KAITOSYEK 10:10 - BUKUIT NE TILIL

¹⁰ Ak eng’ betut ne bo kagaseng’wong’ bo ge, ak eng’ igorwekwok che kiging’at, ak ye leeldos arawekwok, oguut anyun igondisiek eng’ baragutab kagochinoikwok che kibeelei, ak eng’ baragutab tiseiywek che bo kagochinoikwok che bo kalyet; ak egu kabwatet eng’ okwek eng’ taitab Kamuktaindeng’wong’: a Jehovah Kamuktaindeng’wong’.

Bukuit Ne Tilil

¹⁰ Eng' peetuut ne po kaagaaseng'wong' po kei ak eng' igoorwekwok che ki king'at, ye leeldos arawekwok oguut anyun igondisyek eng' paragutap kagoochinoikwok che kibeelei ak eng' paragutap tiseiywek che po kagoochinoikwok che po kaalyeet. Egu chooto kabwaatet eng' okweek eng' taitap Kamuktaindeng'wong'. Aa Kamuktaindet ne Toroor Kamuktaindeng'wong'.”

BUKUIT NE TILIIL Sireet ne Dutero Kanon

¹⁰ Eng' peetuut ne po kaagaaseng'wong' po kei ak eng' igoorwekwok che ki king'at, ye leeldos arawekwok oguut anyun igondisyek eng' paragutap kagoochinoikwok che kibeelei ak eng' paragutap tiseiywek che po kagoochinoikwok che po kaalyeet. Egu chooto kabwaatet eng' okweek eng' taitap Kamuktaindeng'wong'. Aa Kamuktaindet ne Toroor Kamuktaindeng'wong'.”

KAITOSYEK 10:10 ပူးပေါင်းရင်းမြစ်များ

2 LAITORINIK 4:23

Ak kile manong’otiondennyi, Amu nee si iwe ole mi inendet ra? Ama betut ne kaleel arawet, anan ko sabato. Ak kile, Ma ya.

1 ATEPTAP PEETUUSYEK 15:24

Ak kiguut iriagok eng’ taitab moingetab Kamuktaindet, Sebania, ak Josapat, ak Netanel, Amasai, Sekaria, Benaia, ak Elieser, tisiik: ak ki ribikab kurgetab ole kimi moinget, Obed-edom ak Jeia.

1 ATEPTAP PEETUUSYEK 15:28

Koib anyun Israel tugul moingetab arorutietab Jehovah kotogos kobolyonu kogasonugei, ak koguutonu iriagok, ak kobironu sanisiek che bo sugunonik, ak kobutonu kibugandinik ak ketubosiek.

1 ATEPTAP PEETUUSYEK 16:42

ak kimi koboto ichek Heman ak Jedutun che kitinyei iriagok ak sanisiek che bo sugunonik che kibirei, che bo ichek che birei kocheiyo mising’, ak tuguk che kibutei che bo tienwogikab Kamuktaindet: ak kotebe werikab Jedutun ormarich.

2 ATEPTAP PEETUUSYEK 29:26

Ak kitononso Lawik kotinyei kibugandinikab Daudi, kotinyei tisiik iriagok.

2 ATEPTAP PEETUUSYEK 29:28

Ak kiing’urukso tuiyet tugul, ak kotienso tienik, ak koguut iriagok bik che kuutei; kiyai ko u noto agoi kogesgei kagochinet ne kigibeelei.

2 ATEPTAP PEETUUSYEK 7:6

Ak kitononso tisiik kobee boisionikwak; koboto Lawik che kitinyei kibungandinikab tienwogik che bo Jehovah, che kiga koyai Daudi laitoriat che kimwachine kongoi Jehovah, amu bo koigeny rirenennyi, ye kiilosu Daudi eng’ otisienywa: ak kiguutei iriagok tisiik eng’ tainywa; ak kitononso Israel tugul.

EZRAH 3:10

Ak kingolumda teegik lumeiywotab hekalutab Jehovah, konde tisiik kolos Jehovah kolaachi ngoroikwak che bo tiseinatet, kotinyei iriagok, koboto Lawik werikab Asap che kitinyei sanisiekab sugunonik che kibirei, ko u ng’atutietab Daudi laitoriatab Israel.

NEEMIA 12:35

ak alak eng’ werikab tisiik kotinyei iriagok, choto ko Sekaria weritab Jonatan, weritab Semaia, weritab Matania, weritab Mikaia, weritab Sakur, weritab Asap;

TIENWOGIKAL 150:3

Olosu inendet eng’ cheetab iriaget: Olosu inendet eng’ kibugandet ak ketubet.

