JOSHUA 8:35 - BUKUIT NE TILIL

³⁵ Mami ng’olyo eng’ ng’alek tugul che king’at Musa ne ma soman Josua eng’ taitab tuiyet tugul ne bo Israel, komi kwonyik, ak lagok, ak toek che kimi kwenunywa.

Bukuit Ne Tilil

³⁵ Ma mi ng'olyoo eng' ng'aleek tugul che ki ng'at Musa ne masoman Joshua eng' taitap tuiyet tugul ne po Israel, komi kwonyiik, lagok ak toek che ki mi kwenunnywa.

BUKUIT NE TILIIL Sireet ne Dutero Kanon

³⁵ Ma mi ng'olyoo eng' ng'aleek tugul che ki ng'at Musa ne masoman Joshua eng' taitap tuiyet tugul ne po Israel, komi kwonyiik, lagok ak toek che ki mi kwenunnywa.

JOSHUA 8:35 ပူးပေါင်းရင်းမြစ်များ

EZRAH 10:1

Ak ye kita kosaei Esra, ak kong’anyei chalwogik, ak korirei ak kowirjingei ng’ony eng’ taitab gotab Kamuktaindet, koyumjigei inendet tuiyet ne o mising’ ne kibunu Israel, ne bo murenik ak kwonyik ak lagok: amu kiririo bik eng’ ng’wanindo.

NEEMIA 8:2

Kiib anyun Esra tisiindet Ng’atutik kobwa taitab tuiyet, murenik ak kwonyik, koboto bik tugul che kiimuchi kogas ak koguiyo, eng’ betut ne bo tai ne bo arawetab tisab.

NEEMIA 8:3

Ak kisoman Ng’atutichoto eng’ taitab komosta ne baraa ne kimitei taitab ormarichetab beek, koboch karon agoi bet kwen, eng’ taitab murenik ak kwonyik, koboto che kiimuchi koguiyo; ak kiepchi it anyun bik tugul bukuitab Ng’atutik.

KOMONG'U 12:38

Kiba koboto icheget tuiyet ne o ne bo bik alak tugul che terotin; koboto kechirek, ak tuga che chang’.

JEREMIA 26:2

Kamwa Jehovah ko u ni kole: Tonon eng’ seremutab gotab Jehovah, ak ing’alalji nganasok tugul che bo Juda, che cham kobwanei kolosu eng’ gotab Jehovah, mwachi ng’alek tugul che ang’atin; imwachi; ametuuch ng’olyo.

JOEL 2:16

oyum bik, oanyiny tuiyet, oyum boisiek, oyum lagok, koboto che chuchuni: ingomong’ sandet eng’ gonnyi ne bo orit, ak ingomong’ agine mureret eng’ gonnyi.

SEKARIA 8:23

Mwaei Jehovah ne bo lugosiek ko u ni kole: Tun namei bik tamanu eng’ betusiechoto, che bunu kutuswek tugul che bo bororiosiek, ngorietab Yahudiot, kolenji, Kibendi tugul koboten, amu kigegas kele mi Kamuktaindet kobotok.

MARIKO 10:14

Ago ye kingogeer Jesu, konyit, ak kolenji ichek, Ochamji lagok che mengech kobwanja; amoete ichek: amu bo bounatetab Jehovah che u chu.

POISYONIGAP CHE KIYOKTOI 20:27

Amu ma ariny amwawok magutik tugul che bo Jehovah.

POISYONIGAP CHE KIYOKTOI 21:5

Ak kingo kagigesu betusiechoto, kebe bandanyo; ak kiiyomisech ichek tugul koboto osotik ak lagok, agoi kemande eng’ nganaset: ak kegutung’se eng’ ngegut, kesa

NG'ATUTIK 29:10

Otonondosi ra okwek tugul eng’ taitab Jehovah Kamuktaindeng’ung’; bounikwok, ortinwekwok, boisiekwok, ak kiptainikwok, agot murenik tugul che bo Israel,

NG'ATUTIK 29:11

lagokwok, osotikwok, ak toondeng’ung’ ne mitei nganasoguk, koboch ne murmuri kweniguk agoi ne siilei beeguk.

NG'ATUTIK 29:9

Orib anyun ng’alekab kayomisoni, ak oyai, si kiberurok eng’ tugul che oyae.

NG'ATUTIK 31:12

Iyum bik, murenik, gotab kor ak lagok, ak toondeng’ung’ ne mi kurgotiguk, si kobiit kogas, ak konetgei, ak koiywei Jehovah Kamuktindeng’wong’, ak korib koyai ng’alek tugul che bo ng’atutioni;

NG'ATUTIK 4:2

Amotesyi kiy ng’olyot ne ang’atok, anan ochuchuch alak, si kobiit orib ng’atutikab Jehovah Kamuktindeng’wong’ che ang’atok.