JONAH 4:9 - BUKUIT NE TILIL

⁹ Kilenji Kamuktaindet Jona, Tos iyae ne mie nginerech agobo silangwet? Ak kile, Kayai ne mie nganerechi agoi meet.

Bukuit Ne Tilil

⁹ Ki leenji `Kamuktaindet Jona, “Tos iyae ne myee nginereech agobo silangwet?” Ak ki le, “Kayai ne myee nganereechi, anereechi agot agoi meet.”

BUKUIT NE TILIIL Sireet ne Dutero Kanon

⁹ Ki leenji `Kamuktaindet Jona, “Tos iyae ne myee nginereech agobo silangwet?” Ak ki le, “Kayai ne myee nganereechi, anereechi agot agoi meet.”

JONAH 4:9 ပူးပေါင်းရင်းမြစ်များ

1 LAITORINIK 21:4

Ak kinyo Ahab gonnyi eng’ muguleldo ne nyigis, ak konerechi amu ng’olyot ne kamwachi Nabot Jesreelindet: amu kiga lenji, Magonin borotetab kwanisiekyuk. Ak kiru eng’ itogunnyi, ak kolit olin, ak koesio koamis.

Kitabuutap JOB 18:4

Inye ne igererige eng’ neregeguk, Tos kimetoi ng’ony agobo inye? Anan kiistoi ruandet eng’ komostanyi?

Kitabuutap JOB 36:18

Amu mi neregek, iripge si maichuutin talbistang’ung’; Anan komaasin oindab katiaget.

Kitabuutap JOB 5:2

Amu barei neregek chito ne berber. Ak barei ng’et konda chito ne berber.

JONAH 4:1

Ago kima ibaibai Jona ng’olyondonoto agot kitigin, ak kinerech.

JONAH 4:10

Ak kile Jehovah, Kerire silangwet, ne koma iyae, ak ko ma ibiiti; ne kobit kemout agenge, ak kong’emak kemout agenge:

JONAH 4:8

Ak kingochor asista kochob Kamuktaindet usonet ne bunu kong’asis ne imelisiei; ak kibeel asista metitab Jona, kot kotanui, ak kisomjigei kole kome, ak kile, Kaigai eng’ ane ame kosiir asob.

MATAYO 26:38

Kimwachi ichek anyun, kolenji, Arogeni mising’ sobondanyu, agoi meet: otebe yu; ak oripse kobota.

2 KORINTOEK 7:10

Amu arogenet ne tokyingei Jehovah koyaei sigunet agoi yetunet, ne matinyei ndara: ago arogenet ne bo ng’onyuni koibu meet.

NG'ANG'UTYET 9:6

Ak tun cheng’ei bik meet eng’ betusiechoto, ak magoi nyor; ak machei kole kobek, ak komweei meet eng’ ichek.

KIRUOGIK 16:16

Ak kingo kagoiim betusiek che chang’ eng’ ng’alekyik, ak kobirjin, kong’et anyun sobondanyi agoi kome mugulel.