JOSHUA 17:4 - BUKUIT NE TILIL

⁴ Ak kibwa korik taitab Eleasar tisiindet, ak taitab Josua weritab Nun, ak taitab bounik, ak kolenji, King’at Jehovah Musa kogonech borotet eng’ kwenutab tupchosiekyok: kiigochi anyun borotet eng’ kwenutab tupchosiekab kwandanywa, ko u ng’atutietab Jehovah.

Bukuit Ne Tilil

⁴ Ki pwa icheek tait ne po Eleazar tisiindet, Joshua weeriitap Nun ak pounik, koleen, “Ki ng'at `Kamuktaindet ne Toroor Musa kogoonech poroteet eng' kwenutap tupchosyekyok.” Ara ko uu ng'atuutyetap Kamuktaindet ne Toroor, ko ki igoochi `Joshua icheek poroteet eng' kwenutap tupchosyegap kwandanywa.

BUKUIT NE TILIIL Sireet ne Dutero Kanon

⁴ Ki pwa icheek tait ne po Eleazar tisiindet, Joshua weeriitap Nun ak pounik, koleen, “Ki ng'at `Kamuktaindet ne Toroor Musa kogoonech poroteet eng' kwenutap tupchosyekyok.” Ara ko uu ng'atuutyetap Kamuktaindet ne Toroor, ko ki igoochi `Joshua icheek poroteet eng' kwenutap tupchosyegap kwandanywa.

JOSHUA 17:4 ပူးပေါင်းရင်းမြစ်များ

KAITOSYEK 27:1

Kiba korikta anyun tibikab Selopehad weritab Heper, weritab Gilead, weritab Makir, weritab Manase, ne bo ortinwekab Manase weritab Josep: ak chuto kainaikab tibikab Selopehad; Mala, Noa, Hogla, Milka, ak Tirsa.

KAITOSYEK 27:4

Amu nee si keisto kainetab kwandanyo eng’ orennyi amu kima kotinyei wero? Ogonech borotet koboto tupchosiekab kwandanyo.

KAITOSYEK 36:10

Kiyai tibikab Selopehad ko u ye king’at Jehovah Musa:

GALATYEK 3:28

Ma imugaksei kele mi Yahudiot anan Yunanindet, ama mi otwogindet anan ne itiagat, ama mi ne muren anan ne tie: amu okwek tugul ko o agenge eng’ Kristo Jesu.

JOSHUA 14:1

Chu ko borotosiek che kinam lagokab Israel eng’ emetab Kanan, che kipchechi ichek Eleasar tisiindet, ak Josua weritab Nun, koboto kandoikab gorik che bo bororiosiekab lagokab Israel,

JOSHUA 17:5

Ak kisich Manase kebeberwek taman, koboto emetab Gilead ak Basan, ne mi Jordan bitonin;

JOSHUA 21:1

Yeityo kobwa kandoikab gorikab kwanisiek che bo Lawik korik ole mi Eleasar tisiindet, ak Josua weritab Nun, ak kandoikab gorikab kwanisiek che bo bororiosiekab lagokab Israel,