjet che maiitoksei amu chang’.

TIENWOGIKAL 100:1

Otienji Jehovah eng’ kutitab boiboiyet, okwek emotinwek tugul.

TIENWOGIKAL 34:8

Ee, ochamjam anyun si onai ole mie Jehovah: Baibai mising’ chito ne imang’u inendet!

TIENWOGIKAL 95:1

Obwa, ongetienji Jehovah: Ongetienji ruandetab yetunennyo eng’ kutitab boiboiyet.

KOMONG'U 18:1

Kigas anyun Jetro, tisiindetab Midian, kabyugoitab Musa, tugul che kigoyachi Kamuktaindet Musa, ak bikyik Israel, ole kiimutunda Jehovah Israel komong’une Misri.

KOMONG'U 18:12

Kinam anyun Jetro kabyugoitab Musa kagochinet ne kibeelei ak tiseiywek koeng’ji Kamuktaindet: ak kinyo Aron, koboto boisiek tugul che bo Israel, koamis ak kabyugoitab Musa eng’ taitab Kamuktaindet.

KOMONG'U 18:27

Ak kichamji Musa kabyugoinnyi kwo; ak kiwa anyun bandanyi agoi emennyi.

KOMONG'U 2:18

Ak ye kingoit ole mi kwandanywa Reuel, kolenji, Ngosib oweeige rani?

KOMONG'U 2:21

Ak kicham Musa kotebi ak chichoto: ak kiigochi cheptanyi Sipora kotun.

KOMONG'U 3:1

Ak kiiyagi Musa akwetab kechirek che bo kabyugoinnyi Jetro, tisiindetab Midian: ak kikweri akwet koba ong’atet komosin, ak kiit tulwetab Kamuktaindet, ne kiguure Horeb.

KOMONG'U 3:8

kachoruge anyun si kobiit asor ichek eng’ eunekab Misrik, ak amutu ichek kotogos komong’ eng’ emonoto koba emet ne mie ne baraa, emet ne nyiitat chego ak kumik; oldab Kananik, Hitik, Amorik, Perisik, Hibik, ak Jebusik.

KOMONG'U 6:4

Ak kiagimit kayomisennyu koboto ichek, ale agochi emetab Kanan, emetab rutoitonywa, ole kirutoote.

ISAIAH 2:3

Ak tun itendenjin oloto bik che chang’ kolen, Obwa, kebe ketogoste tulwetab Jehovah, agoi gotab Kamuktaindetab Jakobo; si konetech ortinwekyik, si kebendate ortinwekyik: amu mong’une ng’atutik Sion, ak komong’une ng’olyotab Jehovah Jerusalem.

JEREMIA 50:5

Teeboti agobo ole teptoi Sion kotokyigei oloto, kolen, Obwa, ak onamge ak Jehovah eng’ kayomiset ne bo koigeny ne magiutie.

KAITOSYEK 10:28

Ki u noto banwekab lagokab Israel ko u lugosiekwak; ak kiiyaptogei.

KAITOSYEK 23:19

Ma chito Kamuktaindet, kot komwa lembech; Anan weritab chi, kot kosik: Tos kagomwa, ak mayaei? Anan kagomwa, ama yaei kosulda?

POISYONIGAP CHE KIYOKTOI 7:5

ak kima igochi inendet borotet eng’ oloto, acha, agot ole indoi keldanyi: ak kiiarorji kole, tun igochin inendet ak iyotennyi eng’ let, ye kitom kosich lakwa.

NG'ATUTIK 30:5

ak komutyin Jehovah Kamuktaindeng’ung’ emet ne ki bo kwanisieguk, si kobunjin; ak koyaun ne mie, kotesin ichang’itu isiir kwanisieguk.

NG'ATUTIK 4:40

Ak kirib anyun konetisiosiekyik ak ng’atutikyik che kang’atin rani, si komieit eng’ inye, koboto lagoguk che biitu let, ak kochang’ait betusieguk eng’ emet ne konin Jehovah Kamuktaindeng’ung’, koigeny.

TITO 1:2

eng’ kamang’unet ne bo sobondab koigeny, ne kiiyomis Jehovah, ne maimuchi kolembechan, koboch kenyisiek che bo koigeny;

HEBRANIK 6:18

si eng’ tuguk aeng’ che ma walaksei, che ma imugaksei eng’ Jehovah komwa lembech eng’ choto, kimuch anyun kenyoru kagaigaet ne kim, achek che kigemwechi toretet si kenam kamang’unet ne kiginde tainnyo;

NG'ANG'UTYET 22:17

Ak mwaei Tamirmiriet ak mureret kole, Nyo. Ak inendet ne kasei, komwa kole, Nyo. Ak inendet ne amei melelda, konyo; ak inendet ne machei, koib beekab sobon buch.

KIRUOGIK 1:16

Ak kitogosta lagokab Kenindet, kabyugoitab Musa, komanda eng’ nganaset ne bo tironik koboto lagokab Juda koba ong’atetab Juda, ne mi Murot ne bo Tai ne bo Arad; ak kiba komeny ak bichoto.

KIRUOGIK 4:11

Kiga kotabanegei Heber Kenindet Kenik, eng’ lagokab Hobab kabyugoitab Musa, kwo koteech emainnyi eng’ ole mi ketit eng’ Saananim, ne negite Kedes.

1 SAMUEL 15:6

Ak kimwachi Saul Kenik, kolenji, Oba oistege, ochortege oistoege Amalegik, si mabarak koboto ichek: amu kiorire lagok tugul che bo Israel, ye kitogosu komong’u eng’ Misri. Koistogei anyun Kenik eng’ Amalegik.