TIENWOGIKAL 81:3

Oguut iriaget ko kaleel arawet, Ye kagoeet arawet, eng’ betunnyo ne bo igorta ne o.

TIENWOGIKAL 81:4

Amu ng’atutiet nito eng’ Israel, Kiruogetab Kamuktaindet ne bo Jakobo.

TIENWOGIKAL 89:15

Boiboen bik che ingen tiendab boiboiyet: Bendote ichek lapkeiyetab togeng’ung’, ee Jehovah.

KOMONG'U 28:29

si koibei Aron kainaikab lagokab Israel eng’ ngorionoto bo teget ne bo kiruoget eng’ muguleldanyi, ye mandoi ole tilil, koek kabwatet eng’ taitab Jehovah kotugul.

KOMONG'U 30:16

Ak itaach feda che bo kagaigaet eng’ lagokab Israel, ak igoite kobunji boisietab emaitab tuiyet; si koek kabwatet agobo lagokab Israel eng’ taitab Jehovah, si koyai kagaigaet agobo sobonwekwok.

ISAIAH 27:13

Ak tun kiguutei iriaget ne o eng’ betunoto; ak tun bwanei che ki negit kolusyo eng’ emetab Asuria, koboto che kigetimda eng’ emetab Misri; ak tun ilosu Jehovah eng’ tulwet ne tilil eng’ Jerusalem.

ATEPTAP LAWIK 23:24

Mwachi lagokab Israel, ilenji, Egu kamuung’et eng’ okwek, eng’ arawetab tisab, eng’ betut ne bo tai ne bo arawanato, kabwatet ne bo kuutetab iriagok, kayumetab ge ne itabanat.

KAITOSYEK 10:9

Ak ye obendi luget eng’ emeng’wong’, obendi obaregei ak bunyot ne usok, oguut anyun igondisiechoto bo waagat; ak kibwatak eng’ taitab Jehovah Kamuktaindeng’wong’, ak kesoruok eng’ bunikwok.

KAITOSYEK 28:11

Ak eng’ taunaikab arawekwok, ogochini kagochinet ne kibeelei, kirugik aeng’ che mengechen, ak mengit agenge, arek tisab che mengichik che libwoben, che masiirei kenyit agenge.

KAITOSYEK 29:1

Ak onyoru kayumetab ge ne itabanat eng’ arawet ne bo tisab, eng’ betut ne bo tai eng’ arawanato; amoyai boit age tugul ne bo otwoknot: egu betut ne kiguutei igondisiek eng’ okwek.

MATAYO 11:28

Obwanja, okwek tugul che oiimige, ak che olae tuguk che nyigisen, si amuung’wok.

POISYONIGAP CHE KIYOKTOI 10:4

Ak kingogeer inendet mising’ eng’ kaiyweisiet, kole, Tos nee, Kiptaiyandani? Kolenji, Kigoit barak sautiguk ak kagochinoiguk koek kabwatet eng’ taitab Jehovah.

1 KORINTOEK 15:52

eng’ ne matia, eng’ kamismisetab konda, eng’ iriaget ne bo let: amu cheei iriaget, si king’eet che kigobek ko ma kotinyei nunet, ak kewalech.

1 THESSALONIKEK 4:16

Amu chorugei Kiptaiyat inendet eng’ kipsengwet, koboto twegunet ne o, ak kutitab malaikaiyat ne o, ak iriagetab Jehovah: ak isib kong’eetos che kibek eng’ Kristo:

1 THESSALONIKEK 4:18

Noto anyun ogaigaige okwege eng’ ng’alechuto.

JOSHUA 4:7

Olenji anyun, Amu kipcheigei beekab Jordan eng’ taitab moingetab arorutiet ne bo Jehovah: ye kilong’une moingonoto Jordan, kotononso beekab Jordan kototen: koek koichu anyun kabwatet eng’ lagokab Israel koigeny.

JOSHUA 6:4

Ak koib tisiik tisabu igondisiek tisab che bo kuinoikab mengichik eng’ taitab moinget: ak eng’ betut ne bo tisab oyiem nganaset konyil tisab, koguut tisiik igondisiek.

NG'ANG'UTYET 22:17

Ak mwaei Tamirmiriet ak mureret kole, Nyo. Ak inendet ne kasei, komwa kole, Nyo. Ak inendet ne amei melelda, konyo; ak inendet ne machei, koib beekab sobon buch.

1 SAMUEL 20:5

Ak kilenji Daudi Jonatan, Keero, leelei arawet mutai, ak kama kota nyoljina atebi, ama kitebi ak laitoriat mutai eng’ amisiet: ago chamwa awa, si awa aung’ge eng’ timin agoi betutab somok koskoleny.