JOSHUA 8:33 - BUKUIT NE TILIL

³³ Ak kitononso Israel tugul ak boisiekwak, ak kiptainikwak, ak kiruogikwak, eng’ moinget komosi ak komosi eng’ taitab tisiik Lawik, che ibei moingetab arorutietab Jehovah, koboto toondet ak ne kigisikyi ga; kimi kebeber taitab tulwetab Gerisim, komi kebeber taitab tulwetab Ebal; ko u ye kiga ng’at Musa otwogindetab Jehovah, kole kiberuri bikab Israel korok.

Bukuit Ne Tilil

³³ Kitononso Israel tugul, ne toondet ak ne ki kisikyi kaa, kobooto poisyekwak ak kiptainikwak ak kirwoogikwak, eng' moinget komosi ak komosi eng' taitap tisiik Lawiik, kotoorchindos ak che ibei moingetap arorutyetap Kamuktaindet ne Toroor. Ki imii kebeber taitap tulweetap Gerizim, komi kebeber taitap tulweetap Ebal, ko uu ye ki kang'at Musa otwogindetap Kamuktaindet ne Toroor korook, kole kiberuure piigap Israel.

BUKUIT NE TILIIL Sireet ne Dutero Kanon

³³ Kitononso Israel tugul, ne toondet ak ne ki kisikyi kaa, kobooto poisyekwak ak kiptainikwak ak kirwoogikwak, eng' moinget komosi ak komosi eng' taitap tisiik Lawiik, kotoorchindos ak che ibei moingetap arorutyetap Kamuktaindet ne Toroor. Ki imii kebeber taitap tulweetap Gerizim, komi kebeber taitap tulweetap Ebal, ko uu ye ki kang'at Musa otwogindetap Kamuktaindet ne Toroor korook, kole kiberuure piigap Israel.

JOSHUA 8:33 ပူးပေါင်းရင်းမြစ်များ

KOMONG'U 12:49

Mi ng’atutiet agenge eng’ ne kigisikyin emeng’wong’, ak toondet ne rutochinok.

ATEPTAP LAWIK 24:22

Egu agenge ng’atutieng’wong’, kergeitu ne bunotyo ak ne salwok: amu a Jehovah Kamuktaindeng’wong’.

KAITOSYEK 15:15

Agenge ng’atutiet ne bo tuiyet eng’ okwek, ak eng’ kipsagarindet ne meng’isiei kobotok, ng’atutiet ne tebyei agoi eng’ ibinwekwok tugul: ko u ole oteptoi eng’ taitab Jehovah, kotebyei ko u noto agine kipsagarindet.

KAITOSYEK 15:16

Egu ng’atutiet agenge ak kiruoget agenge eng’ okwek, ak eng’ kipsagarindet ne mi kobotok.

KAITOSYEK 15:29

Egu ng’atutiet agenge eng’ okwek ne bo chito ne kalel kiy age tugul amaingen, eng’ inendet ne bo lagokab Israel, ak ne bo kipsagarindet ne meng’isiei eng’ kwenunywa.

JOHANA 4:20

Kisaei kwanisiekyok eng’ tulwoni; ak olen okwek, Jerusalem ole kanyol kosae bik.

NG'ATUTIK 11:29

Ak ye tun kagoitin Jehovah Kamuktaindeng’ung’ emet ne iname kobunjin, inde kaberuret tulwetab Gerisim, ak inde chubisiet tulwetab Ebal.

NG'ATUTIK 31:12

Iyum bik, murenik, gotab kor ak lagok, ak toondeng’ung’ ne mi kurgotiguk, si kobiit kogas, ak konetgei, ak koiywei Jehovah Kamuktindeng’wong’, ak korib koyai ng’alek tugul che bo ng’atutioni;

NG'ATUTIK 31:25

kong’at Musa Lawik che kiibei moingetab arorutietab Jehovah, kolenji,

NG'ATUTIK 31:9

Kisir anyun Musa ng’atutioni, ak kogochi tisiik werikab Lawik, che kiibei moinget ne bo arorutietab Jehovah, ak boisiek tugul che bo Israel.

JOSHUA 23:2

koguur anyun Josua Israel tugul, boisiekwak ak kandoikwak, ak kiruogikwak ak kiptainikwak, ak kolenji ichek, Kaaositu, kigochang’it kenyisiekyuk;

JOSHUA 24:1

Kiiyum anyun Josua bororiosiek tugul che bo Israel koba Sekem, ak kiguur boisiekab Israel, ak bounikwak, ak kiruogikwak, ak kiptainikwak; ak kitononso eng’ taitab Kamuktaindet.

JOSHUA 3:14

Ak ye kingong’eetyo bik eng’ emaisiekwak, koba kolandae Jordan, kondoe tisiik che ibei moingetab arorutiet;

JOSHUA 3:3

ak kong’at bik, kolenji, Ye ogeer moingetab arorutietab Jehovah Kamuktaindeng’wong’, ak tisiik Lawik koibei, ong’eetye anyun eng’ ole omi, ak osub.

JOSHUA 3:6

Ak king’alalji Josua tisiik kolenji, Oganab moingetab arorutiet, ak oib olande ondoe bik. Koib anyun moingetab arorutiet, ak koba kondoe bik.

JOSHUA 4:10

Amu kitonone kwenutab Jordan tisiik che kiibei moinget, agoi kobata tuguk tugul che king’at Jehovah Josua komwachi bik, ko u tugul che king’at Musa Josua: ak kiigirgir bik kolanda.

JOSHUA 4:18

Ak kingotogos tisiik che kiibei moingetab arorutietab Jehovah eng’ Jordan, ak ye kingotiech tisiik emet ne yaamat, kowekyigei beekab Jordan komostanywa, ak kosiir ngegusiekyik tugul ko u eng’ tai.

JOSHUA 6:6

Koguur anyun Josua weritab Nun tisiik kolenji, Oib moingetab arorutiet, ak ingoib tisiik tisabu igondisiek tisab che bo kuinoikab mengichik kondoe moingetab Jehovah.