JOSHUA 18:1 - BUKUIT NE TILIL

¹ Ak kiiyumgei tuiyet tugul ne bo lagokab Israel eng’ Silo, ak koteech eng’ oloto emait ne kituiyechin: ak kiga kiterter emonoto eng’ tainywa.

Bukuit Ne Tilil

¹ Ki iyumgei tuiyet tugul ne po piigap Israel eng' Shiloh ak koteech eng' olooto emait ne kituiyechin. Ki iterteerat anyun emonooto eng' tainnywa.

BUKUIT NE TILIIL Sireet ne Dutero Kanon

¹ Ki iyumgei tuiyet tugul ne po piigap Israel eng' Shiloh ak koteech eng' olooto emait ne kituiyechin. Ki iterteerat anyun emonooto eng' tainnywa.

JOSHUA 18:1 ပူးပေါင်းရင်းမြစ်များ

2 SAMUEL 7:6

Amu tom ameny go koboch betut ne kiamutu lagokab Israel eng’ Misri, agoi betuni, ago kiawendote emait ak gotab moinget.

1 LAITORINIK 14:2

Ak kilenji Jeroboam osotiondennyi, Asomin ale, ng’eet ak iwalge si ma kinain kele i osotiotab Jeroboam: ak iwe Silo; keero, mi oloto maotiot Aija, ne kimwa agobo ane kole aegu laitoriat abou bichu.

1 LAITORINIK 14:4

Ak kiyai ko u noto osotiotab Jeroboam, king’eet, kwo Silo, ak kiit gotab Aija. Kimata kogeerei kiy; amu kiga kogor eng’ osindanyi.

1 LAITORINIK 2:27

Koon anyun Solomon Abiatar si mata koek tisiindetab Jehovah; si kobiit kosulda ng’olyotab Jehovah, ne kimwa agobo gotab Eli eng’ Silo.

NEEMIA 9:24

Kiba anyun lagochato ak konam emet kobunji, ak iterter eng’ tainywa bikab emonoto, choto ko ki Kananik, ak inde ichek eunekwak, koboto laitorinikwak, ak bikab emet, si koyachi ichek ko u ye machei.

TIENWOGIKAL 78:60

Ak kimeto anyun hekalut ne kimi Silo, Emait ne kiinde kwenutab bik;

TIENWOGIKAL 78:66

Ak kibarat bunikyik koweektagei let: Ak kiigochi kolilanso agoi.

JEREMIA 26:6

ayae anyun goi koigei Silo, ak ayai nganasani koek ne sasei bororiosiek tugul che bo ng’ony.

JEREMIA 26:9

Amu nee si imaoten eng’ kainetab Jehovah, ile, Igeitu goi Silo, ak koek karatia nganasani, ama komenyei chi? Ak kiiyumjigei bik tugul Jeremia eng’ gotab Jehovah.

JEREMIA 41:5

kobwa bik alage kobunu Sekem, Silo, ak Samaria, bik tamanwogik sisiit, che kiga konem tamnokwak ak kogerer ngoroikwak, ko kagotilgei, ak koibu kagochinoik ak tuguk che nyamdut eng’ eunekwak, koibu kobwa gotab Jehovah.

KAITOSYEK 32:22

Ak kiterter emet eng’ taitab Jehovah: oweege anyun, ak oegu che matinyei tengek eng’ taitab Jehovah anan eng’ Israel; ak kobunjok emoni eng’ taitab Jehovah.

POISYONIGAP CHE KIYOKTOI 7:45

Ne kiib kwanisiekyok agichek eng’ betusiekwak, koboto Josua, ye kinamei Bororiosiek, che kion Jehovah eng’ taitab kwanisiekyok, agoi betusiekab Daudi;

JOSHUA 18:2

Ak king’et eng’ lagokab Israel bororiosiek tisab che kitom kopchei borotenywa.

JOSHUA 18:8

Ak king’eetyo bik ak koba: ak kiiyomis Josua bik che kiga ba kosir emet, kole, Oba obun emet, ak osir, si obwa kogeny ole ami, ak aserjinewok barbarek eng’ yu eng’ taitab Jehovah eng’ Silo.

JOSHUA 19:51

Chuto ko borotosiek che kipchei eng’ barbarek Eleasar tisiindet, ak Josua weritab Nun, koboto che eechen eng’ gorikab kwanisiek, che bo bororiosiekab lagokab Israel, kipchei eng’ Silo koek borotet eng’ taitab Jehovah, eng’ kurgetab emait ne kituiyechin. Kiiges anyun pcheetab emet.

JOSHUA 21:2

ak king’alalji ichek eng’ Silo eng’ emetab Kanan, kolenji, King’at Jehovah eng’ eutab Musa kole kegonech nganasok kemeny, koboto emotinwekwak ole agete tuga.

JOSHUA 22:12

Ak ye kingogas lagokab Israel kioto, koyumgei tuiyet komugul ne bo lagokab Israel eng’ Silo, kole koba kobargei ak bichoto.

JOSHUA 22:19

Ago, ngo maianyinyat emet ne neng’wong’, olande emet ne bo Jehovah, ole menyei gotab Jehovah, ak obwa onam emet eng’ kwenunnyo kobunjok: ago amat ongelelji Jehovah, anan ongeleljech, oteekyigei kaptisisiet age ne ma kaptisisietab Jehovah Kamuktaindennyo.

JOSHUA 22:9

Ak kiweek lagokab Reuben ak lagokab Gad ak kebebertab bororietab Manase, koba eng’ ole mi lagokab Israel komanda eng’ Silo, ne mi emetab Kanan, koba emetab Gilead, emet ne nenywa, ne kiga konam kobunji, ko u ng’atutietab Jehovah eng’ eutab Musa.

KIRUOGIK 18:31

Kilumda anyun kotonon kanamwet ne kigiwai ne bo Mika ne kiyaei inendet, eng’ betusiek tugul ye kimi gotab Kamuktaindet Silo.

KIRUOGIK 21:12

Ak kinyor eng’ bik che kimenyei Jabes-gilead bergeinik bogol ang’wan che neranik, che kitomo konai muren eng’ ruondo ne kiruiyo tuwai: ak kiimut ichek kobwa nganaset eng’ Silo, ne mi emetab Kanan.

KIRUOGIK 21:19

Ak kile, Ogeero, mitei igortab Jehovah eng’ kenyit age tugul eng’ Silo, ne mitei murot ne bo katam ne bo Bet-el, eng’ komostab kong’asis ne bo oret ne o ne togostoi eng’ Bet-el kowendi Sekem, ak eng’ murot ne bo tai ne bo Lebanon.

1 SAMUEL 1:24

Ak kingo kagoluge, komut, ak kikweri kirugik somok, ak epah agenge ne bo busiek, ak sotet agenge ne bo divaik, ak komut inendet kwo gotab Jehovah eng’ Silo: ak kita ko ming’in lakwanato.

1 SAMUEL 1:3

Ak kicham kotogostoi chichoto eng’ nganasennyi eng’ kenyit age tugul kowendi kosaei ak kogochin Jehovah ne bo lugosiek tiseiywek eng’ Silo. Ak kimi yoto werik aeng’ che bo Eli, Hopni ak Pineas, tisiikab Jehovah.