JOSHUA 6:19 - BUKUIT NE TILIL

¹⁹ Ago fedaisiek tugul, ak tahabu tugul, ak tuguk tugul che bo sugunonik, ak che bo karik, ko kigitabanji Jehovah: kiibu choto kobwa ole kigonore tugukab Jehovah.

Bukuit Ne Tilil

¹⁹ Ago fedhaisyek, thahabu tugul ak tuguuk tugul che po sugunonik ak che po kariik ko kitabaanjin Kamuktaindet ne Toroor, ak keipu chooto kobwa ole kigonoree tuguugap Kamuktaindet ne Toroor.”

BUKUIT NE TILIIL Sireet ne Dutero Kanon

¹⁹ Ago fedhaisyek, thahabu tugul ak tuguuk tugul che po sugunonik ak che po kariik ko kitabaanjin Kamuktaindet ne Toroor, ak keipu chooto kobwa ole kigonoree tuguugap Kamuktaindet ne Toroor.”

JOSHUA 6:19 ပူးပေါင်းရင်းမြစ်များ

2 SAMUEL 8:11

kiitabanji Daudi Jehovah tuguchuto agichek, koboto feda ak tahabu che kiga kotaban eng’ bororiosiek tugul che kiga koterter;

1 LAITORINIK 14:26

ak kiib konoraikab gotab Jehovah, koboto konoraikab gotab laitoriat; kiib tugul: ak kiib long’onik tugul che bo tahabu che kiyai Solomon.

1 LAITORINIK 7:51

Kiigesgei anyun boisiet tugul ne kiyai laitoriat Solomon eng’ gotab Jehovah. Ak kiib Solomon tuguk che kiga kotaban Daudi kwandanyi, kobwa go, feda ak tahabu, ak tuguk che kiboisie, ak konde ole kindoi konoraik eng’ gotab Jehovah.

2 LAITORINIK 24:13

Ak kiib eng’ yoto konoraik tugul che bo gotab Jehovah, ak konoraikab gotab laitoriat, ak kotuatui terenik tugul che bo tahabu komengegitu che kiga yai Solomon laitoriatab Israel eng’ hekalutab Jehovah, ko u ye kiga mwa Jehovah.

1 ATEPTAP PEETUUSYEK 18:11

Kiitabanji Daudi Jehovah tuguchuto agichek, koboto feda ak tahabu che kiibune bororiosiek tugul; eng’ Edom, ak eng’ Moab, ak eng’ lagokab Amon, ak eng’ Pilistik, ak eng’ Amalek.

1 ATEPTAP PEETUUSYEK 26:20

Ak eng’ Lawik, ko kiribei Aija tuguk che bo ole kigonore tuguk che bo gotab Kamuktaindet, koboto ole kigonore tuguk che itabanotin.

1 ATEPTAP PEETUUSYEK 26:26

Kibou Selomotinito ak tupchosiekyik komoswek tugul ole kigonore tuguk che itabanotin, che kiga kotaban laitoriat Daudi, koboto kandoikab gorikab kwanisiek, ak kiptainikab elfusiek, ak che bo bogolwogik, ak kiptainikab luget.

1 ATEPTAP PEETUUSYEK 26:27

Kiitaban che bo barunenik tuguk che kigibaru eng’ lugosiek, si keteege ole kigobutok eng’ gotab Jehovah.

1 ATEPTAP PEETUUSYEK 26:28

Kibou Selomot ak tupchosiekyik tuguk tugul che kiga kotaban Samuel keerindet, ak Saul weritab Kis, ak Abner weritab Ner, ak Joab weritab Seruia, koboto kiy age tugul ne kiga kotaban chi age tugul.

1 ATEPTAP PEETUUSYEK 28:12

ak kergeindab tuguk tugul che kiiborji Tamirmiriet, agobo seremusiekab gotab Jehovah, ak gorik tugul che kigiyieme, che bo ole kigonorisie eng’ gotab Kamuktaindet, koboto che bo ole kigonore tuguk che itabanotin:

2 ATEPTAP PEETUUSYEK 15:18

Ak kiib tuguk che kiga taban kwandanyi, kobwa gotab Kamuktaindet, ak che kiga kotaban inendet, feda, ak tahabu, ak terenik.

2 ATEPTAP PEETUUSYEK 31:12

Koib anyun kobwa go eng’ kayanet, kagochinoik ak kebeberwekab taman, ak tuguk che itabanotin: ak ki bounindet Konania Lawindet ne kibou ichek, ak ki ne bo aeng’ Semei ng’etab kamet.

NEEMIA 10:38

Ak mitei tisiindet weritab Aron koboto Lawik, ye iyumi Lawik kebeberwekab taman: ak koib Lawik kebebertab taman ne bo kebeberwekab taman kobwa gotab Kamuktaindennyo agoi gorik che bo orit, got ne kigonore tuguk.

JEREMIA 38:11

Komut anyun Ebed-melek bik, ak kwo gotab laitoriat ne mi kureretab ole kigonore tuguk, ak kiinem surainik che kigoosegitu che kigelakta ak mararenik che kigoyaagitu, ak kochoortae rogoonik koba keringet ole mi Jeremia.

ATEPTAP LAWIK 19:24

Ago kianyinyi logoekwak tugul eng’ kenyit ne bo ang’wan, si kobiit kilosune Jehovah.

MIKAH 4:13

Ng’eet ak ibor, ee cheptab Sion: amu ayae kuineng’ung’ koek karnet, ak ayae sioguk koek sugunwet: ak itonaton bororiosiek che chang’: ak itabanji Jehovah kelunoikwak, ak itabanji tugukwak Kiptaiyat ne bo ng’ony komugul.

KAITOSYEK 31:11

Ak kiib tuguk tugul, ak tugul che kigiluul, eng’ bik ak eng’ che kiyai.

KAITOSYEK 31:12

Ak kiimut luulenik, ak akwotisiek, ak tugukwak, kobwa ole mi Musa, ak Eleasar tisiindet, ak tuiyetab lagokab Israel, agoi nganaset ne mitei warengetab Moab, ne mi ole negite Jordan eng’ Jeriko.

KAITOSYEK 31:22

ago tahabu, feda, sugunonik, karik, kibatinik, ak ngosielait,

MATAYO 27:6

Ak kinam tisiik che eechen fedaisiek, ak kole, Ma chamdaat eng’ ng’atutiet kinde chu ole kiyumjin tuguk che kigoitoi, amu bo alyetab korotik.

MARIKO 12:41

Ak kiteb ng’ony kotokyigei ole kiyumjin tuguk che kigoitoi, kogeer ole indoitoi tuiyet sendeisiek ole kiyumjin: ak kiinde magorek alak sendeisiek che chang’.

JOSHUA 7:11

Kogoyai Israel tengekto; ee, kogobistoe kayomisennyu ne kiga ang’at: ee, kogoib tuguk eng’ che itabanotin; ak kogochorso, ak koberberis, ak kogonde ole mi tugukwak.