JOSHUA 24:20 - BUKUIT NE TILIL

²⁰ Ngot omete Jehovah ak oot kanamonik che too, koweeksei anyun ak koyaiywok ne ya, ak kogeswok, ago kiga koyaiywok ne mie.

Bukuit Ne Tilil

²⁰ Ngot omete Kamuktaindet ne Toroor ak oot kamuktaik che too, koweeksei anyun ak koyaiywok ne ya ak kogeswok, ago kiga koyaiywok ne myee.”

BUKUIT NE TILIIL Sireet ne Dutero Kanon

²⁰ Ngot omete Kamuktaindet ne Toroor ak oot kamuktaik che too, koweeksei anyun ak koyaiywok ne ya ak kogeswok, ago kiga koyaiywok ne myee.”

JOSHUA 24:20 ပူးပေါင်းရင်းမြစ်များ

1 ATEPTAP PEETUUSYEK 28:8

Ara anyun, orib ak ocheng’ ng’atutik tugul che bo Jehovah Kamuktaindeng’wong’, eng’ taitab Israel tugul, tuiyetab Jehovah, kogasei Kamuktaindennyo: si kobunjok emoni kararan, ak obagakyi lagokwok koek borotenywa koigeny.

1 ATEPTAP PEETUUSYEK 28:9

Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

2 ATEPTAP PEETUUSYEK 15:2

ak kiwa kotorokta Asa, kolenji, Ogasa okwek, inye Asa ak Juda tugul ak Benjamin: mi Jehovah kobotok, ye otebye ak inendet; ak ngot ocheng’ inendet, onyoru; ago ngot omete inendet, kometok.

EZRAH 8:22

Amu kialilan asom laitoriat kweanet ne bo askarik, ak bik che lanyei mbartanyisiek si kotoretech kegirinde bunik che mi oret: amu kiga kemwachi laitoriat, kelenji, Mi eutab Kamuktaindennyo koboto ichek tugul che cheng’ei inendet, koyachi ne mie; ago kirindoi kimnatennyi ak nereknatennyi bik tugul che metoi inendet.

TIENWOGIKAL 89:31

Ngot kobut konetisiosiekyuk, Ak ngo marib ng’atutikyuk;

ISAIAH 1:28

Ago tun biitu ng’emisietab bistoik ak ne bo kiptengeginik eng’ betut agenge, ak tun kigesu che metoi Jehovah.

ISAIAH 63:10

Ago kiingelelso ak kogochi arogenet Tamirmiriennyi ne tilil: kigiwal anyun koek bunyondenywa, ak kobargei ak ichek.

JEREMIA 17:13

Ee Jehovah, inye ne i kamang’unetab Israel, ililandos ichek tugul che metoin; kisirei eng’ ng’ony ichek che istoenagei, amu kigometa Jehovah, kondametutab beek che soptos.

EZEKIEL 18:24

Ago ye week ne bo iman kometo imandanyi, ak koyai tengekto, ak koyai ko u tuguk tugul che kiwechei che yaei chito ne ya, ko tos sob? Magibwati agot agenge eng’ boisionikyik che bo iman che kigoyai: meei amu kachililutiennyi ne kigoyai, ak amu tengektanyi ne kigoyai.

POISYONIGAP CHE KIYOKTOI 7:42

Ago kiituktochi batai Jehovah ichek, ak kogoito ichek koot lugetab kipsengwet; ko u ye sirat eng’ bukuitab maotik, kele, Tos kiogona che kiyagi che kageeny ak tiseiywek Eng’ kenyisiek artam eng’ ong’atet, Ee gotab Israel?

NG'ATUTIK 4:25

Ye isich lagok, ak mochogoronik, ak koga omeny emet keny, ak ong’emgei, ak oyai kanamwet eng’ kergeindab kiy age tugul, ak oyai ne ya eng’ taitab Jehovah Kamuktaindeng’ung’, otach inendet;

NG'ATUTIK 4:26

kaguur kipsengwet ak ng’ony kobaorianjin betuni, ale osib olustosi owong’ugei eng’ emet ne obendi olandoe Jordan oname kobunjok; machang’aitu betusiekwok eng’ oloto, ago king’emok owong’ugei.

HEBRANIK 10:38

Ago sobei nenyu ne bo imanda eng’ kayanet, Ak ngot kochuchuigei ko mabaibaitu muguleldanyu eng’ inendet.

JOSHUA 24:21

Ak kilenji bik Josua, Achicha; kiboisiechini Jehovah.

1 SAMUEL 12:15

ago ngot ko mogas it kutitab Jehovah, ago ngot obistoe ng’atutietab Jehovah, konyalilok eutab Jehovah anyun, ko u ye kiinyalil kwanisiekwok.

1 SAMUEL 12:25

Ago ngot ko ta oyai yaitiet, kigeswok, okwek ak laitoriandeng’wong’.